Don't Miss!
- Finance ಸಾಲ ತಂದು ನೌಕರರಿಗೆ ಸಂಬಳ ನೀಡಿದ ಬೈಜುಸ್ ಸಂಸ್ಥೆ!
- News ಗೃಹ ಸಚಿವ ಡಾ. ಜಿ ಪರಮೇಶ್ವರ್ ರಾಜೀನಾಮೆಗೆ ಆಗ್ರಹ: ಕಾರಣವೇನು?
- Technology Realme: ಭಾರತದಲ್ಲಿ ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಲಾಂಚ್ಗೆ ದಿನಾಂಕ ಫಿಕ್ಸ್! ಫೀಚರ್ಸ್ ಲೀಕ್..
- Lifestyle ಮೊಬೈಲ್ ಬೇಡ..ಗ್ಯಾಜೆಟ್ ಬೇಡ..ಹಸ್ತದಿಂದ ಪೇಮೆಂಟ್ ಮಾಡಿ..! ಇದು ಟಿಜಿಟಲ್ ಕ್ರಾಂತಿ..!
- Automobiles Kia Carens: ಗ್ಲೋಬಲ್ ಎನ್ಸಿಎಪಿ ಸುರಕ್ಷತಾ ಪರೀಕ್ಷೆ.. 3-ಸ್ಟಾರ್ ಪಡೆದ ಕಿಯಾ ಕ್ಯಾರೆನ್ಸ್
- Sports IPL 2024: ಮುಂಬೈ ಇಂಡಿಯನ್ಸ್ ವಿರುದ್ಧ ಶತಕ; ರೋಹಿತ್, ಕೊಹ್ಲಿಗೆ ಕ್ರೆಡಿಟ್ ನೀಡಿದ ಯಶಸ್ವಿ ಜೈಸ್ವಾಲ್!
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಸಾನಿಯಾ-ಶೋಯೆಬ್ ಸಂಸಾರದಲ್ಲಿ ಹುಳಿಹಿಂಡಿದ ಚಿರು ಪುತ್ರ?
ಇಡೀ ಭಾರತ ಮತ್ತು ಪಾಕಿಸ್ತಾನವನ್ನೇ ಚಿಕಿತಗೊಳಿಸಿದ ಪ್ರೇಮ್ ಕಹಾನಿಯೆಂದರೆ ಅದು ಟೆನ್ನಿಸ್ ತಾರೆ ಸಾನಿಯಾ ಮಿರ್ಜಾ ಮತ್ತು ಪಾಕಿಸ್ತಾನ ಕ್ರಿಕೆಟರ್ ಶೋಯೆಬ್ ಮಲಿಕ್ ರದ್ದು. ಗಡಿಯಾಚೆ ದಾಟಿದ್ದ ಇಬ್ಬರ ಲವ್ ಸ್ಟೋರಿಗೆ ಅಧಿಕೃತ ಮುದ್ರೆ ಬಿದ್ದು ವರ್ಷಗಳೇ ಉರುಳಿವೆ.
ಹೀಗಿರುವಾಗ, ಈ ಜೋಡಿ ಮಧ್ಯೆ ಎಲ್ಲವೂ ಸರಿಯಿಲ್ಲ. ಇಬ್ಬರ ನಡುವೆ ಅಸಮಾಧಾನ ಭುಗಿಲ್ಲೆದ್ದಿದೆ ಅಂತ ಟಾಲಿವುಡ್ ಗಲ್ಲಿಗಲ್ಲಿಯಲ್ಲಿ ತಲೆಗೊಂದು ಮಾತು ಕೇಳಿಬರುತ್ತಿದೆ. ಅದಕ್ಕೆ ತಕ್ಕಂತೆ, ಶೋಯೆಬ್ ಪಾಕ್ ನಲ್ಲಿ ಗುಂಡು-ತುಂಡು ಹಾಕ್ತಿದ್ರೆ, ಸಾನಿಯಾ ಹೈದರಾಬಾದ್ ನಲ್ಲಿ ಪಾರ್ಟಿ ಮಾಡುವುದರಲ್ಲೇ ಬಿಜಿ. [ಮಲಿಕ್ ಜೊತೆ ಸಾನಿಯಾ ಮಿರ್ಜಾ ಮದುವೆ ರದ್ದು]
ಇಬ್ಬರ ಈ ಅಂತರಕ್ಕೆ ಕಾರಣ ಯಾರು ಅಂದ್ರೆ, ಗಾಸಿಪ್ ಪಂಡಿತರು ಪತ್ತೆ ಹಚ್ಚಿರುವ ಪ್ರಕಾರ ಮೆಗಾಸ್ಟಾರ್ ಚಿರಂಜೀವಿ ಪುತ್ರ ರಾಮ್ ಚರಣ್ ತೇಜಾ! ಸಾನಿಯಾ ಇದ್ದ ಕಡೆ, ಚರ್ರಿ ತಪ್ಪದೇ ಹಾಜರಾಗುತ್ತಿರುವುದೇ ಈ ಗಾಸಿಪ್ಪು, ಅದರ ಮೇಲೊಂದು ಸಿಪ್ ಗೆ ಕಾರಣ. [ಸ್ಯಾಂಡಲ್ ವುಡ್ ಮಹಾಚುನಾವಣೆ 2014 - ನಿಮ್ಮ ಮತ ಯಾರಿಗೆ?]
