'ಸಲಾರ್' ಚಿತ್ರದಲ್ಲಿ ಇಬ್ಬರು ನಾಯಕಿಯರು, ಒಬ್ಬರು ಬಾಲಿವುಡ್, ಇನ್ನೊಬ್ಬರು?

ದಿಶಾ ಪಟಾನಿ ಪಕ್ಕಾ ಆಗಿಲ್ಲ?

ಸಲಾರ್ ಚಿತ್ರದಲ್ಲಿ ಪ್ರಭಾಸ್‌ಗೆ ಜೋಡಿಯಾಗಿ ದಿಶಾ ಪಟಾನಿ ನಟಿಸುವ ಸಾಧ್ಯತೆ ಇದೆ ಎನ್ನಲಾಗಿದೆ. ಆದ್ರೆ, ನಾಯಕಿ ಕುರಿತು ನಿರ್ದೇಶಕ ಅಥವಾ ನಿರ್ಮಾಣ ಸಂಸ್ಥೆಯಾಗಲಿ ಖಚಿತಪಡಿಸಿಲ್ಲ. ದಿಶಾ ಪಟಾನಿಯ ಹೆಸರು ಮುಂಚೂಣಿಯಲ್ಲಿರಬಹುದು ಅಷ್ಟೇ.

ಇಬ್ಬರು ನಾಯಕಿಯರು ಎನ್ನಲಾಗಿದೆ!

ಮತ್ತೊಂದು ವರದಿ ಪ್ರಕಾರ ಸಲಾರ್ ಚಿತ್ರದಲ್ಲಿ ಇಬ್ಬರು ನಾಯಕಿಯರು ಇರಲಿದ್ದಾರಂತೆ. ಒಬ್ಬರು ಬಾಲಿವುಡ್ ನಟಿ ದಿಶಾ ಪಟಾನಿ ಹೆಸರು ಕೇಳಿ ಬಂದಿದ್ದರೆ, ಮತ್ತೊಬ್ಬ ನಾಯಕಿ ಯಾರು ಎನ್ನುವುದು ಪಕ್ಕಾ ಆಗಿಲ್ಲ. ಎರಡನೇ ನಾಯಕಿಯಾಗಿ ಹುಡುಕಾಟ ನಡೆಯುತ್ತಿದೆ ಎಂದಷ್ಟೇ ಸುದ್ದಿಯಾಗಿದೆ.

ರಾಧೇ ಶ್ಯಾಮ್ ಚಿತ್ರದಲ್ಲಿ ಪ್ರಭಾಸ್!

ಸಾಹೋ ಸಿನಿಮಾ ನಿರೀಕ್ಷೆಯಂತೆ ಪ್ರಭಾಸ್‌ಗೆ ಸಕ್ಸಸ್ ತಂದುಕೊಟ್ಟಿಲ್ಲ. ಈ ಚಿತ್ರದ ನಂತರ ರಾಧೇ ಶ್ಯಾಮ್ ಸಿನಿಮಾ ಮಾಡಿದ್ದು, ಈ ಚಿತ್ರದ ಅಂತಿಮ ಕೆಲಸದಲ್ಲಿ ಪ್ರಭಾಸ್ ಬ್ಯುಸಿಯಾಗಿದ್ದಾರೆ. ಪ್ರಭಾಸ್ ಜೊತೆ ಪೂಜಾ ಹೆಗಡೆ ನಾಯಕಿಯಾಗಿದ್ದಾರೆ.

ಆದಿಪುರುಷ್ ಆರಂಭಿಸಬೇಕಿದೆ

ರಾಧೇಶ್ಯಾಮ್ ಮುಗಿದ ಬಳಿಕ ನಾಗ್ ಅಶ್ವಿನ್ ನಿರ್ದೇಶನದ 21ನೇ ಚಿತ್ರವನ್ನು ಪ್ರಭಾಸ್ ಕೈಗೆತ್ತಿಕೊಳ್ಳಲಿದ್ದಾರೆ. ಇದರ ಜೊತೆ ಜೊತೆಗೆ ಸಲಾರ್ ಹಾಗೂ ಓಂ ರಾವತ್ ನಿರ್ದೇಶನದ ಆದಿಪುರುಷ್ ಸಿನಿಮಾವೂ ಆರಂಭಿಸಬೇಕಿದೆ. ಒಟ್ನಲ್ಲಿ ಮುಂದಿನ ಎರಡು ವರ್ಷ ಪ್ರಭಾಸ್ ಸಂಪೂರ್ಭ ಬ್ಯುಸಿಯಾಗಿದ್ದಾರೆ.