25 ಕೋಟಿಗೆ ಮಾರಾಟವಾಗ್ತಿದೆ ಖ್ಯಾತ ನಟನ ಮನೆ.!

1953ರಲ್ಲಿ ಖರೀದಿಸಿದ್ದರು

1953ರಲ್ಲಿ ಎನ್.ಟಿ.ಆರ್ ಅವರು ಈ ಮನೆಯನ್ನ ಕೊಂಡುಕೊಂಡಿದ್ದರು. ನಂತರ ತಮಗೆ ಬೇಕಾದ ರೀತಿಯಲ್ಲಿ ವಿನ್ಯಾಸ ಮಾಡಿಕೊಂಡರು. ಕಚೇರಿಯನ್ನ ಕೂಡ ಇಲ್ಲಿಯೇ ಸ್ಥಾಪಿಸಿಕೊಂಡಿದ್ದರು.

20ಕ್ಕೂ ಅಧಿಕ ವರ್ಷ ವಾಸವಾಗಿದ್ದರು

ಸುಮಾರು ಎರಡೂವರೆ ದಶಕಗಳ ಕಾಲ ಇದೇ ಮನೆಯಲ್ಲಿ ವಾಸವಿದ್ದರು ಎನ್.ಟಿ.ಆರ್. 1953 ರಿಂದ 1980 ರ ವರೆಗೂ ಈ ಮನೆಯಲ್ಲಿ ನೆಲೆಸಿದ್ದರು. ನಂತರ ಹೈದರಾಬಾದ್ ನಲ್ಲಿ ಸಿನಿಮಾ ಕೆಲಸಗಳು ಆರಂಭವಾದ ಮೇಲೆ ಎನ್.ಟಿ.ಆರ್ ಕೂಡ ಚೆನ್ನೈನಿಂದ ಶಿಫ್ಟ್ ಆದರು.

ಮ್ಯೂಸಿಯಂ ಮಾಡಬೇಕಿತ್ತು

ಎಲ್ಲ ಅಂದುಕೊಂಡಂತೆ ಆಗಿದ್ದರೇ, ಈ ಮನೆಯನ್ನ ಮ್ಯೂಸಿಯಂ ಮಾಡಲು ಚಿಂತಿಸಲಾಯಿತು. ಆದ್ರೆ, ಅದು ಸಾಧ್ಯವಾಗಲಿಲ್ಲ. ಹೀಗಾಗಿ, ಈಗ ಮಾರಾಟ ಮಾಡಲು ಮುಂದಾಗಿದ್ದಾರೆ.

ಮನೆಯ ಬೆಲೆ ಎಷ್ಟು ಗೊತ್ತಾ?

ಸದ್ಯ, ಈ ಮನೆಯನ್ನ ನೋಡಿಕೊಳ್ಳುವವರು ಯಾರು ಇಲ್ಲ ಎಂಬ ಕಾರಣಕ್ಕೆ ಮಾರಾಟ ಮಾಡಲು ಪ್ಲಾನ್ ಮಾಡಿದ್ದು, ಸುಮಾರು 25 ಕೋಟಿ ಬೆಲೆ ನಿಗದಿಪಡಿಸಲಾಗಿದೆಯಂತೆ. ಬಂದ ಹಣದಿಂದ ಮನೆಯ ಸದಸ್ಯರು ಸಮನಾಗಿ ಹಂಚಿಕೊಳ್ಳಲಿದ್ದಾರೆ ಎನ್ನಲಾಗಿದೆ.