ಕೆಲ ತಿಂಗಳುಗಳ ಹಿಂದೆಯಷ್ಟೇ ಟೆನ್ನಿಸ್ ರಾಕೆಟ್ ಹಿಡಿದು ಸಾನಿಯಾ ಜೊತೆ ಪಂದ್ಯವಾಡಿದ್ದ ರಾಮ್ ಚರಣ್, ಇದೀಗ ನಿಂತರೂ-ಕೂತರೂ ಸಾನಿಯಾ ಕನವರಿಕೆಯಲ್ಲೇ ಇದ್ದಾರಂತೆ. ಪ್ರತಿದಿನ ಪಾರ್ಟಿ ಮಾಡುವುದೇ ಇಬ್ಬರ ಚಾಳಿಯಾಗಿಬಿಟ್ಟಿದೆಯಂತೆ. ಇದೆಲ್ಲಾ ಬರೀ ಅಂತೆ-ಕಂತೆ ಅಂದುಕೊಂಡರೂ ಫೋಟೋಗಳು ಮಾತ್ರ ಸುಳ್ಳು ಹೇಳುತ್ತಿಲ್ಲ! [ನೂತನ ದಾಂಪತ್ಯಕ್ಕೆ ಅಡಿಯಿಟ್ಟ ನಟ ರಾಮ್ ಚರಣ್]
ಚರ್ರಿ ಪತ್ನಿ ಉಪಾಸನಾಗೆ ಆಪ್ತ ಗೆಳತಿಯಾಗಿರುವ ಸಾನಿಯಾ, ರಾಮ್ ಚರಣ್ ಗೂ ಅಷ್ಟೇ ಕ್ಲೋಸ್. ಆದ್ರೆ ಅದು ಎಕ್ಸ್ ಟ್ರಾ ಸ್ಪೆಷಲ್ ಆಗಿದೆ ಅನ್ನುವುದು ಲೇಟೆಸ್ಟ್ ಗುಸುಗುಸು. ಇದಕ್ಕೆ ಪುಷ್ಠಿ ನೀಡುವಂತೆ ರಾಮ್ ಚರಣ್ ಅಭಿನಯದ ಮುಂದಿನ ಚಿತ್ರದಲ್ಲಿ ಸಾನಿಯಾ ಅಭಿನಯಿಸುತ್ತಿದ್ದಾರೆ. [ಜೇಮ್ಸ್ ಬಾಂಡ್ ಚಿತ್ರಕ್ಕೆ ಚೆಂದುಳ್ಳಿ ಚೆಲುವೆ ಸಾನಿಯಾ]
ಇಷ್ಟೆಲ್ಲಾ ಆಗ್ತಿದ್ದರೂ, ಸಾನಿಯಾಗೆ ಲಗಾಮು ಹಾಕುವುದು ಬಿಟ್ಟು, ಪಾಕ್ ನಲ್ಲಿ ಶೋಯೆಬ್, ನಟಿ ಹುಮೈಮಾ ಮಲಿಕ್ ಹಿಂದೆ ಬಿದ್ದಿದ್ದಾರಂತೆ. ಪ್ರೀತಿಸಿ ಮದುವೆಯಾಗಿದ್ದ ಈ ಜೋಡಿ ಮಧ್ಯೆ ಅದೇನಾಯ್ತೋ, ಆದ್ರೆ ಅದೆಲ್ಲದಕ್ಕೂ ರಾಮ್ ಚರಣ್ ಹೊಣೆಯಾದರೆ ಮೆಗಾ ಸ್ಟಾರ್ ಕುಟುಂಬದಲ್ಲಿ ಅಲ್ಲೋಲ ಕಲ್ಲೋಲ ಕಟ್ಟಿಟ್ಟ ಬುತ್ತಿ!