ಮದುವೆ ಬಳಿಕ ಸಿನಿಮಾದಿಂದ ನಯನತಾರಾ ಬ್ರೇಕ್: ರೊಮ್ಯಾನ್ಸ್ ದೃಶ್ಯಗಳಿಗೆ ನೋ ಎಂದ ನಟಿ!

ನಯನತಾರ ಸಿನಿಮಾಗಳಿಂದ ಬ್ರೇಕ್!

ನಟಿ ನಯನತಾರ ಮದುವೆ ಬಳಿಕ ಸಿನಿಮಾಗಳಲ್ಲಿ ಕಾಣಿಸಿಕೊಳ್ಳುತ್ತಾರ ಎಂಬ ಪ್ರಶ್ನೆಗೆ ಉತ್ತರ ಸಿಕ್ಕಿದೆ. ಈ ಬಗ್ಗೆ ಟಾಲಿವುಡ್‌ನಲ್ಲಿ ಸುದ್ದಿ ಹಬ್ಬಿದೆ. ನಟಿ ನಯನತಾರಾ ಮದುವೆ ಬಳಿಕ ಸಿನಿಮಾದಲ್ಲಿ ಅಭಿನಯಿಸದಿರಲು ನಿರ್ಧಾರಿಸಿದ್ದಾರಂತೆ. ಹಾಗಂತ ಸಂಪೂರ್ಣವಾಗಿ ಚಿತ್ರರಂಗದಿಂದ ದೂರ ಆಗಲ್ಲ. ಬದಲಿಗೆ ಒಂದು ದೊಡ್ಡ ಬ್ರೇಕ್ ತೆಗೆದುಕೊಳ್ಳಲು ನಿರ್ಧಾರ ಮಾಡಿದ್ದರಂತೆ. ಬ್ರೇಕ್ ಬಳಿಕ ಮತ್ತೆ ಕಮ್ ಬ್ಯಾಕ್‌ ಕೂಡ ಮಾಡಲಿದ್ದಾರೆ ನಯನತಾರಾ.

ನಯನತಾರ 'ಕೆಂಪು ಸೀರೆ' ರಹಸ್ಯ: ಸೀರೆಗಿದೆ ಹೊಯ್ಸಳರ ನಂಟು?

ರೊಮ್ಯಾನ್ಸ್ ದೃಶ್ಯಗಳಲ್ಲಿ ನಟಿಸುವುದಿಲ್ಲ!

ಬ್ರೇಕ್ ತೆಗೆದುಕೊಳ್ಳುವುದು ಮಾತ್ರ ಅಲ್ಲ. ನಯನತಾರಾ ಒಂದಷ್ಟು ಷರತ್ತುಗಳನ್ನು ನಯನತಾರಾ ಹಾಕಿದ್ದಾರೆ. ಅಂದರೆ ಮದುವೆ ಬಳಿಕ ಬ್ರೇಕ್ ತೆಗೆದುಕೊಂಡು, ಕಮ್‌ಬ್ಯಾಕ್ ಮಾಡಿದಾಗ ಆಪ್ತ ದೃಶ್ಯಗಳಲ್ಲಿ ನಟಿಸುವುದಿಲ್ಲವಂತೆ. ನಟರ ಜೊತೆಗೆ ತೆರೆ ಮೇಲೆ ರೊಮ್ಯಾನ್ ಮಡುವುದಿಲ್ಲವಂತೆ ನಯನತಾರಾ. ಈ ಬಗ್ಗೆ ನಯನತಾರ ಹೇಳಿಕೊಳ್ಳದೇ ಇದ್ದರೂ, ಟಾಲಿವುಡ್‌ನಲ್ಲಿ ಗಾಸಿಪ್ ಹಬ್ಬಿದೆ.

ನಯನತಾರಾ ಕುಟುಂಬಕ್ಕೆ ಹೆಚ್ಚಿನ ಸಮಯ ಮೀಸಲು!

ಇನ್ನು ನಟಿ ನಯನತಾರಾ ಹೀಗೊಂದು ನಿರ್ಧಾರ ತೆಗೆದುಕೊಳ್ಳಲು ಕಾರಣ ಕುಟುಂಬ. ಮದುವೆಯಾದ ಬಳಿಕ ಕುಟುಂಬಕ್ಕೆ ಹೆಚ್ಚಿನ ಸಮಯ ಕೊಡಲು ನಟಿ ನಿರ್ಧರಿಸಿದ್ದಾರಂತೆ. ಹಾಗಾಗಿ ಸಿನಿಮಾರಂಗದಿಂದ ಅನಿರ್ದಿಷ್ಟ ಅವಧಿ ಬ್ರೇಕ್ ತೆಗೆದುಕೊಳ್ಳಲಿದ್ದಾರೆ. ಈ ಸಮಯವನ್ನು ತನ್ನ ಮತ್ತು ವಿಘ್ನೇಶ್ ಕುಟುಂಬದ ಜೊತೆಗೆ ನಯನತಾರಾ ಕಳೆಯಲಿದ್ದಾರೆ.

ನಯನತಾರ ಮಾಡಿದ ತಪ್ಪಿಗೆ ಕ್ಷಮೆಯಾಚಿಸಿದ ಪತಿ ವಿಘ್ನೇಶ್ ಶಿವನ್!

ಶಾರುಖ್ ಖಾನ್ ಜೊತೆಗಿನ ಚಿತ್ರವೇ ಕೊನೆ?

ಇನ್ನು ನಟಿ ನಯನತಾರಾ ಶಾರುಖ್ ಖಾನ್ ಜೊತೆಗೆ 'ಜವಾನ್' ಚಿತ್ರದಲ್ಲಿ ನಾಯಕಿಯಾಗಿ ಕಾಣಸಿಕೊಳ್ಳಲಿದ್ದಾರೆ. ತಮಿಳು ನಿರ್ದೇಶಕ ಅಟ್ಲಿ ಸಾರಥ್ಯದಲ್ಲಿ ಸಿನಿಮಾ ಮೂಡಿ ಬರಲಿದೆ. ಹಾಗಾಗಿ ಈ ಚಿತ್ರದ ಬಳಿಕ ನಯನತಾರಾ ಲಾಂಗ್ ಗ್ಯಾಪ್ ತೆಗೆದುಕೊಳ್ಳಲಿದ್ದಾರೆ ಎನ್ನಲಾಗಿದೆ. ಹಾಗಾಗಿ ಈ ಚಿತ್ರದಲ್ಲಿರುವ ನಯನತಾರಾ ಪಾತ್ರದ ಬಗ್ಗೆ ಹೆಚ್ಚಿನ ಕುತೂಹಲ ಮೂಡಿದೆ.