Don't Miss!
- Sports RCB vs KKR IPL 2024: ಕೆಕೆಆರ್ ವಿರುದ್ಧ ಆರ್ಸಿಬಿ ಹಸಿರು ಜೆರ್ಸಿಯಲ್ಲಿ ಕಣಕ್ಕೆ; ಅಂದೇ ಏಕೆ?
- News ಅರವಿಂದ್ ಕೇಜ್ರಿವಾಲ್ ಹತ್ಯೆ ಮಾಡಲು ಸಂಚು ನಡೆಯುತ್ತಿದೆ: ಎಎಪಿ ಗಂಭೀರ ಆರೋಪ
- Lifestyle ಮನೆಯಲ್ಲಿ ಸುಲಭವಾಗಿ ಬೀನ್ಸ್ ಬೆಳೆಯಬಹುದು..! ಹೇಗೆ ನೋಡಿ..!
- Automobiles ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ!
- Finance ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್!
- Technology Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಪುನೀತ್ - ಸಂತೋಷ್ ಹೊಸ ಚಿತ್ರದ ಟೈಟಲ್ 'ಪರಶುರಾಮ'!?
Recommended Video
ನಟ ಪುನೀತ್ ರಾಜ್ ಕುಮಾರ್ 'ರಾಜಕುಮಾರ' ಚಿತ್ರದ ನಂತರ ಬೇರೆ ಬೇರೆ ಸಿನಿಮಾಗಳಲ್ಲಿ ತೊಡಗಿದ್ದಾರೆ. ಇತ್ತ ಆ ಚಿತ್ರದ ನಿರ್ದೇಶಕ ಸಂತೋಷ್ ಆನಂದ್ ರಾಮ್ ಮತ್ತೆ ಪುನೀತ್ ಗಾಗಿ ಒಂದು ಕಥೆ ಸಿದ್ಧ ಮಾಡಿದ್ದಾರೆ.
ಪುನೀತ್ ರಾಜ್ ಕುಮಾರ್ ಹಾಗೂ ಸಂತೋಷ್ ಆನಂದ್ ರಾಮ್ ಕಾಂಬಿನೇಶನ್ ಚಿತ್ರದ ಸುದ್ದಿ ಈ ಹಿಂದೆಯೇ ಹರಿದಾಡಿತ್ತು. ಜೊತೆಗೆ ಸಿನಿಮಾದ ಟೈಟಲ್ ಏನು ಎಂಬ ಕುತೂಹಲ ಎಲ್ಲರಲ್ಲಿಯೂ ಇತ್ತು. ಆದರೆ, ಇದೀಗ ಆ ಸಿನಿಮಾದ ಟೈಟಲ್ 'ಪರಶುರಾಮ' ಇರಬಹುದು ಎಂಬ ಪ್ರಶ್ನೆ ಮೂಡಿದೆ.
ಸಂತೋಷ್-ಪುನೀತ್ ಚಿತ್ರದ ಟೈಟಲ್ ಫಿಕ್ಸ್ ಅಂತೆ
ಅಂದಹಾಗೆ, ಪುನೀತ್ - ಸಂತೋಷ್ ಹೊಸ ಚಿತ್ರದ ಟೈಟೆಲ್ ಬಗ್ಗೆ ಕೆಲ ಮಾಹಿತಿ ಮುಂದಿದೆ ಓದಿ...
ಗಣೇಶ ಹಬ್ಬಕ್ಕೆ ಟೈಟಲ್ ರಿಲೀಸ್
ನಿರ್ದೇಶಕ ಸಂತೋಷ್ ಆನಂದ್ ರಾಮ್ ತಮ್ಮ ಹೊಸ ಸಿನಿಮಾದ ಟೈಟಲ್ ಅನ್ನು ಇದೇ ಗಣೇಶನ ಹಬ್ಬಕ್ಕೆ ರಿಲೀಸ್ ಮಾಡಲಿದ್ದಾರಂತೆ. ಹಬ್ಬದ ಖುಷಿಯಲ್ಲಿ ಪುನೀತ್ ಚಿತ್ರದ ಹೆಸರನ್ನು ಸಹ ಘೋಷಣೆ ಆಗಲಿದೆ. ಆದರೆ, ಇದೀಗ ಈ ಸಿನಿಮಾಗೆ 'ಪರಶುರಾಮ' ಎಂಬ ಹೆಸರು ಇಡಬಹುದು ಎಂಬ ಮಾತಿದೆ.
