ಆರ್‌ಆರ್‌ಆರ್ ಚಿತ್ರಕ್ಕೆ 350 ಕೋಟಿಯ ಭರ್ಜರಿ ಆಫರ್: ಡೀಲ್ ಓಕೆ ಮಾಡ್ತಾರಾ ರಾಜಮೌಳಿ?

ರಾಜಮೌಳಿ ಚಿತ್ರಕ್ಕೆ 350 ಕೋಟಿ ಆಫರ್!

ರಾಜಮೌಳಿ ನಿರ್ದೇಶನದಲ್ಲಿ ತಯಾರಾಗುತ್ತಿರುವ ಐತಿಹಾಸಿಕ ಕಥೆ ಹೊಂದಿರುವ ಚಿತ್ರಕ್ಕೆ ಬಿಡುಗಡೆ ಮುಂಚೆಯೇ 350 ಕೋಟಿ ಆಫರ್ ಬಂದಿದೆ ಎನ್ನಲಾಗಿದೆ. ರಾಜಮೌಳಿ ಸಿನಿಮಾಗೆ ದಕ್ಷಿಣ ಭಾರತದ ವಿತರಣೆ ಹಕ್ಕು ಖರೀದಿ ಮಾಡಲು ವಿತರಕರು ಮುಂದಾಗಿದ್ದು, 350 ಕೋಟಿ ನೀಡುವುದಾಗಿ ಹೇಳಿದ್ದಾರಂತೆ. ಹೀಗಂತ ಬಾಲಿವುಡ್ ವೆಬ್‌ಸೈಟ್‌ ಪಿಂಕ್‌ವಿಲ್ಲ ವರದಿ ಮಾಡಿದೆ.

ಬಾಲಿವುಡ್‌ನಲ್ಲಿ 100 ಕೋಟಿ?

ಬಾಹುಬಲಿ ಸರಣಿ ಬಳಿಕ ರಾಜಮೌಳಿಗೆ ಬಾಲಿವುಡ್‌ನಲ್ಲಿ ಮಾರ್ಕೆಟ್ ಹೆಚ್ಚಾಗಿದೆ. ನೇರವಾಗಿ ಸಿನಿಮಾ ಮಾಡದೇ ಹೋದರೂ ರಾಜಮೌಳಿ ನಿರ್ದೇಶಿಸುವ ಚಿತ್ರದ ಹಿಂದಿ ಡಬ್‌ಗೆ ಬೇಡಿಕೆ ಹೆಚ್ಚಿದೆಯಂತೆ. ವರದಿಗಳ ಪ್ರಕಾರ, ಆರ್‌ಆರ್‌ಆರ್ ಚಿತ್ರದ ಹಿಂದಿ ಡಬ್ಬಿಂಗ್ ಹಕ್ಕು ಹಾಗೂ ವಿತರಣೆ ಹಕ್ಕು ಪಡೆಯಲು 100 ಕೋಟಿ ಡೀಲ್ ಆಗಿದೆಯಂತೆ. ಅನಿಲ್ ತಡಾನಿ (ಎಎ ಫಿಲಂಸ್) ಈಗಾಗಲೇ ಆರ್‌ಆರ್‌ಆರ್ ಚಿತ್ರದ ವಿತರಣೆ ಹಕ್ಕನ್ನು ತನ್ನ ತೆಕ್ಕೆಗೆ ಹಾಕಿಕೊಂಡಿದೆಯಂತೆ.

ವಿದೇಶದಲ್ಲಿ 70 ಕೋಟಿ!

ಕನ್ನಡ, ತೆಲುಗು, ತಮಿಳು ಹಾಗೂ ಮಲಯಾಳಂ ಭಾಷೆಯಲ್ಲಿ ಒಬ್ಬರೇ ವಿತರಣೆ ಮಾಡಲು ತೀರ್ಮಾನಿಸಿದ್ದಾರೆ. ಬಾಲಿವುಡ್‌ನಲ್ಲಿ ಅನಿಲ್ ತಡಾನಿ ವಿತರಿಸುವ ಸಾಧ್ಯತೆ ಹೆಚ್ಚಿದೆ. ಹೊರದೇಶಗಳಿಂದಲೂ ಆರ್‌ಆರ್‌ಆರ್ ಚಿತ್ರಕ್ಕೆ ಭಾರಿ ಬೇಡಿಕೆಯಿದ್ದು, ಸುಮಾರು 70 ಕೋಟಿ ಡೀಲ್ ಆಗಿದೆಯಂತೆ.

500 ಕೋಟಿ ಬಿಸಿನೆಸ್?

ಆರ್‌ಆರ್‌ಆರ್ ಚಿತ್ರದ ವಿತರಣೆಯಿಂದಲೇ 500 ಕೋಟಿ ಬಿಸಿನೆಸ್ ಆಗುವ ಲೆಕ್ಕಾಚಾರ ಈಗ ಹೊರಬಿದ್ದಿದೆ. ಸಿನಿಮಾ ರಿಲೀಸ್‌ಗೂ ಮೊದಲೇ 500 ಕೋಟಿ ಗಳಿಸುತ್ತಿದೆ. ಇದು ಭಾರತೀಯ ಚಿತ್ರರಂಗದಲ್ಲಿ ಹೊಸ ದಾಖಲೆಯಾಗಲಿದೆ. ಈ ಚಿತ್ರದ ಒಟ್ಟು ಬಜೆಟ್ 350-400 ಕೋಟಿ ಎನ್ನಲಾಗಿದೆ.