'ಕೆಜಿಎಫ್-2' ಚಿತ್ರಕ್ಕಾಗಿ ಈ ಬಾಲಿವುಡ್ ನಟಿ ಬರೋದು ಖಚಿತ.!

ಕೆಜಿಎಫ್ ತಂಡದಲ್ಲಿ ರವೀನಾ ಟಂಡನ್.!

'ಕೆಜಿಎಫ್ ಚಾಪ್ಟರ್-2' ಕಥೆಯಲ್ಲಿ ಬರಲಿರುವ ಪ್ರಮುಖ ಪಾತ್ರವೊಂದಕ್ಕೆ ಬಾಲಿವುಡ್ ನಟಿ ರವೀನಾ ಟಂಡನ್ ಬರೋದು ಖಚಿತ ಎನ್ನಲಾಗಿದೆ. 1970-80 ಕಾಲಘಟ್ಟದ ಪ್ರಧಾನಮಂತ್ರಿ ಪಾತ್ರದಲ್ಲಿ ರವೀನಾ ನಟಿಸಲಿದ್ದಾರಂತೆ. ಭಾಗ 2ರಲ್ಲಿ ಈ ಪಾತ್ರ ಬರಲಿದ್ದು, ಮೊದಲ ಭಾಗದಲ್ಲಿ ಕೇವಲ ಝಲಕ್ ಮಾತ್ರ ತೋರಿಸಲಾಗಿತ್ತು.

'ಕೆಜಿಎಫ್ ಚಾಪ್ಟರ್-2' ಚಿತ್ರಕ್ಕೆ ಬರ್ತಾರಂತೆ ಬಾಲಿವುಡ್ ಖ್ಯಾತ ನಟಿ.?

ಉಪೇಂದ್ರ ನಂತರ ಕನ್ನಡಕ್ಕೆ.!

1999ರಲ್ಲಿ ಉಪೇಂದ್ರ ನಟಿಸಿ, ನಿರ್ದೇಶಿಸಿದ್ದ ಉಪೇಂದ್ರ ಚಿತ್ರದಲ್ಲಿ ರವೀನಾ ಟಂಡನ್ ಅಭಿನಯಿಸಿದ್ದರು. ಇದೇ ರವೀನಾ ಅವರ ಮೊದಲ ಹಾಗೂ ಕೊನೆಯ ಕನ್ನಡ ಸಿನಿಮಾವಾಗಿದೆ. ಅದಾದ ಬಳಿಕ ಈಗ ಕೆಜಿಎಫ್ ಚಿತ್ರಕ್ಕಾಗಿ ಮತ್ತೆ ಸ್ಯಾಂಡಲ್ ವುಡ್ ಕಡೆ ಬರುತ್ತಿದ್ದಾರೆ ಎಂದು ಹೇಳಲಾಗ್ತಿದೆ.

ಅನಿಲ್ ತಡಾನಿ ವಿತರಣೆ ಮಾಡಿದ್ದರು

ಕೆಜಿಎಫ್ ಚಾಪ್ಟರ್ 1 ಚಿತ್ರವನ್ನ ಬಾಲಿವುಡ್ ನಲ್ಲಿ ವಿತರಣೆ ಮಾಡಿದ್ದು, ರವೀನಾ ಪತಿ ಅನಿಲ್ ತಡಾನಿ. ಸ್ವತಃ ರವೀನಾ ಕೂಡ ಕೆಜಿಎಫ್ ಸಿನಿಮಾ ನೋಡಿ ಮೆಚ್ಚಿಕೊಂಡಿದ್ದರು. ಎರಡನೇ ಭಾಗವನ್ನ ತಮ್ಮದೇ ಪ್ರೊಡಕ್ಷನ್ ವಿತರಣೆ ಮಾಡ್ತಿದ್ದು, ಇದರ ಜೊತೆಯಲ್ಲಿ ನಟಿಸುವ ಮನಸ್ಸು ಕೂಡ ಮಾಡಿದ್ದಾರೆ.

ಇಂದಿರಾ ಗಾಂಧಿ ಪಾತ್ರ.!

ಕೆಜಿಎಫ್ ಚಿತ್ರದಲ್ಲಿ ಪ್ರಧಾನಮಂತ್ರಿ ಪಾತ್ರ ಬರಲಿದೆ. ಆ ಪಾತ್ರಕ್ಕಾಗಿ ರವೀನಾ ಬರ್ತಿದ್ದಾರೆ. ಈ ಮೊದಲು ರಮ್ಯಾಕೃಷ್ಣ ಅವರು ಈ ಪಾತ್ರಕ್ಕಾಗಿ ಬರಬಹುದು ಎನ್ನಲಾಗಿತ್ತು. ಆದರೆ ಬಾಲಿವುಡ್ ನಟಿಗೆ ಈ ಅವಕಾಶ ಹೋಗಿದೆ. 1970 ಅಂದ್ರೆ ಆಗಿನ ಪ್ರಧಾನಿ ಇಂದಿರಾ ಗಾಂಧಿ ಅವರ ಪಾತ್ರವನ್ನ ಹೋಲುವಂತ ಕ್ಯಾರೆಕ್ಟರ್ ಅದು ಎನ್ನಲಾಗಿದೆ. ರಿಮಿಕಾ ಸೇನ್ ಎಂಬ ಹೆಸರಿಟ್ಟು ಈ ಪಾತ್ರ ಮಾಡಲಾಗುತ್ತಿದೆ.

ಸಂಜಯ್ ದತ್ ಬರಬಹುದು.!

ಇನ್ನು ಕೆಜಿಎಫ್ ಚಾಪ್ಟರ್ 2 ಚಿತ್ರದಲ್ಲಿ ಬಾಲಿವುಡ್ ನಟ ಸಂಜಯ್ ದತ್ ನಟಿಸುವುದು ಪಕ್ಕಾ ಎನ್ನಲಾಗಿದೆ. ಆದ್ರೆ, ಅಧಿಕೃತವಾಗಿ ಈ ಮಾಹಿತಿ ಹೊರಬಿದ್ದಿಲ್ಲ. ಪ್ರಮುಖ ವಿಲನ್ ಗಳ ಪೈಕಿ ದತ್ ಕೂಡ ಒಬ್ಬರಾಗಲಿದ್ದಾರಂತೆ.