ರಾಜಮೌಳಿ 'RRR' ಸಿನಿಮಾದ ಟೈಟಲ್ ಹಿಂದಿನ ರಹಸ್ಯ ಬಹಿರಂಗ

ಆರ್ ಆರ್ ಆರ್ ಎಂದರೆ ಇದೇನಾ?

ರಾಜಮೌಳಿ ನಿರ್ದೇಶನದ ಬಹು ನಿರೀಕ್ಷೆಯ ಆರ್ ಆರ್ ಆರ್ ಸಿನಿಮಾದ ಟೈಟಲ್ ರಹಸ್ಯ ಬಹಿರಂಗವಾಗಿದೆ. ಆರ್ ಆರ್ ಆರ್ ಎಂದರೆ 'ರಘುಪತಿ ರಾಘವ ರಾಜಾರಾಮ್' ಎಂದು ಹೇಳಗುತ್ತಿದೆ. ಆದರೆ ಈ ಬಗ್ಗೆ ಇನ್ನು ಚಿತ್ರತಂಡ ಅಧಿಕೃತಗೊಳಿಸಿಲ್ಲ. ಈಗಾಗಲೆ ಆರ್ ಆರ್ ಆರ್ ಎಂದರೆ 'ರಘುಪತಿ ರಾಘವ ರಾಜಾರಾಮ್' ಎಂದು ವೈರಲ್ ಆಗುತ್ತಿದೆ.

'ರಘುಪತಿ ರಾಘವ ರಾಜಾರಾಮ್' ಟೈಟಲ್ ಯಾಕೆ?

ಕೆಲವು ದಿನಗಳ ಹಿಂದೆ ಚಿತ್ರತಂಡ ಆರ್ ಆರ್ ಆರ್ ಎಂದರೆ ಏನು ಎಂದು ತಿಳಿಸುವಂತೆ ಚಿತ್ರಪ್ರಿಯರಲ್ಲಿ ಹೇಳಿದ್ದರು. ಆದರೀಗ ಚಿತ್ರತಂಡ ರಘುಪತಿ ರಾಘವ ರಾಜಾರಾಮ್ ಎಂದು ಫೈನಲ್ ಮಾಡಿದೆ ಎಂದು ಹೇಳಲಾಗುತ್ತಿದೆ. ಈ ಸಾಲು ಖ್ಯಾತ ಭಜನೆ ಗೀತೆಯಾಗಿದ್ದು, ಮಹಾತ್ಮ ಗಾಂಧಿಗೆ ತೀರಾ ಆಪ್ತವಾದ ಭಜನೆಯಾಗಿತ್ತು. ಪ್ಯಾನ್ ಇಂಡಿಯ ಸಿನಿಮಾವಾಗಿದ್ದರಿಂದ ಈ ಸಾಲು ಸಿನಿಮಾಗೆ ಆಪ್ತವೆಂದು ಇದೆ ಸಾಲುಗಳನ್ನು ಟೈಟಲ್ ಆಗಿ ಇಡಲಾಗಿದೆ ಎಂದು ಹೇಳಲಾಗುತ್ತಿದೆ.

ಚಿತ್ರದಲ್ಲಿದೆ ದೊಡ್ಡ ತಾರಾಬಳಗ

ಚಿತ್ರದಲ್ಲಿ ಜೂನಿಯರ್ ಎನ್.ಟಿ.ಆರ್ ಮತ್ತು ರಾಮ್ ಚರಣ್ ತೇಜ ಪ್ರಮುಖ ಪಾತ್ರದಲ್ಲಿ ಮಿಂಚಿದ್ದಾರೆ. ಇನ್ನು ಆಲಿಯಾ ಭಟ್, ಸಮುದ್ರಖಣಿ, ರಾಹುಲ್ ರಾಮಕೃಷ್ಣ, ರೇ ಸ್ಟೀವೆನ್ಸನ್, ಓಲಿವಿಯಾ ಮೊರಿಸ್ ಸೇರಿದಂತೆ ಬಾಲಿವುಡ್ ನಟ ಖ್ಯಾತ ನಟ ಅಜಯ್ ದೇವ್ಗನ್ ಸಹ ಚಿತ್ರದಲ್ಲಿದ್ದಾರೆ.

ಮುಂದಿನ ವರ್ಷ ಸಿನಿಮಾ ರಿಲೀಸ್

ಇತ್ತೀಚಿಗಷ್ಟೆ ಚಿತ್ರತಂಡ ಚಿತ್ರದ ಹೊಸ ರಿಲೀಸ್ ಡೇಟ್ ಅನೌನ್ಸ್ ಮಾಡಿದೆ. ಸಿನಿಮಾ ಮುಂದಿನ ವರ್ಷ 2021 ಜನವರಿ 8ಕ್ಕೆ ತೆರೆಗೆ ಬರುತ್ತಿದೆ. ಸಂಕ್ರಾಂತಿ ಹಬ್ಬದ ಶುಭ ಸಂದರ್ಭದಲ್ಲಿ ಆರ್ ಆರ್ ಆರ್ ಚಿತ್ರ ತೆರೆಗೆ ಬರಲಿದೆ ಎಂದು ಚಿತ್ರತಂಡ ಅನೌನ್ಸ್ ಬಹಿರಂಗ ಪಡಿಸಿದೆ.