ತಮಿಳು ನಟನ ಜೊತೆ ರಜನಿಕಾಂತ್ ಪುತ್ರಿಯ ಎರಡನೇ ವಿವಾಹ.!

7 ವರ್ಷದ ದಾಂಪತ್ಯ ಮುರಿದುಕೊಂಡಿದ್ದ ಸೌಂದರ್ಯ

ಉದ್ಯಮಿ ಅಶ್ವಿನ್ ರಾಮ್ ಕುಮಾರ್ ಜೊತೆಗಿನ 7 ವರ್ಷದ ದಾಂಪತ್ಯವನ್ನ ರಜನಿಕಾಂತ್ ಪುತ್ರಿ ಸೌಂದರ್ಯ ಕಳೆದ ವರ್ಷ ಮುರಿದುಕೊಂಡಿದ್ದರು. ಪರಸ್ಪರ ಒಪ್ಪಿಗೆ ಮೆರೆಗೆ ವಿಚ್ಛೇದನ ಪಡೆದುಕೊಂಡಿದ್ದರು. ಸುಮಾರು 4 ವರ್ಷಗಳ ಕಾಲ ಪ್ರೀತಿಸಿ, 2010ರಲ್ಲಿ ಕುಟುಂಬದವರ ಸಮ್ಮುಖದಲ್ಲಿ ಸೌಂದರ್ಯ ಮತ್ತು ಅಶ್ವಿನ್ ಅವರು ಮದುವೆಯಾಗಿದ್ದರು. ಈ ದಂಪತಿಗಳಿಗೆ ವೇದ್ ಎನ್ನುವ 4 ವರ್ಷದ ಮಗನಿದ್ದಾನೆ.

ನಟನ ಜೊತೆ ಲವ್

ಮೊದಲ ಪತಿಯಿಂದ ವಿಚ್ಛೇದನ ಪಡೆದುಕೊಂಡ ಸೌಂದರ್ಯ ಈಗ ನಟ ಹಾಗೂ ಉದ್ಯಮಿ ವಿಶಾಗನ್ ಜೊತೆ ಪ್ರೀತಿಯಲ್ಲಿದ್ದಾರೆ. ಈ ಪ್ರೀತಿಯನ್ನ ದಾಂಪತ್ಯವಾಗಿಸಿಕೊಳ್ಳುವ ಉದ್ದೇಶದಿಂದ ದೊಡ್ಡವರು ಮತ್ತೆ ಮದುವೆ ಮಾಡಲು ಮುಂದಾಗಿದ್ದಾರೆ ಎನ್ನಲಾಗಿದೆ.

ರಜನಿ ಎರಡನೇ ಮಗಳು ಸೌಂದರ್ಯಾ ವಿಚ್ಛೇದನದ ಸುದ್ದಿ ನಿಜವಾ?

ಜನವರಿಯಲ್ಲಿ ಮದುವೆ

ಸದ್ಯ, ಸಂಪ್ರದಾಯವಾಗಿ ಎಂಗೇಜ್ ಮೆಂಟ್ ಕಾರ್ಯಕ್ರಮ ಮಾಡಿಕೊಂಡಿರುವ ರಜನಿಕಾಂತ್ ಪುತ್ರಿ, ಜನವರಿಯಲ್ಲಿ ಮದುವೆ ಆಗಲಿದ್ದಾರೆ ಎನ್ನಲಾಗಿದೆ. ಈ ವಿಷ್ಯವನ್ನ ಇಬ್ಬರು ಕುಟುಂಬದವರು ಯಾರೂ ಕೂಡ ಖಚಿತ ಪಡಿಸಿಲ್ಲ. ಆದ್ರೆ, ಕೆಲವು ಮಾಧ್ಯಮಗಳ ವರದಿಯಿಂದ ಬಹಿರಂಗವಾಗಿದೆ.

ಯಾರು ಈ ವಿಶಾಗನ್.?

ವಿಶಾಗನ್ ತಮಿಳುನಾಡಿನ ಖ್ಯಾತ ಉದ್ಯಮಿಯ ಪುತ್ರ ಹಾಗೂ ಚಲನಚಿತ್ರ ನಟ. ಕೆಲವು ಸಿನಿಮಾಗಳಲ್ಲಿ ಪೋಷಕ ಪಾತ್ರ ನಿಭಾಯಿಸಿರುವ ವಿಶಾಗನ್, ನಾಯಕನಾಗಿಯೂ ನಟಿಸಿದ್ದರು. ಆದ್ರೆ, ಆ ಸಿನಿಮಾ ಬಿಡುಗಡೆಯಾಗಗಲಿಲ್ಲ. ಮತ್ತೊಂದೆಡೆ ರಜನಿಪುತ್ರಿ ಕೂಡ 'ಕೊಚಾಡಿಯನ್' ಸಿನಿಮಾ ನಿರ್ದೇಶನ ಮಾಡಿದ್ದರು.