'ಕೆ.ಜಿ.ಎಫ್'ನಲ್ಲಿ ಒಂದಾದ ಯಶ್ ಮತ್ತು ರಾಧಿಕಾ ಪಂಡಿತ್

ಗಾಂಧಿನಗರದ ಕ್ಯೂಟೆಸ್ಟ್ ಕಪಲ್ ಅಂತಂದ್ರೆ ಅದು ರಾಕಿಂಗ್ ಸ್ಟಾರ್ ಯಶ್ ಮತ್ತು ರಾಧಿಕಾ ಪಂಡಿತ್. 'ರಿಯಲ್' ಜೋಡಿ ಅಂತ ಪ್ರಸಿದ್ಧಿ ಪಡೆದಿರುವ ಈ ಇಬ್ಬರು ಒಟ್ಟಾಗಿ ನಟಿಸಿರುವ ಎಲ್ಲಾ ಚಿತ್ರಗಳು ಸೂಪರ್ ಹಿಟ್ ಆಗಿವೆ.

'ಮೊಗ್ಗಿನ ಮನಸ್ಸು' ಚಿತ್ರದ ಮೂಲಕ ಚಿತ್ರರಂಗಕ್ಕೆ ಕಾಲಿಡುವ ಜೊತೆಗೆ ಮೊದಲ ಬಾರಿಗೆ ಒಂದಾಗಿದ್ದ ಈ ಜೋಡಿಯ 'ಡ್ರಾಮಾ' ಸ್ಯಾಂಡಲ್ ವುಡ್ ನಲ್ಲಿ ಕ್ಲಿಕ್ ಆಗಿದೆ. ನಿಜ ಹೇಳ್ಬೇಕಂದ್ರೆ, 'ಮಿಸ್ಟರ್ ಅಂಡ್ ಮಿಸಸ್ ರಾಮಾಚಾರಿ' ಹರೆಯದ ಪ್ರೇಮಿಗಳಿಗೆ ಇಷ್ಟವಾಗಿರುವುದು ಇಬ್ಬರ 'ರಿಯಲ್' ಕೆಮಿಸ್ಟ್ರಿ ಕಮಾಲ್ ನಿಂದ. ['ರಾಜಾಹುಲಿ' ಯಶ್ ಕೈಹಿಡಿಯಲಿರುವ ರಾಣಿ ಯಾರು?]

ಇದನ್ನ ಮನಗಂಡಿರುವ ಯುವ ನಿರ್ದೇಶಕ ಪ್ರಶಾಂತ್ ನೀಲ್, ಮತ್ತೊಮ್ಮೆ ಈ ಜೋಡಿಯನ್ನ ಒಂದಾಗಿಸುವುದಕ್ಕೆ ಮುಂದಾಗಿದ್ದಾರೆ. 'ಉಗ್ರಂ' ಚಿತ್ರದ ನಂತ್ರ ಪ್ರಶಾಂತ್ ನೀಲ್ ರಾಕಿಂಗ್ ಸ್ಟಾರ್ ಯಶ್ ಗಾಗಿ 'ಕೆ.ಜಿ.ಎಫ್' ಅಂತ ಸಿನಿಮಾ ಮಾಡುತ್ತಿರುವ ಸುದ್ದಿಯನ್ನ ಇದೇ 'ಫಿಲ್ಮಿಬೀಟ್ ಕನ್ನಡ'ದಲ್ಲಿ ಓದಿದ್ರಿ. ['ಕೆ.ಜಿ.ಎಫ್'ನಲ್ಲಿ ರಾಕಿಂಗ್ ಸ್ಟಾರ್ ಯಶ್ ದರ್ಬಾರ್]

ಇದೀಗ ಈ ಚಿತ್ರಕ್ಕೆ ಯಶ್ ಗೆ ನಾಯಕಿಯಾಗಿ ರಾಧಿಕಾ ಪಂಡಿತ್ ಬೆಸ್ಟ್ ಅಂತ ನಿರ್ದೇಶಕ ಪ್ರಶಾಂತ್ ನೀಲ್ ನಿರ್ಧಾರ ಮಾಡಿದ್ದಾರೆ. ಈ ಬಗ್ಗೆ ಯಶ್ ಮತ್ತು ರಾಧಿಕಾ ಜೊತೆ ಚರ್ಚೆ ಕೂಡ ಮಾಡಿದ್ದಾರೆ.

ಹೇಳಿ ಕೇಳಿ ಯಶ್-ರಾಧಿಕಾ 'ರಿಯಲ್' ಕಪಲ್. ಒಟ್ಟಾಗಿ ನಟಿಸುವ ಚಾನ್ಸ್ ಸಿಕ್ಕರೆ ಯಾರಾದರೂ ಬೇಡ ಅನ್ನುತ್ತಾರಾ. 'ಆಗಲಿ ನೋಡೋಣ' ಅಂದಿದ್ದಾರಂತೆ. ಬರೋಬ್ಬರಿ 40 ಕೋಟಿ ರೂಪಾಯಿಯಲ್ಲಿ 'ಕೆ.ಜಿ.ಎಫ್' ಚಿತ್ರ ರೆಡಿಯಾಗಲಿದೆ. [ಗೋವಾದಲ್ಲಿ ಯಶ್-ರಾಧಿಕಾ ಪಂಡಿತ್ ಮಾಡಿದ್ದೇನು?]

'ಮಾಸ್ಟರ್ ಪೀಸ್' ಚಿತ್ರಕ್ಕೆ ಬಂಡವಾಳ ಹಾಕುತ್ತಿರುವ ವಿಜಯ್ ಕಿರಗಂದೂರ್, 'ಕೆ.ಜಿ.ಎಫ್'ನ ಅದ್ದೂರಿಯಾಗಿ ನಿರ್ಮಾಣ ಮಾಡಲಿದ್ದಾರೆ. 'ಮಾಸ್ಟರ್ ಪೀಸ್' ಮುಗಿದ ಬಳಿಕ 'ಕೆ.ಜಿ.ಎಫ್'ಗೆ ಮಿಸ್ಟರ್ ಯಶ್ ಕಾಲಿಟ್ಟ ಮೇಲೆ ಮಿಸ್ ರಾಧಿಕಾ ಪಂಡಿತ್ ಜೊತೆಯಾಗಲಿದ್ದಾರೆ.