ಸೂಪರ್ ಸ್ಟಾರ್ ನಟನ ಮಗನಿಗೆ ರಶ್ಮಿಕಾ ಮಂದಣ್ಣ ನಾಯಕಿ.!

ನಾಗಾರ್ಜುನ ಮಗನ ಚಿತ್ರದಲ್ಲಿ ರಶ್ಮಿಕಾ.!

ತೆಲುಗು ಸೂಪರ್ ಸ್ಟಾರ್ ನಾಗಾರ್ಜುನ ಜೊತೆ ದೇವದಾಸ್ ಸಿನಿಮಾ ಮಾಡಿದ್ದ ರಶ್ಮಿಕಾ ಮಂದಣ್ಣ, ಈಗ ಅವರ ಮಗನ ಚಿತ್ರದಲ್ಲಿ ನಟಿಸುವ ಸಾಧ್ಯತೆ ಇದೆಯಂತೆ. ಹೌದು, ನಾಗಾರ್ಜುನ ಅವರ ಕಿರಿಯ ಪುತ್ರ ಅಖಿಲ್ ಅಕ್ಕಿನೇನಿ ಮುಂದಿನ ಸಿನಿಮಾಗೆ ರಶ್ಮಿಕಾ ಅವರನ್ನ ಕರೆತರುವ ಪ್ರಯತ್ನ ಸಾಗಿದೆಯಂತೆ.

ರಶ್ಮಿಕಾ ಬಗ್ಗೆ ತೆಲುಗು ದೇಶದಿಂದ ಬಂತು ಎರಡು ಸುದ್ದಿ.! ನಿಜಾನಾ, ಸುಳ್ಳಾ..?

'ಬೊಮ್ಮರಿಲ್ಲು' ಬಾಸ್ಕರ್ ಚಿತ್ರದಲ್ಲಿ ಅಖಿಲ್-ರಶ್ಮಿಕಾ

ಬೊಮ್ಮರಿಲ್ಲು, ಆರೆಂಜ್, ಪರಗು, ಬೆಂಗಳೂರು ನಾಟಕಳ್ ಅಂತಹ ಹಿಟ್ ಸಿನಿಮಾಗಳನ್ನ ನೀಡಿರುವ ನಿರ್ದೇಶಕ ಬಾಸ್ಕರ್ ಅವರ ಮುಂದಿನ ಸಿನಿಮಾದಲ್ಲಿ ಅಖಿಲ್ ನಟಿಸುತ್ತಿದ್ದು, ಈ ಚಿತ್ರಕ್ಕಾಗಿ ರಶ್ಮಿಕಾ ಅವರನ್ನ ಸಂಪರ್ಕ ಮಾಡಲಾಗಿದೆಯಂತೆ. ಆದ್ರೆ, ಅಧಿಕೃತವಾಗಿ ಅಂತಿಮವಾಗಿಲ್ಲ ಎಂದು ಹೇಳಲಾಗ್ತಿದೆ.

ಪೂಜಾ, ಕೈರಾ, ಆಲಿಯಾ ಬಳಿಕ ರಶ್ಮಿಕಾ

ಅಖಿಲ್ ಮತ್ತು ಬಾಸ್ಕರ್ ಕಾಂಬಿನೇಷನ್ ಚಿತ್ರಕ್ಕೆ ಈ ಹಿಂದೆ ಪೂಜಾ ಹೆಗ್ಡೆ, ಕೈರಾ ಅಡ್ವಾನಿ, ಆಲಿಯಾ ಭಟ್ ಅವರ ಹೆಸರು ಕೇಳಿ ಬಂತು. ಆದ್ರೆ, ಅದ್ಯಾವುದು ವರ್ಕೌಟ್ ಆಗಲಿಲ್ಲ. ಇದೀಗ, ರಶ್ಮಿಕಾ ಅವರ ಹೆಸರು ಸದ್ದು ಮಾಡ್ತಿದೆ. ಇದು ಪಕ್ಕಾ ಆಗುತ್ತೆ ಎನ್ನಲಾಗುತ್ತಿದೆ.

ತೆಲುಗು ನಂತರ ಈಗ ತಮಿಳು ಸೂಪರ್ ಸ್ಟಾರ್ ಜೊತೆ ರಶ್ಮಿಕಾ.!

ಮಹೇಶ್ ಬಾಬು ಸಿನಿಮಾದಲ್ಲೂ ಹೆಸರು

ತೆಲುಗಿನ ಸ್ಟಾರ್ ನಟರ ಚಿತ್ರಗಳಲ್ಲಿ ಅವಕಾಶ ಪಡೆದುಕೊಳ್ಳುತ್ತಿರುವ ರಶ್ಮಿಕಾ ಮಂದಣ್ಣ, ಪ್ರಿನ್ಸ್ ಮಹೇಶ್ ಬಾಬು ಅವರ ಚಿತ್ರದಲ್ಲೂ ನಟಿಸಲಿದ್ದಾರೆ ಎಂಬ ಸುದ್ದಿ ಹಲವು ದಿನದಿಂದ ಸೌಂಡ್ ಮಾಡ್ತಿದೆ. ಅಷ್ಟೇ ಅಲ್ಲ, ತಮಿಳು ಸೂಪರ್ ಸ್ಟಾರ್ ವಿಜಯ್ ಸಿನಿಮಾದಲ್ಲೂ ಕಿರಿಕ್ ಹುಡುಗೊಯ ಹೆಸರು ಚಾಲ್ತಿಯಲ್ಲಿದೆಯಂತೆ. ಆದ್ರೆ, ಅಧಿಕೃತವಾಗಿ ಪ್ರಕಟವಾಗುವವರೆಗೂ ಇದೆಲ್ಲಾ ಗಾಸಿಪ್ ಅಷ್ಟೇ.