'ಯುವರತ್ನ' ಬಿಡುಗಡೆಗೆ ಬಗ್ಗೆ ಬಿಗ್ ನ್ಯೂಸ್, ಅಪ್ಪು ಫ್ಯಾನ್ಸ್ ರೆಡಿಯಾಗಿ?

ಜನವರಿ 22ಕ್ಕೆ ಯುವರತ್ನ!

2020ನೇ ವರ್ಷ ಮುಗಿಲಿ, ಚಿತ್ರಮಂದಿರಗಳಲ್ಲಿ ಶೇಕಡಾ 100 ರಷ್ಟು ಅವಕಾಶ ನೀಡಲಿ ಎಂದು ಕಾಯುತ್ತಿರುವ ದೊಡ್ಡ ಸಿನಿಮಾಗಳ ಪೈಕಿ ಯುವರತ್ನ ಚಿತ್ರಮಂದಿರಕ್ಕೆ ಬರಲು ನಿರ್ಧರಿಸಿದಂತಿದೆ. ಸದ್ಯದ ಯೋಜನೆ ಪ್ರಕಾರ ಸಂಕ್ರಾಂತಿ ಹಬ್ಬ ಮುಗಿದ ಒಂದು ವಾರಕ್ಕೆ ಪುನೀತ್ ಹೊಸ ಸಿನಿಮಾ ತೆರೆಗೆ ಬರಲಿದೆಯಂತೆ. ಅಂದ್ರೆ, ಜನವರಿ 22ಕ್ಕೆ ಬಿಡುಗಡೆ ಮುಹೂರ್ತ ಫಿಕ್ಸ್ ಮಾಡಿಕೊಂಡಿದೆ ಎಂಬ ಸುದ್ದಿ ಚರ್ಚೆಯಾಗ್ತಿದೆ.

ಎರಡನೇ ಹಾಡಿನ ನಿರೀಕ್ಷೆ

ಇತ್ತೀಚಿಗಷ್ಟೆ ಯುವರತ್ನ ಸಿನಿಮಾದ ಮೊದಲ ಹಾಡು ಬಿಡುಗಡೆಯಾಗಿ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡ್ತಿದೆ. ಪವರ್ ಆಫ್ ಯೂತ್ ಸಾಂಗ್ ಕೇಳಿ ಚಿತ್ರಪ್ರೇಮಿಗಳು ಥ್ರಿಲ್ ಆಗಿದ್ದಾರೆ. ಇದೀಗ, ಚಿತ್ರದ ಎರಡನೇ ಹಾಡು ಊರಿಗೊಬ್ಬ ರಾಜ ಸರದಿ. ಈ ಹಾಡನ್ನು ಸ್ವತಃ ಪುನೀತ್ ಹಾಡಿದ್ದು ಸದ್ಯದಲ್ಲೇ ಎರಡನೇ ಹಾಡು ರಿಲೀಸ್ ಆಗಲಿದೆ.

ಪೊಗರು ರಿಲೀಸ್ ಸಿದ್ಧತೆ?

ಹಾಗ್ನೋಡಿದ್ರೆ, ಧ್ರುವ ಸರ್ಜಾ ನಟನೆಯ ಪೊಗರು ಸಿನಿಮಾ ಡಿಸೆಂಬರ್ ತಿಂಗಳಲ್ಲಿ ಬಿಡುಗಡೆಯಾಗಬೇಕಿದೆ. ಕ್ರಿಸ್‌ಮಸ್ ಹಬ್ಬವನ್ನು ಪೊಗರು ಚಿತ್ರತಂಡ ಟಾರ್ಗೆಟ್ ಮಾಡಿತ್ತು. ಆದ್ರೆ, ರಾಬರ್ಟ್ ಚಿತ್ರದ ಜೊತೆ ಡೇಟ್ ಕ್ಲಾಶ್ ಆಗಬಹುದು ಎಂಬ ಆಲೋಚನೆಯಲ್ಲಿ ಕಾಯುತ್ತಿದೆ. ಇದೀಗ, ಜನವರಿ ಆರಂಭದಲ್ಲೇ ಪೊಗರು ಎಂಟ್ರಿ ಕೊಡೋಕೆ ಸಜ್ಜಾಗಿದೆ ಎಂಬ ಮಾಹಿತಿ ಲಭ್ಯವಾಗಿದೆ.

Recommended Video

ಅದು ನನಗೆ ಬಹಳ ಮುಖ್ಯವಾದ ದಿನ ಎಂದ ಶಕೀಲ | Shakeela | Filmibeat Kannada

2020ನೇ ವರ್ಷದ ದೊಡ್ಡ ಚಿತ್ರಗಳು

ಯುವರತ್ನ ಹಾಗೂ ಪೊಗರು ಚಿತ್ರದ ಜೊತೆ ದರ್ಶನ್ ನಟನೆಯ ರಾಬರ್ಟ್, ಕಿಚ್ಚ ಸುದೀಪ್ ನಟನೆಯ ಕೋಟಿಗೊಬ್ಬ 3, ದುನಿಯಾ ವಿಜಯ್ ನಟನೆ ಸಲಗ ಚಿತ್ರಗಳು ಸಹ ಬಿಡುಗಡೆಗೆ ತಯಾರಾಗಿದೆ. ಬಹುಶಃ ಒಂದು ದೊಡ್ಡ ಸಿನಿಮಾ ತೆರೆಕಂಡ್ರೆ ಅದರ ಓಪನಿಂಗ್ ನೋಡಿ ಉಳಿದ ಚಿತ್ರಗಳು ಪ್ರೇಕ್ಷಕರೆದುರು ಬರಲು ಧೈರ್ಯ ಮಾಡಲಿವೆ.