ಚಿತ್ರರಂಗದ ಲೆಕ್ಕಾಚಾರ ಉಲ್ಟಾ ಮಾಡಿದ ರಜನಿಯ 'ದರ್ಬಾರ್' ಸಂಭಾವನೆ!

100 ಕೋಟಿ ಸಂಭಾವನೆ ಅಂತೆ

ದರ್ಬಾರ್ ಚಿತ್ರಕ್ಕಾಗಿ ರಜನಿಕಾಂತ್ ಅವರು 100 ಕೋಟಿ ಸಂಭಾವನೆ ಪಡೆದುಕೊಂಡಿದ್ದಾರೆ ಎನ್ನಲಾಗುತ್ತಿದೆ. ಲೈಕಾ ಪ್ರೊಡಕ್ಷನ್ ಮತ್ತು ಎಆರ್ ಮುರುಗದಾಸ್ ಕಾಂಬಿನೇಷನ್ನಲ್ಲಿ ಈ ಸಿನಿಮಾ ಬರ್ತಿದ್ದು, ಈ ಚಿತ್ರಕ್ಕಾಗಿ ಭಾರಿ ಮೊತ್ತವನ್ನ ತಲೈವಾಗೆ ನೀಡಲಾಗಿದೆಯಂತೆ. ರಜನಿಕಾಂತ್ ಅವರ ಸಂಭಾವನೆ ಬಿಟ್ಟು ದರ್ಬಾರ್ ಚಿತ್ರದ ಬಜೆಟ್ 250 ಕೋಟಿಯಾಗಿದೆಯಂತೆ.

ಇಂಡಿಯಾದಲ್ಲೇ ಟಾಪ್

ಸದ್ಯದವರೆಗೂ ಭಾರತದಲ್ಲಿ ನೂರು ಕೋಟಿ ಸಂಭಾವನೆ ಯಾರು ಪಡೆದುಕೊಂಡಿಲ್ಲ ಎನ್ನಲಾಗಿದೆ. ರಜನಿಕಾಂತ್ ಅವರು ದರ್ಬಾರ್ ಸಿನಿಮಾಗೆ ನೂರು ಕೋಟಿ ಪಡೆದಿರುವುದು ದಾಖಲೆಯಾಗಿದೆಯಂತೆ. 2.0 ಚಿತ್ರಕ್ಕೆ ರೆಸ್ಪಾನ್ಸ್ ನಿರೀಕ್ಷೆಯಂತೆ ಇರಲಿಲ್ಲ. ಆದರೂ ಗಳಿಕೆಯಲ್ಲಿ ಕೊಂಚ ಕಮಾಲ್ ಮಾಡಿತ್ತು. ಬಹುಶಃ ರಜನಿಕಾಂತ್ ಸಂಭಾವನೆ ಮೇಲೆ ಈ ಸಿನಿಮಾ ಯಾವ ಪರಿಣಾಮವೂ ಬೀರಿಲ್ಲ.

ಪ್ಯಾನ್ ಇಂಡಿಯಾ ಸಿನಿಮಾ

ತಮಿಳಿನಲ್ಲಿ ಸಿದ್ಧವಾಗಿರುವ ದರ್ಬಾರ್ ಸಿನಿಮಾ ತೆಲುಗು, ಮಲಯಾಳಂ ಹಾಗೂ ಹಿಂದಿಯಲ್ಲೂ ಬರ್ತಿದೆ. ಆದರೆ, ಕನ್ನಡದಲ್ಲಿ ಬರ್ತಿಲ್ಲ. ಆರಂಭದಲ್ಲಿ ತಮಿಳು ಮಾತ್ರ ಅಂದುಕೊಳ್ಳಲಾಗಿತ್ತು. ಬಟ್, ಬಜೆಟ್-ಮುಂಬೈ ಶೂಟಿಂಗ್ ಹಾಗು ರಜನಿಕಾಂತ್ ಕ್ರೇಜ್ ನೋಡಿ ಪ್ಯಾನ್ ಇಂಡಿಯಾ ಮಾಡಲು ನಿರ್ಧರಿಸಿದರು.

65 ಕೋಟಿ ಇತ್ತಂತೆ!

ಈ ಹಿಂದೆ 2.0 ಚಿತ್ರಕ್ಕೆ ಹಾಗೂ ಪೇಟಾ ಚಿತ್ರ ಮಾಡುವಾಗ ರಜನಿಕಾಂತ್ ಸುಮಾರು 65 ಕೋಟಿವರೆಗೂ ಸಂಭಾವನೆ ಪಡೆದುಕೊಂಡಿದ್ದರಂತೆ. ಈಗ ನೂರು ಕೋಟಿ ದಾಟಿದೆ ಎನ್ನಲಾಗಿದೆ. ಒಂದು ಕಡೆಯ ವಯಸ್ಸು ಹೆಚ್ಚಾಗ್ತಿದೆ. ಸಿನಿಮಾಗೂ ಅಷ್ಟೊಂದು ರೆಸ್ಪಾನ್ಸ್ ಸಿಕ್ತಿಲ್ಲ. ಆದರೂ ಸಂಭಾವನೆ ಮಾತ್ರ ಚಿತ್ರದಿಂದ ಚಿತ್ರಕ್ಕೆ ಗಗನಕ್ಕೇರುತ್ತಿರುವುದು ಅಚ್ಚರಿ ತಂದಿದೆ.