ಸುದೀಪ್ ಹಾದಿಯಲ್ಲಿ ರಕ್ಷಿತ್ ಶೆಟ್ಟಿ ಹೆಜ್ಜೆ: ದಾಖಲೆ ಮಾಡ್ತಾರಾ 'ರಿಕ್ಕಿ'.?

ರಕ್ಷಿತ್ ಮತ್ತೆ ನಿರ್ದೇಶನ

'ಕಿರಿಕ್ ಪಾರ್ಟಿ' ನಂತರ ಸೈಲೆಂಟ್ ಆಗಿ ಸಿನಿಮಾ ಮಾಡ್ತಿರುವ ರಕ್ಷಿತ್ ಶೆಟ್ಟಿ ಈಗ ನಿರ್ದೇಶನಕ್ಕೆ ವಾಪಸ್ ಆಗುವ ಸುದ್ದಿ ನೀಡಿದ್ದಾರೆ. 'ಉಳಿದವರು ಕಂಡಂತೆ' ಚಿತ್ರದ ನಂತರ ಮತ್ತೆ ಆಕ್ಷನ್ ಕಟ್ ಹೇಳಲು ತಯಾರಾಗಿರುವ ರಕ್ಷಿತ್ ಶೆಟ್ಟಿ 'ಪುಣ್ಯಕೋಟಿ' ಕಥೆ ಹೇಳಲು ಬರ್ತಿದ್ದಾರೆ.

ರಿಷಬ್ ಶೆಟ್ಟಿ ಖಚಿತ ಪಡಿಸಿದ್ರು

ಈ ವಿಷ್ಯವನ್ನ ರಕ್ಷಿತ್ ಶೆಟ್ಟಿ ಸ್ನೇಹಿತ ಹಾಗೂ ಆಪ್ತ ರಿಷಬ್ ಶೆಟ್ಟಿ ಖಚಿತ ಪಡಿಸಿದ್ದಾರೆ. ಟ್ವಿಟ್ಟರ್ ನಲ್ಲಿ ಈ ಸುದ್ದಿಯನ್ನ ಹಂಚಿಕೊಂಡಿರುವ ರಿಷಬ್ '' ರಕ್ಷಿತ್ ಶೆಟ್ಟಿ ಮತ್ತೆ ನಿರ್ದೇಶನ ಮಾಡುತ್ತಿರುವುದು ಖುಷಿ ನೀಡಿದೆ. ಉಳಿದವರು ಕಂಡಂತೆ ನಂತರ ಈಗ 'ಪುಣ್ಯಕೋಟಿ' ಕಥೆಯನ್ನ ಹೇಳುತ್ತಿದ್ದಾರೆ. ಆಲ್ ದಿ ಬೆಸ್ಟ್ ಮಗಾ'' ಎಂದು ಟ್ವೀಟ್ ಮಾಡಿದ್ದಾರೆ.

ನೂರು ಕೋಟಿ ಬಜೆಟ್.!

2014ರಲ್ಲಿ ಬಿಡುಗಡೆಯಾಗಿದ್ದ 'ಉಳಿದವರು ಕಂಡಂತೆ' ನಂತರ ರಕ್ಷಿತ್ ನಿರ್ದೇಶನಕ್ಕೆ ಮರಳಿರುವುದು ವಿಶೇಷ. ಆದ್ರೆ, ಈ ಸಿನಿಮಾ ನೂರು ಕೋಟಿ ಬಜೆಟ್ ನಲ್ಲಿ ತಯಾರಾಗಲಿದೆ ಎಂಬ ಸುದ್ದಿ ಎಲ್ಲರಿಗೂ ಅಚ್ಚರಿ ನೀಡಿದೆ. ಹೇಳಿ ಕೇಳಿ ಪುಣ್ಯಕೋಟಿ ಸುಮಾರು 300 ವರ್ಷದ ಹಿಂದಿನ ಕಥೆ. ಅದಕ್ಕೆ ತಕ್ಕಂತೆ ಸೆಟ್ ನಿರ್ಮಾಣ, ಕಲಾವಿದರ ಆಯ್ಕೆ ಎಲ್ಲವೂ ಸೇರಿ ಸುಮಾರು 80-100 ಕೋಟಿ ಅಂದಾಜಿಸಲಾಗಿದೆಯಂತೆ.

ಅವನೇ ಶ್ರೀಮನ್ನಾರಾಯಣ

'ಕಿರಿಕ್ ಪಾರ್ಟಿ' ಸಿನಿಮಾ ನಂತರ ರಕ್ಷಿತ್ ಅಭಿನಯದ ಯಾವ ಚಿತ್ರವೂ ತೆರೆಕಂಡಿಲ್ಲ. ಸದ್ಯ, 'ಅವನೇ ಶ್ರೀಮನ್ನಾರಾಯಣ' ಚಿತ್ರದ ಶೂಟಿಂಗ್ ನಡೆಯುತ್ತಿದೆ. ಈಗ ಪುಣ್ಯಕೋಟಿ ಅನೌನ್ಸ್ ಆಗಿದ್ದು, ಈ ಚಿತ್ರದಲ್ಲಿ ರಕ್ಷಿತ್ ಬರಿ ಡೈರೆಕ್ಷನ್ ಮಾತ್ರ ಮಾಡ್ತಾರಾ ಅಥವಾ ನಟಸಿ ನಿರ್ದೇಶನ ಮಾಡ್ತಾರಾ ಕಾದುನೋಡಬೇಕಿದೆ.