'ಸರಿಲೇರು ನೀಕೆವ್ವರು': ರಶ್ಮಿಕಾ, ವಿಜಯಶಾಂತಿಗೆ ಕೈ ತುಂಬಾ ಸಂಭಾವನೆ.!

ಸರಿಲೇರು ನೀಕೆವ್ವರು ಚಿತ್ರಕ್ಕೆ ರಶ್ಮಿಕಾ ಪಡೆದ ಸಂಭಾವನೆ ಎಷ್ಟು.?

ಟಾಲಿವುಡ್ ಪ್ರಿನ್ಸ್ ಮಹೇಶ್ ಬಾಬು ಅಭಿನಯದ 'ಸರಿಲೇರು ನೀಕೆವ್ವರು' ಚಿತ್ರದ ಮುಖ್ಯ ಭೂಮಿಕೆಯಲ್ಲಿ ರಶ್ಮಿಕಾ ಮಂದಣ್ಣ ಅಭಿನಯಿಸಿದ್ದಾರೆ. ಈ ಸಿನಿಮಾಗಾಗಿ ರಶ್ಮಿಕಾ ಮಂದಣ್ಣ ಪಡೆದ ಸಂಭಾವನೆ ಎಷ್ಟು ಗೊತ್ತಾ.? ಕೆಲ ವರದಿಗಳ ಪ್ರಕಾರ, 1.1 ಕೋಟಿ.! (ಈ ಬಗ್ಗೆ ಖಚಿತ ಮಾಹಿತಿ ಲಭ್ಯವಾಗಿಲ್ಲ)

ವಿಜಯಶಾಂತಿ ಪಡೆದ ಸಂಭಾವನೆ ಎಷ್ಟು.?

'ಲೇಡಿ ಸೂಪರ್ ಸ್ಟಾರ್' ಅಂತಲೇ ಕರೆಯಿಸಿಕೊಳ್ಳುತ್ತಿದ್ದ ನಟಿ ವಿಜಯಶಾಂತಿ 'ಸರಿಲೇರು ನೀಕೆವ್ವರು' ಚಿತ್ರದ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ಇದಕ್ಕಾಗಿ ನಟಿ ವಿಜಯಶಾಂತಿ 1.5 ಕೋಟಿ ರೂಪಾಯಿಯನ್ನ ಸಂಭಾವನೆಯಾಗಿ ಪಡೆದಿದ್ದಾರೆ ಎಂದು ಮೂಲಗಳು ತಿಳಿಸಿವೆ. (ಈ ಬಗ್ಗೆ ಖಚಿತ ಮಾಹಿತಿ ಲಭ್ಯವಾಗಿಲ್ಲ)

ಲಾಂಗ್ ಗ್ಯಾಪ್ ನಂತರ ನಟನೆ ಮಾಡುತ್ತಿರುವ ವಿಜಯಶಾಂತಿ

ಹದಿಮೂರು ವರ್ಷಗಳ ಬಳಿಕ ನಟಿ ವಿಜಯಶಾಂತಿ ಬಣ್ಣ ಹಚ್ಚಿರುವುದು 'ಸರಿಲೇರು ನೀಕೆವ್ವರು' ಚಿತ್ರದಲ್ಲಿ. 2006 ರಲ್ಲಿ ತೆರೆಕಂಡ 'ನಾಯುಡಮ್ಮ' ಬಳಿಕ ಚಿತ್ರರಂಗದಿಂದ ದೂರ ಸರಿದಿದ್ದ ವಿಜಯಶಾಂತಿ ಇದೀಗ 'ಸರಿಲೇರು ನೀಕೆವ್ವರು' ಮೂಲಕ ಕಮ್ ಬ್ಯಾಕ್ ಮಾಡಿದ್ದಾರೆ. ಹೊಸ ಇನ್ನಿಂಗ್ ಆರಂಭಿಸಿದ ವಿಜಯಶಾಂತಿಗೆ ಕೈ ತುಂಬಾ ಸಂಭಾವನೆ ಸಿಕ್ಕಿದೆ ಎನ್ನಲಾಗಿದೆ.

ಜನವರಿ 11 ರಂದು ಬಿಡುಗಡೆ

ಮಹೇಶ್ ಬಾಬು, ರಶ್ಮಿಕಾ ಮಂದಣ್ಣ, ವಿಜಯಶಾಂತಿ, ಕೃಷ್ಣ, ಪ್ರಕಾಶ್ ರಾಜ್, ರಾಜೇಂದ್ರ ಪ್ರಸಾದ್, ವೆನ್ನೆಲ್ಲಾ ಕಿಶೋರ್, ಸುಬ್ಬರಾಜು ಮುಂತಾದ ದೊಡ್ಡ ತಾರಾಬಳಗ ಹೊಂದಿರುವ ಅನಿಲ್ ರವಿಪುಡಿ ಆಕ್ಷನ್ ಕಟ್ ಹೇಳಿರುವ 'ಸರಿಲೇರು ನೀಕೆವ್ವರು' ಚಿತ್ರ ಜನವರಿ 11, 2020 ರಂದು ತೆರೆಗೆ ಬರಲಿದೆ.