'ಸಲಾರ್' ಚಿತ್ರದಲ್ಲೂ ಮತ್ತದೇ ಸೀನ್: 'ಸಲಾರ್' ಅಖಾಡಕ್ಕೆ ರಾಕಿಭಾಯ್ ಎಂಟ್ರಿ?

'ಸಲಾರ್' ಚಿತ್ರದಲ್ಲೂ ಆ ಸೀನ್

ಪ್ರಶಾಂತ್ ನೀಲ್ ಸಿನಿಮಾಗಳಲ್ಲಿ ಮದರ್ ಸೆಂಟಿಮೆಂಟ್ ಸನ್ನಿವೇಶಗಳು ಪ್ರೇಕ್ಷಕರ ಗಮನ ಸೆಳೆಯುತ್ತವೆ. 'ಉಗ್ರಂ' ಚಿತ್ರದಲ್ಲಿ ಸಂಕಷ್ಟಕ್ಕೆ ಸಿಲುಕಿದ ಮಗಳನ್ನು ನೋಡಿ ದಿಕ್ಕು ತೋಚದೇ ಕುಳಿತ ತಾಯಿ ಮುಂದೆ ಅಗಸ್ತ್ಯ ಧೈರ್ಯ ತುಂಬಿ ಕಿಡಿಗೇಡಿಗಳ ಬೆಂಡೆತ್ತುವ ದೃಶ್ಯ ಇದೆ. ಇನ್ನು KGF ಚಿತ್ರದಲ್ಲಿ ತಾಯಿಯೊಬ್ಬಳು ಮಗುವಿಗಾಗಿ ಬನ್ ಒಂದನ್ನು ಹಿಡಿದು ಬರುವಾಗ ಅದು ರಸ್ತೆಗೆ ಬಿದ್ದ ಸಮಯದಲ್ಲಿ ಅದನ್ನು ಮರಳಿ ತೆಗೆದುಕೊಳ್ಳಲು ಮುಜುಗರ ಪಡುತ್ತಿದ್ದ ತಾಯಿಯನ್ನು ನೋಡಿದ ರಾಕಿ ಕಾರ್ ಅಡ್ಡಗಟ್ಟಿ ಬನ್ ಕೊಟ್ಟು ತಾಯಿಗಿಂತ ದೊಡ್ಡ ಯೋಧ ಯಾರೂ ಇಲ್ಲ ಎಂದು ಹೇಳ್ತಾನೆ. ಇಂತದ್ದೇ ತಾಯಿ ಮಗನ ಸನ್ನಿವೇಶ 'ಸಲಾರ್' ಚಿತ್ರದಲ್ಲಿ ಇದ್ದಂತೆ ಕಾಣ್ತಿದೆ.

ಸ್ಕ್ರೀನ್‌ ಶಾಟ್ ಫುಲ್ ವೈರಲ್

'ಸಲಾರ್' ಚಿತ್ರದಲ್ಲಿ ಈಶ್ವರಿ ರಾವ್ ಮುಖ್ಯವಾದ ಪಾತ್ರ ಮಾಡುತ್ತಿದ್ದಾರೆ. ಸದ್ಯ ಲೀಕ್ ಆಗಿರುವ ವಿಡಿಯೋದಲ್ಲಿ ಪ್ರಭಾಸ್, ಈಶ್ವರಿ ರಾವ್ ಎದುರು ಕುಳಿತು ಮಾತನಾಡುವಂತಹ ಸನ್ನಿವೇಶ ಇದೆ. ಸದ್ಯ 'ಉಗ್ರಂ', 'KGF' ಹಾಗೂ 'ಸಲಾರ್' ಚಿತ್ರದ ಲೀಕ್ಡ್ ವಿಡಿಯೋ ಸ್ಕ್ರೀನ್‌ ಶಾಟ್ ತೆಗೆದು ಮೂರರಲ್ಲೂ ಒಂದೇ ತರಹದ ಸನ್ನಿವೇಶ ಎಂದು ಅಭಿಮಾನಿಗಳು ವೈರಲ್ ಮಾಡುತ್ತಿದ್ದಾರೆ 'ಸಲಾರ್' ಮದರ್ ಸೆಂಟಿಮೆಂಟ್ ಹೈಲೆಟ್ ಆಗುತ್ತೆ ಎಂದು ಹೇಳುತ್ತಿದ್ದಾರೆ.

