ರಶ್ಮಿಕಾಗೆ ತೆಲುಗಿನಿಂದ ಮತ್ತೊಂದು ಬಿಗ್ ಆಫರ್ ಸಿಗೋ ಸಾಧ್ಯತೆ?

'ಚಲೋ' ರಶ್ಮಿಕಾಗೆ ಫಿದಾ ಆದ ನಿರ್ದೇಶಕರು

ತೆಲುಗಿನ 'ಚಲೋ' ಚಿತ್ರದಲ್ಲಿ ರಶ್ಮಿಕಾ ಅವರ ಲುಕ್ ನೋಡಿ ತೆಲುಗು ಚಿತ್ರದ ನಿರ್ದೇಶಕರು ಫಿದಾ ಆದಂತೆ ಕಾಣುತ್ತಿದೆ. ಹಾಗಾಗಿ, ತಮ್ಮ ಚಿತ್ರಗಳಿಗೆ ಈಕೆಯನ್ನ ನಾಯಕಿಯನ್ನಾಗಿಸಲು ಚಿಂತನೆ ನಡೆಸುತ್ತಿದ್ದಾರಂತೆ.

ಮೂರನೇ ಚಿತ್ರಕ್ಕೆ ಆಫರ್.!

ತೆಲುಗಿನ ಖ್ಯಾತ ನಟ ರಾಮ್ ಅಭಿನಯಿಸಲಿರುವ ಹೊಸ ಚಿತ್ರದಲ್ಲಿ ರಶ್ಮಿಕಾಗೆ ನಾಯಕಿಯಾಗುವ ಆಫರ್ ಬಂದಿದೆಯಂತೆ. ಈ ಚಿತ್ರವನ್ನ 'ನೇನು ಲೋಕಲ್' ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿದ್ದ ತ್ರಿನಾದ ರಾವ್ ನಕ್ಕಿನ ನಿರ್ದೇಶನ ಮಾಡಲಿದ್ದಾರೆ.

ಇಬ್ಬರು ನಾಯಕಿಯರು

ಇದೊಂದು ರೊಮ್ಯಾಂಟಿಕ್ ಚಿತ್ರವಾಗಿದ್ದು, ಇದರಲ್ಲಿ ರಶ್ಮಿಕಾ ಅವರು ಕೂಡ ಒಬ್ಬರು ಎನ್ನಲಾಗಿದೆ. ಮತ್ತೊಬ್ಬ ನಾಯಕಿಯ ಆಯ್ಕೆ ಇನ್ನು ಆಗಿಲ್ಲ. ಈ ಬಗ್ಗೆ ಚಿತ್ರತಂಡ ಯಾವುದೇ ಮಾಹಿತಿ ಬಿಟ್ಟುಕೊಟ್ಟಿಲ್ಲ. ಬಟ್, ಶೀಘ್ರದಲ್ಲೇ ಈ ಬಗ್ಗೆ ಅಧಿಕೃತ ಮಾಹಿತಿ ಹೊರಬೀಳುವ ಸಾಧ್ಯತೆ ಇದೆ ಎನ್ನಲಾಗಿದೆ.

ತೆಲುಗಿನಲ್ಲಿ 'ಲಕ್ಕಿ' ನಾಯಕಿ

ರಶ್ಮಿಕಾ ಅಭಿನಯದ 'ಚಲೋ' ಚಿತ್ರ ರಿಲೀಸ್​ಗೆ ರೆಡಿ ಇದ್ದರೆ, 'ಅರ್ಜುನ್ ರೆಡ್ಡಿ' ಖ್ಯಾತಿಯ ವಿಜಯ್ ದೇವರಕೊಂಡ ಜೊತೆಯಲ್ಲಿ ಎರಡನೇ ಸಿನಿಮಾ ಮಾಡಲಿದ್ದಾರೆ. ಈ ಚಿತ್ರಕ್ಕೆ 'ಗೀತಾ ಗೋವಿಂದಂ' ಎಂದು ಶೀರ್ಷಿಕೆ ಫೈನಲ್ ಆಗಿದೆಯಂತೆ. ಈಗ ಮೂರನೇ ಚಿತ್ರ ಹುಡುಕಿಕೊಂಡು ಬಂದಿದೆ. ಆದ್ರೆ, ಇದು ಅಂತಿಮವಾಗುತ್ತಾ? ಕಾದುನೋಡಬೇಕಿದೆ.