'ಕೆಜಿಎಫ್ ಚಾಪ್ಟರ್-2' ಚಿತ್ರಕ್ಕೆ ಬರ್ತಾರಂತೆ ಬಾಲಿವುಡ್ ಖ್ಯಾತ ನಟಿ.?

ರವೀನಾ ಟಂಡನ್ ಬರ್ತಾರಾ?

'ಕೆಜಿಎಫ್ ಚಾಪ್ಟರ್-2' ಕಥೆಯಲ್ಲಿ ಬರಲಿರುವ ಪ್ರಮುಖ ಪಾತ್ರವೊಂದಕ್ಕೆ ಬಾಲಿವುಡ್ ನಟಿ ರವೀನಾ ಟಂಡನ್ ಅವರನ್ನ ಕರೆತರುವ ಬಗ್ಗೆ ಚರ್ಚೆಯಾಗಿದೆಯಂತೆ. ಆದ್ರೆ, ಪಾತ್ರ ಯಾವುದು ಎಂಬುದು ಸದ್ಯಕ್ಕೆ ಕುತೂಹಲವಾಗಿ ಉಳಿದಿದೆ.

ಉಪೇಂದ್ರ ನಂತರ ಕನ್ನಡಕ್ಕೆ?

1999ರಲ್ಲಿ ಉಪೇಂದ್ರ ನಟಿಸಿ, ನಿರ್ದೇಶಿಸಿದ್ದ ಉಪೇಂದ್ರ ಚಿತ್ರದಲ್ಲಿ ರವೀನಾ ಟಂಡನ್ ಅಭಿನಯಿಸಿದ್ದರು. ಇದೇ ರವೀನಾ ಅವರ ಮೊದಲ ಹಾಗೂ ಕೊನೆಯ ಕನ್ನಡ ಸಿನಿಮಾವಾಗಿದೆ. ಅದಾದ ಬಳಿಕ ಈಗ ಕೆಜಿಎಫ್ ಚಿತ್ರಕ್ಕಾಗಿ ಮತ್ತೆ ಸ್ಯಾಂಡಲ್ ವುಡ್ ಕಡೆ ಬರುವ ಸಾಧ್ಯತೆ ಇದೆ ಎಂದು ಹೇಳಲಾಗ್ತಿದೆ.

ನಟಿಸುವ ಸಾಧ್ಯತೆ ಹೆಚ್ಚಿದೆ.!

ಹಾಗ್ನೋಡಿದ್ರೆ ರವೀನಾ ಟಂಡನ್ ಕೆಜಿಎಫ್ ಚಿತ್ರದಲ್ಲಿ ನಟಿಸುವ ಆಸಕ್ತಿ ತೋರಬಹುದು. ಯಾಕಂದ್ರೆ, ಕೆಜಿಎಫ್ ಚಾಪ್ಟರ್ 1 ಚಿತ್ರವನ್ನ ಬಾಲಿವುಡ್ ನಲ್ಲಿ ವಿತರಣೆ ಮಾಡಿದ್ದು, ರವೀನಾ ಪತಿ ಅನಿಲ್ ತಡಾನಿ. ಜೊತೆಗೆ ತಾವು ಕೂಡ ಸಿನಿಮಾ ನೋಡಿ ಮೆಚ್ಚಿಕೊಂಡಿದ್ದರು. ಎರಡನೇ ಭಾಗವನ್ನ ತಮ್ಮದೇ ಪ್ರೊಡಕ್ಷನ್ ವಿತರಣೆ ಮಾಡ್ತಿರುವ ಕಾರಣ ಒಪ್ಪಿಕೊಂಡರು ಅಚ್ಚರಿ ಇಲ್ಲ.

ಪ್ರಧಾನಮಂತ್ರಿ ಪಾತ್ರ ಇರಬಹುದಾ?

ಸದ್ಯಕ್ಕೆ ಕೆಜಿಎಫ್ ಚಿತ್ರದಲ್ಲಿ ರವೀನಾಗೆ ಸೂಕ್ತವಾಗಿರುವ ಪಾತ್ರ ಇದೆ ಎಂದು ಗಮನಿಸುವುದಾರೇ ಅದು ಅಂದಿನ ಪ್ರಧಾನಮಂತ್ರಿ ಪಾತ್ರ. ಈ ಪಾತ್ರದ ಪರಿಚಯವನ್ನ ಮೊದಲ ಭಾಗದಲ್ಲಿ ಮಾಡಲಾಗಿತ್ತಾದರೂ, ಎರಡನೇ ಭಾಗದಲ್ಲಿ ಹೆಚ್ಚಿದೆಯಂತೆ. ಇಷ್ಟು ದಿನ ರಮ್ಯಾಕೃಷ್ಣ ಅವರು ಈ ಪಾತ್ರಕ್ಕಾಗಿ ಬರಬಹುದು ಎನ್ನಲಾಗಿತ್ತು. ಈಗ ರವೀನಾ ಟಂಡನ್ ಹೆಸರು ಸುದ್ದಿಯಲ್ಲಿದೆ. ಆದ್ರೆ, ಯಾರು ಅಂತಿಮವಾಗ್ತಾರೆ ಕಾದುನೋಡಬೇಕಿದೆ.

ಸಂಜಯ್ ದತ್ ಅಧಿಕೃತವಾಗಿಲ್ಲ

ಇನ್ನು ಕೆಜಿಎಫ್ ಚಾಪ್ಟರ್ 2 ಚಿತ್ರದಲ್ಲಿ ಬಾಲಿವುಡ್ ನಟ ಸಂಜಯ್ ದತ್ ನಟಿಸುವುದು ಪಕ್ಕಾ ಎನ್ನಲಾಗಿದೆ. ಆದ್ರೆ, ಅಧಿಕೃತವಾಗಿ ಈ ಮಾಹಿತಿ ಹೊರಬಿದ್ದಿಲ್ಲ. ಪ್ರಮುಖ ವಿಲನ್ ಗಳ ಪೈಕಿ ದತ್ ಕೂಡ ಒಬ್ಬರಾಗಲಿದ್ದಾರಂತೆ.