ಪ್ರಭಾಸ್-ಅನುಷ್ಕಾ ಡೇಟಿಂಗ್ ಬಗ್ಗೆ ಬಾಲಿವುಡ್ ಮಾಧ್ಯಮಗಳು ಅಚ್ಚರಿ ವರದಿ.!

ಪ್ರಭಾಸ್ ಮದುವೆಗೆ ಓಕೆನಾ ಅಥವಾ ಇಲ್ವಾ?

ಅಕ್ಟೋಬರ್ ತಿಂಗಳು ಬಂದ್ರೆ ಪ್ರಭಾಸ್ 40ನೇ ವರ್ಷಕ್ಕೆ ಕಾಲಿಡುತ್ತಿದ್ದಾರೆ. ಪ್ರಭಾಸ್ ಮನೆಯಲ್ಲಿ ಮದುವೆಗೆ ಭಾರಿ ಒತ್ತಡ ಇದೆ. ಈಗಾಗಲೇ ಎನ್.ಆರ್.ಐ ಹುಡುಗಿಯೊಬ್ಬಳನ್ನ ಪ್ರಭಾಸ್ ಮನೆಯವರು ನೋಡಿ ಮದುವೆಗೆ ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರೆ. ಆದ್ರೆ, ಪ್ರಭಾಸ್ ಮದುವೆಗೆ ಗ್ರೀನ್ ಸಿಗ್ನಲ್ ಕೊಟ್ಟಿದ್ದಾರಾ ಅಥವಾ ಇಲ್ವಾ ಎಂಬುದರ ಬಗ್ಗೆ ಅನುಮಾನ ಇದೆ.

ಅನುಷ್ಕಾ-ಪ್ರಭಾಸ್ ಲವ್ವು ಪಕ್ಕಾ, ಮದ್ವೆಗೆ ರೆಡಿ

ಪ್ರಭಾಸ್ ಮತ್ತು ಅನುಷ್ಕಾ ಶೆಟ್ಟಿ ನಡುವೆ ಏನೂ ಇಲ್ಲ. ಅವರಿಬ್ಬರು ಸ್ನೇಹಿತರು ಅಷ್ಟೆ ಎನ್ನಲಾಗುತ್ತಿದೆ. ಆದ್ರೆ, ಈ ಬಗ್ಗೆ ಬಾಲಿವುಡ್ ಮಾಧ್ಯಮಗಳು ಮಾತ್ರ ಬೇರೆಯದ್ದು ಕಥೆ ಹೇಳುತ್ತಿದೆ. ಇಬ್ಬರು ಡೇಟ್ ಮಾಡ್ತಿದ್ದಾರೆ. ಹೈದ್ರಾಬಾದ್ ನಲ್ಲಿ ಸೀಕ್ರೆಟ್ ಆಗಿ ಭೇಟಿಯಾಗ್ತಿದ್ದಾರೆ. ಮತ್ತು ಸಾಹೋ ವಿಶೇಷ ಪ್ರದರ್ಶನಕ್ಕೆ ಕೂಡ ಅನುಷ್ಕಾ ಆವರನ್ನ ಕರೆದುಕೊಂಡಿದ್ದರು ಎಂಬ ಸುದ್ದಿ ಇದೆ.

ಅಮೆರಿಕಾದಲ್ಲಿ ಮನೆ ಖರೀದಿಗೆ ಪ್ಲಾನ್

ಈ ಹಿಂದೆ ಅನುಷ್ಕಾ ಮತ್ತು ಪ್ರಭಾಸ್ ಇಬ್ಬರು ತಮ್ಮ ಅಫೇರ್ ಬಗ್ಗೆ ಹರಿದಾಡಿದ್ದ ಸುದ್ದಿಯನ್ನ ತಳ್ಳಿ ಹಾಕಿದ್ದರು. ಆದ್ರೀಗ, ಬಾಲಿವುಡ್ ಮಾಧ್ಯಮಗಳು ವರದಿ ಮಾಡಿರುವ ಪ್ರಕಾರ, ಅಮೆರಿಕಾದ ಲಾಸ್ ಏಂಜಲೀಸ್ ನಲ್ಲಿ ಇಬ್ಬರು ಸೇರಿ ಮನೆಯೊಂದನ್ನ ಖರೀದಿ ಮಾಡಲು ಮುಂದಾಗಿದ್ದಾರಂತೆ. ಇದಕ್ಕಾಗಿ ಹುಡುಕಾಟ ಕೂಡ ಮಾಡಿದ್ದಾರೆ ಎನ್ನಲಾಗಿದೆ. ಈ ಸುದ್ದಿ ಈಗ ಸಿನಿಜಗತ್ತಿನಲ್ಲಿ ಭಾರಿ ಕುತೂಹಲ ಹುಟ್ಟುಹಾಕಿದೆ.

ಇಬ್ಬರು ಫ್ರೆಂಡ್ ಅಷ್ಟೇ

ಅನುಷ್ಕಾ ಮತ್ತು ಪ್ರಭಾಸ್ ಸಂಬಂಧದ ಬಗ್ಗೆ ಕಳೆದ ನಾಲ್ಕೈದು ವರ್ಷದಿಂದ ಕುತೂಹಲ ಮೂಡಿಸಿದೆ. ಇಬ್ಬರು ಕೂಡ ನಾವು ಬರಿ ಫ್ರೆಂಡ್ಸ್ ಅಷ್ಟೆ. ಇಬ್ಬರು ಒಟ್ಟಿಗೆ ಸಿನಿಮಾ ಮಾಡಿದ್ರೆ, ಒಟ್ಟಿಗೆ ಕಾಣಿಸಿಕೊಂಡ್ರೆ ಲವ್, ಮದುವೆ ಆಗ್ತಾರೆ ಎನ್ನುವುದರಲ್ಲಿ ಅರ್ಥವಿಲ್ಲ ಎಂದು ಪ್ರಭಾಸ್ ಮತ್ತು ಅನುಷ್ಕಾ ಪದೇ ಪದೇ ಹೇಳುತ್ತಿದ್ದಾರೆ. ಹೀಗಿದ್ದರೂ ಇಂತಹ ಸುದ್ದಿಗಳು ಯಾಕೆ ಮತ್ತೆ ಮತ್ತೆ ಸದ್ದು ಮಾಡ್ತಿದೆ ಎಂಬುದು ಗೊತ್ತಾಗುತ್ತಿಲ್ಲ.