100 ಕೋಟಿ ಹಿಡಿದು ಬಂದ ಕಿಚ್ಚನ ಪತ್ನಿ ಪ್ರಿಯಾ

'ರಾಜಾ ವೀರ ಮದಕರಿ'

ಸುದೀಪ್ ಈ ಹಿಂದೆ 'ವೀರ ಮದಕರಿ' ಸಿನಿಮಾ ಮಾಡಿದ್ದರು. ಆದರೆ ಈಗ ಅವರು 'ರಾಜಾ ವೀರ ಮದಕರಿ' ಚಿತ್ರವನ್ನ ಮಾಡುವ ಪ್ಲಾನ್ ಮಾಡಿದ್ದಾರಂತೆ. ಚಿತ್ರದುರ್ಗದ ಮದಕರಿ ನಾಯಕರ ಜೀವನಾಧಾರಿತ ಸಿನಿಮಾ ಇದಾಗಿದೆಯಂತೆ. ಮದಕರಿ ನಾಯಕರ ಶೌರ್ಯವನ್ನ ಈ ಸಿನಿಮಾ ಸಾರಲಿದೆಯಂತೆ.

ಪ್ರಿಯಾ ಸುದೀಪ್ ನಿರ್ಮಾಣ

ಸುದೀಪ್ ಅವರ ಈ ಮಹಾ ಸಿನಿಮಾವನ್ನ ಅವರ ಪತ್ನಿ ಪ್ರಿಯಾ ಸುದೀಪ್ ನಿರ್ಮಾಣ‌ ಮಾಡಲಿದ್ದಾರಂತೆ. ಈ ಸಿನಿಮಾದ ಮೂಲಕ ಅವರು ನಿರ್ಮಾಪಕಿಯಾಗಿ ಚಿತ್ರರಂಗಕ್ಕೆ ಕಾಲಿಡಲಿದ್ದಾರೆ. ಈ ಚಿತ್ರದ ಕೆಲಸಗಳು ಈಗಾಗಲೇ ಶುರುವಾಗಿದೆಯಂತೆ.

ರಾಕ್ ಲೈನ್ ನಿರ್ಮಾಣದ ಅದ್ದೂರಿ ಐತಿಹಾಸಿಕ ಚಿತ್ರದಲ್ಲಿ ದರ್ಶನ್

ಎರಮ್ಮೂರು ಭಾಷೆಗಳಲ್ಲಿ

ಈ ಸಿನಿಮಾ ಕನ್ನಡದ ಜೊತೆಗೆ ಇನ್ನೂ ಎರಡು ಭಾಷೆಗಳಲ್ಲಿ ನಿರ್ಮಾಣ ಆಗಲಿಯಂತೆ. ಕನ್ನಡದಲ್ಲಿ‌ ಈ ಸಿನಿಮಾಗೆ ಸುದೀಪ್ ನಾಯಕರಾಗಿದ್ದು, ಬೇರೆ ಭಾಷೆಯಲ್ಲಿಯೂ ಅವರೇ ಇರುತ್ತಾರ ಎಂಬ ಬಗ್ಗೆ ಇನ್ನೂ ನಿಖರ ಮಾಹಿತಿ ಹೊರ ಬಂದಿಲ್ಲ.

ಸಿನಿಮಾ ಬರೋದು ನಿಜನಾ?

ಈ ಸಿನಿಮಾದ ಬಜೆಟ್ ಕೇಳಿದಾಗ ಮೊದಲು ಎಲ್ಲರಿಗೂ ಆಶ್ಚರ್ಯ ‌ಆಗುತ್ತದೆ. 100 ಕೋಟಿ ಬಜೆಟ್ ನಲ್ಲಿ ಕನ್ನಡದಲ್ಲಿ ಸಿನಿಮಾ ಮಾಡಲು ಸಾಧ್ಯನಾ ಎನ್ನುವ ಪ್ರಶ್ನೆ ಮೂಡುತ್ತದೆ. ಈ ಚಿತ್ರದ ಎಲ್ಲಿಯೂ ಯಾರು ಬಹಿರಂಗವಾಗಿ ಮಾತನಾಡದೆ ಇದ್ದರೂ, ಈ ಚಿತ್ರದ ಪ್ಲಾನಿಂಗ್ ನಡೆಯುತ್ತಿರುವುದು ನಿಜ ಎನ್ನಲಾಗುತ್ತದೆ. ಅದೇನೇ ಇದ್ದರೂ ಈ ಮಟ್ಟಕ್ಕೆ ಕನ್ನಡ ಚಿತ್ರರಂಗ ಬೆಳೆಯಬೇಕು ಎನ್ನುವುದು ಎಲ್ಲರ ಆಸೆ.

ಮದಕರಿ ಹಿಂದೆ ದರ್ಶನ್, ಸುದೀಪ್

ಇನ್ನೊಂದು ಕಡೆ ನಟ ದರ್ಶನ್ ಕೂಡ ಮದಕರಿ ನಾಯಕರ ಬಗ್ಗೆ ಸಿನಮಾ ಮಾಡಲು ಮುಂದಾಗಿದ್ದಾರೆ. ರಾಕ್ ಲೈನ್ ವೆಂಕಟೇಶ್ ಈ ಸಿನಿಮಾವನ್ನ ನಿರ್ಮಾಣ ಮಾಡುತ್ತಿದ್ದು, ಡಿ ರಾಜೇಂದ್ರ ಸಿಂಗ್ ಬಾಬು ನಿರ್ದೇಶನ ಇರಲಿದೆಯಂತೆ. ದರ್ಶನ್ ಹಾಗೂ ಸುದೀಪ್ ಇಬ್ಬರು ಒಂದೇ ಸಮಯಕ್ಕೆ ಮದಕರಿ ನಾಯಕರ ಬಗ್ಗೆ ಚಿತ್ರವನ್ನ ಮಾಡುವ ಮನಸ್ಸಿನಲ್ಲಿ ಇದ್ದಾರೆ.