ಅಲ್ಲು ಅರ್ಜುನ್ 'ಪುಷ್ಪ' ಸಿನಿಮಾದಲ್ಲಿ ದಕ್ಷಿಣ ಭಾರತದ ಖ್ಯಾತ ನಟಿ

ರಾಜಕೀಯದಲ್ಲಿ ರೋಜ ಬ್ಯುಸಿ

ಕಳೆದ ಆಂಧ್ರ ಪ್ರದೇಶ ವಿಧಾನಸಭೆ ಚುನಾವಣೆಯಲ್ಲಿ ಜಗನ್ಮೋಹನ್ ರೆಡ್ಡಿ ನೇತೃತ್ವದ ವೈ ಎಸ್ ಆರ್ ಕಾಂಗ್ರೇಸ್ ಪಕ್ಷದಿಂದ ಸ್ಪರ್ಧಿಸಿ ಗೆಲವು ದಾಖಲಿಸಿರುವ ರೋಜ ಚಿತ್ರರಂಗದಿಂದ ದೂರ ಸರಿದ್ದಾರೆ. 2015ರಲ್ಲಿ ಕೊನೆಯದಾಗಿ ತಮಿಳು ಸಿನಿಮಾದಲ್ಲಿ ಕಾಣಿಸಿಕೊಂಡಿದ್ದ ರೋಜ ಆನಂತರ ಮತ್ತೆ ಬಣ್ಣಹಚ್ಚಿಲ್ಲ.

ಪುಷ್ಪ ಸಿನಿಮಾ ಮೂಲಕ ಮತ್ತೆ ವಾಪಸ್?

ಸ್ಟೈಲಿಶ್ ಸ್ಟಾರ್ ಅಲ್ಲು ಅರ್ಜುನ್ ಅಭಿನಯದ ಬಹುನಿರೀಕ್ಷೆಯ ಪುಷ್ಪ ಸಿನಿಮಾ ಮೂಲಕ ಮತ್ತೆ ಬಣ್ಣಹಚ್ಚಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಆದರೆ ಈ ಬಗ್ಗೆ ರೋಜ ಆಗಲಿ ಅಥವಾ ಸಿನಿಮಾ ತಂಡವಾಗಲಿ ಯಾವುದೆ ಮಾಹಿತಿ ಬಹಿರಂಗ ಪಡಿಸಿಲ್ಲ. ಆದರೆ ರೋಜ ಹೆಸರು ವೈರಲ್ ಆಗಿದೆ.

ಅಲ್ಲು ಅರ್ಜುನ್ 'ಪುಷ್ಪ' ಸಿನಿಮಾಗೆ ಬಾಲಿವುಡ್ ಸ್ಟಾರ್ ನಟಿಯ ಎಂಟ್ರಿ?

ವಿಲನ್ ಆಗ್ತಾರಾ ರೋಜಾ?

ಮೂಲಗಳ ಪ್ರಕಾರ ರೋಜ ಚಿತ್ರದಲ್ಲಿ ವಿಲನ್ ಆಗಿ ನಟಿಸಲಿದ್ದಾರಂತೆ. ಆದರೆ ಇದು ಎಷ್ಟರ ಮಟ್ಟಿಗೆ ಸರಿ ಎನ್ನುವುದು ಚಿತ್ರತಂಡವೇ ಬಹಿರಂಗಪಡಿಸಬೇಕು. ಸದ್ಯ ರಾಜಕೀಯದ ಜೊತೆಗೆ ಕೊರೊನಾ ವಿರುದ್ಧ ಹೋರಾಡುವ ದೊಡ್ಡ ಸವಾಲು ಎದುರಾಗಿದೆ. ಈ ಸಮಯದಲ್ಲಿ ಸಖತ್ ಬ್ಯುಸಿ ಇರುವ ರೋಜ ಮತ್ತೆ ಬಣ್ಣಹಚ್ಚುವುದು ನಿಜನಾ ಎನ್ನುವ ಅನುಮಾನ ಸಹ ವ್ಯಕ್ತವಾಗುತ್ತಿದೆ.

ಅಲ್ಲು ಅರ್ಜುನ್ ಸಹೋದರಿಯಾಗಿ ಸುಮಾ ಅಭಿನಯ?

ಪುಷ್ಪ ಸಿನಿಮಾದಲ್ಲಿ ಖ್ಯಾತ ನಿರೂಪಕಿ ಸುಮಾ ಅಭಿನಯಿಸುತ್ತಿದ್ದಾರೆ ಎನ್ನುವ ಸುದ್ದಿ ವೈರಲ್ ಆಗಿದೆ. ಚಿತ್ರದಲ್ಲಿ ಸುಮಾ, ಅಲ್ಲು ಅರ್ಜುನ್ ಸಹೋದರಿಯ ಪಾತ್ರ ಮಾಡಲಿದ್ದಾರಂತೆ. ಸದ್ಯ ಯಾವುದೇ ಈವೆಂಟ್ ಗಳು ಇಲ್ಲದ ಕಾರಣ ಸುಮಾ ಸಿನಿಮಾಗೆ ಗ್ರೀನ್ ಸಿಗ್ನಲ್ ನೀಡಿದ್ದಾರೆ ಎನ್ನುವ ಸುದ್ದಿ ಹರಿದಾಡುತ್ತಿದೆ. ಆದರೆ ಈ ಬಗ್ಗೆಯೂ ಸಹ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ.

ಅಲ್ಲು ಜೊತೆ ಬಾಲಿವುಡ್ ಬೋಲ್ಡ್ ನಟಿ ಡ್ಯಾನ್ಸ್?

ನಟ ಅಲ್ಲು ಅರ್ಜುನ್ ಜೊತೆ ಬಾಲಿವುಡ್ ನ ಬೋಲ್ಡ್ ನಟಿ ದಿಶಾ ಪಟಾನಿ ಹೆಜ್ಜೆ ಹಾಕಲಿದ್ದಾರೆ ಎಂದು ಹೇಳಲಾಗುತ್ತಿದೆ. ಚಿತ್ರದ ಐಟಂ ಹಾಡಿಗಾಗಿ ದಿಶಾ ಪಟಾನಿಗೆ ಸಿನಿಮಾತಂಡ ಆಫರ್ ನೀಡಿದೆಯಂತೆ. ಆದರೆ ದಿಶಾ ಕಡೆಯಿಂದ ಇನ್ನೂ ಗ್ರೀನ್ ಸಿಕ್ಕಿಲ್ಲ. ಅಲ್ಲು ಡ್ಯಾನ್ಸ್ ಅಂದರೆ ತುಂಬ ಇಷ್ಟ ಹಾಗಾಗಿ ಅಲ್ಲು ಜೊತೆ ನಟಿಸಿದರು ಅಚ್ಚರಿ ಇಲ್ಲ ಎಂದು ಹೇಳಳಾಗುತ್ತಿದೆ. ಪುಷ್ಪ ಸಿನಿಮಾಗೆ ಸಾಕಷ್ಟು ಮಂದಿಯ ಹೆಸರುಗಳು ಕೇಳಿ ಬರುತ್ತಿವೆ ಆದರೆ ಇದ್ಯಾವುದನ್ನು ಚಿತ್ರತಂಡ ಇನ್ನೂ ಅಧಿಕೃತ ಗೊಳಿಸಿಲ್ಲ. ಹಾಗಾಗಿ ಇದೆಲ್ಲ ರೂಮರ್ಸ್ ಅಷ್ಟೆನಾ ಅಥವಾ ನಿಜನಾ ಎನ್ನುವುದನ್ನು ಕಾದುನೋಡಬೇಕು.