ಪುನೀತ್ ಆಗ್ತಾರ 'ಪರಶುರಾಮ'
ಪುನೀತ್ ಜೊತೆ ಮಾಡುತ್ತಿರುವ ಹೊಸ ಸಿನಿಮಾಗೆ ಸಂತೋಷ್ ಆನಂದ್ ರಾಮ್ ಮತ್ತೆ ರಾಜ್ ಕುಮಾರ್ ಅವರ ಸಿನಿಮಾದ ಹೆಸರನ್ನು ಇಡುವ ಸಾಧ್ಯತೆ ಹೆಚ್ಚಿದೆ. ರಾಜ್ ಕುಮಾರ್ ಅವರ 205ನೇ ಸಿನಿಮಾ 'ಪರಶುರಾಮ' ಚಿತ್ರದ ಹೆಸರಿನಲ್ಲಿ ಮತ್ತೆ ಸಂತೋಷ್ ಸಿನಿಮಾ ಮಾಡಲಿದ್ದಾರಂತೆ. ಮತ್ತೊಂದು ದೊಡ್ಡ ವಿಶೇಷ ಅಂದರೆ, ಆಗ 'ಪರಶುರಾಮ' ಸಿನಿಮಾದಲ್ಲಿ ಪುನೀತ್ ಬಾಲನಟನಾಗಿ ನಟಿಸಿದ್ದರು.
ಮತ್ತೊಮ್ಮೆ ಅಪ್ಪುಗೆ ಆಕ್ಷನ್ ಕಟ್ : ರಾಜಮಾರ್ಗದಲ್ಲಿ ಸಂತೋಷ್ ಆನಂದ್ ರಾಮ್
ಸಮಾಜಿಕ ಸಮಸ್ಯೆಯ ಸಿನಿಮಾ
ಸಂತೋಷ್ ಸಮಾಜಿಕ ಸಮಸ್ಯೆಯ ಮೇಲೆ ಇರುವ ಒಂದು ಕಥೆ ಮಾಡಿಕೊಂಡಿದ್ದಾರಂತೆ. ಈ ಬಾರಿ ಅವರು ಸಮಾಜದಲ್ಲಿ ನಡೆಯುತ್ತಿರುವ ಒಂದು ವಿಷಯವನ್ನು ತೆರೆ ಮೇಲೆ ತೋರಿಸಲಿದ್ದಾರೆ. ಆ ಕಾರಣ ಈ ಕಥೆಗೆ 'ಪರಶುರಾಮ' ಶೀರ್ಷಿಕೆ ಸೂಕ್ತ ಆಗಲಿದೆಯಂತೆ. ಈ ಹಿಂದೆ ಈ ಚಿತ್ರಕ್ಕೆ 'ದೇವತ ಮನುಷ್ಯ' ಎಂಬ ಹೆಸರು ಸಹ ಕೇಳಿ ಬಂದಿತ್ತು.
ಪುನೀತ್ ಪಾತ್ರದ ಬಗ್ಗೆ ನಿರೀಕ್ಷೆ
'ಪರುಶುರಾಮ' ಸಿನಿಮಾದಲ್ಲಿ ರಾಜ್ ಸೈನಿಕನ ಪಾತ್ರ ಮಾಡಿದ್ದು, 1989ರಲ್ಲಿ ಚಿತ್ರ ಬಿಡುಗಡೆಯಾಗಿತ್ತು. ಸೋ, ಈಗ ಪುನೀತ್ ರಾಜ್ ಕುಮಾರ್ ಈ ಸಿನಿಮಾದಲ್ಲಿ ಯಾವ ಪಾತ್ರ ಮಾಡುತ್ತಾರೆ ಎಂಬ ನಿರೀಕ್ಷೆ ಹೆಚ್ಚಾಗಿದೆ. ಇನ್ನು 'ರಾಜಕುಮಾರ' ಸಿನಿಮಾಗೆ ಬಂಡವಾಳ ಹಾಕಿದ್ದ ಹೊಂಬಾಳೆ ಪ್ರೊಡಕ್ಷನ್ಸ್ ನಲ್ಲಿ ಈ ಚಿತ್ರ ಸಹ ನಿರ್ಮಾಣ ಆಗಲಿದೆ. ಸದ್ಯ ಪುನೀತ್ 'ನಟ ಸಾರ್ವಭೌಮ' ಚಿತ್ರದ ಚಿತ್ರೀಕರಣದಲ್ಲಿ ಬ್ಯುಸಿ ಇದ್ದಾರೆ.