'ಸಲಾರ್' ಅಖಾಡಕ್ಕೆ ರಾಕಿ ಎಂಟ್ರಿ?

ಇನ್ನು ಕಳೆದೆರಡು ದಿನಗಳಿಂದ ಯಶ್ ಶೂಟಿಂಗ್ ಸೆಟ್‌ನಲ್ಲಿ ಇರುವಂತಹ ಫೋಟೊವೊಂದು ವೈರಲ್ ಆಗ್ತಿದೆ. ಅದರಲ್ಲಿ ಯಶ್ ಲುಕ್ ನೋಡಿ ಅಭಿಮಾನಿಗಳು ಫಿದಾ ಆಗಿದ್ದಾರೆ. ಇದು 'ಸಲಾರ್' ಚಿತ್ರದ ಮೇಕಿಂಗ್ ಸ್ಟಿಲ್ ಎಂದು ಕೆಲವರು ಹೇಳುತ್ತಿದ್ದಾರೆ. ಬಹಳ ದಿನಗಳಿಂದ ಯಶ್ ಕೂಡ ಸಲಾರ್ ಚಿತ್ರದಲ್ಲಿ ಗೆಸ್ಟ್ ಅಪಿಯರೆನ್ಸ್ ಮಾಡ್ತಿದ್ದಾರೆ ಎನ್ನುವ ಮಾತುಗಳು ಕೇಳಿಬರ್ತಿದೆ. ಅದಕ್ಕೆ ಈ ಫೋಟೊವನ್ನು ಸೇರಿಸಿ ಶೇರ್ ಮಾಡುತ್ತಿದ್ದಾರೆ. ಆದರೆ ಇದು ಯಾವುದೇ ಜಾಹೀರಾತು ಚಿತ್ರೀಕರಣದ ಫೋಟೊ ಎನ್ನುವುದು ಕೆಲವರ ವಾದ. ಪೆಪ್ಸಿ ಇಂಡಿಯಾ ಜಾಹೀರಾತಿನ ಮೇಕಿಂಗ್ ಸ್ಟಿಲ್ ಆಗಿರಬಹುದು ಎಂದು ಕೆಲವರು ಊಹಿಸುತ್ತಿದ್ದಾರೆ.

ಸೆ. 16ಕ್ಕೆ 'ಸಲಾರ್' ರಿಲೀಸ್

ಆಕ್ಷನ್ ಎಂಟರ್‌ಟೈನರ್ ಸಿನಿಮಾಗಳನ್ನು ಮಾಡುವುದರಲ್ಲಿ ಪ್ರಶಾಂತ್ ನೀಲ್ ಮಾಸ್ಟರ್. ಈಗಾಗಲೇ 3 ಸಿನಿಮಾಗಳಲ್ಲಿ ಅವರ ಎಲಿವೇಷನ್ ಸೀನ್ಸ್ ನೋಡಿದವರು ದಂಗಾಗಿದ್ದಾರೆ. 'ಸಲಾರ್' ಚಿತ್ರದಲ್ಲಿ ಇದನ್ನೆಲ್ಲಾ ಮೀರಿದಂತೆ ಎಂಟರ್‌ಟೈನ್‌ಮೆಂಟ್ ಫಿಕ್ಸ್ ಎನ್ನಲಾಗ್ತಿದೆ. ಪ್ಯಾನ್ ಇಂಡಿಯಾ ಲೆವೆಲ್‌ನಲ್ಲಿ ಸಿನಿಮಾ ನಿರ್ಮಾಣ ಆಗ್ತಿದೆ. ರಾಕಿ ಭಾಯ್ ಕ್ಯಾರೆಕ್ಟರೈಷೇನ್ ನೋಡಿದ ಮೇಲೆ 'ಸಲಾರ್' ಆರ್ಭಟ ಹೇಗಿರುತ್ತೋ ಎಂದು ಊಹಿಸಿಕೊಂಡೇ ಪ್ರಭಾಸ್ ಫ್ಯಾನ್ಸ್ ಥ್ರಿಲ್ಲಾಗಿದ್ದಾರೆ. ಸೆಪ್ಟೆಂಬರ್ 28ಕ್ಕೆ ಸಿನಿಮಾ ದೊಡ್ಡಮಟ್ಟದಲ್ಲಿ ತೆರೆಗಪ್ಪಳಿಸಲಿದೆ.