Don't Miss!
- News Rain Alert: ರಾಜ್ಯಾದ್ಯಂತ ಹಲವು ಜಿಲ್ಲೆಗಳಲ್ಲಿ ವ್ಯಾಪಕ ಮಳೆ; ಜಿಲ್ಲಾವಾರು ಮಳೆ ವಿವರ
- Lifestyle ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ
- Sports ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
800 ಕೋಟಿ ರೂ. ನಿರ್ದೇಶಕನೊಂದಿಗೆ ಯಶ್ ಸಿನಿಮಾ: ಏನಿದು ಸುದ್ದಿ?
ಯಶ್ ಕೇವಲ ಸ್ಯಾಂಡಲ್ವುಡ್ ಸ್ಟಾರ್ ಅಲ್ಲ ಅನ್ನೋದು ಎಲ್ಲರಿಗೂ ಮನವರಿಕೆಯಾಗಿದೆ. 'ಕೆಜಿಎಫ್ 2' ತೆರೆಕಂಡ ಬಳಿಕ ಯಶ್ ರೇಂಜ್ ಮತ್ತಷ್ಟು ಬದಲಾಗಿದೆ. 'ಕೆಜಿಎಫ್ 2' ಮೆಗಾ ಹಿಟ್ ಆದ ಬಳಿಕ ಯಶ್ ಮುಂದಿನ ಸಿನಿಮಾ ಬಗ್ಗೆ ಎದ್ದಿರೋ ಕುತೂಹಲ ಅಷ್ಟಿಷ್ಟಲ್ಲ. ಆದರೂ, ಯಶ್ ಮುಂದಿನ ಸಿನಿಮಾ ಬಗ್ಗೆ ಇನ್ನೂ ಪ್ರತಿಕ್ರಿಯೆ ನೀಡುತ್ತಿಲ್ಲ. ಈ ಮಧ್ಯೆ ಯಶ್ ಮುಂದಿನ ಸಿನಿಮಾಗೆ ಯಾರು ನಿರ್ದೇಶನ ಮಾಡಬಹುದು ಅನ್ನೋ ಊಹಾಪೋಹಗಳು ಒಂದೆರಡಲ್ಲ.
ಜನರಿನ್ನೂ 'ಕೆಜಿಎಫ್ 2' ಹ್ಯಾಂಗೋವರ್ನಿಂದ ಹೊರಬಂದಿಲ್ಲ. ಆಗಲೇ ಮತ್ತೊಂದು ಸುದ್ದಿಯೊಂದು ಹರಿದಾಡುತ್ತಿದೆ. ಭಾರತದ ಅತೀ ಜನಪ್ರಿಯ ನಿರ್ದೇಶಕರೊಂದಿಗೆ ರಾಕಿ ಭಾಯ್ ಕೈ ಜೋಡಿಸಲಿದ್ದಾರೆ ಎಂಬ ಮಾತು ಕೇಳಿ ಬರುತ್ತಿದೆ.
'ಕೆಜಿಎಫ್ 2' ಸಿನಿಮಾ ನೋಡಿ 'ಎಂದಿರನ್' ನಿರ್ದೇಶಕ ಶಂಕರ್ ಹೇಳಿದ್ದೇನು? ಯಶ್ ಜೊತೆ ಸಿನಿಮಾ ಯಾವಾಗ?
'ಕೆಜಿಎಫ್ 2' ಹಿಟ್ ಆಗುತ್ತಿದ್ದಂತೆ ಯಶ್ ಹುಡುಕಿಕೊಂಡು ಹಲವು ಪ್ರಾಜೆಕ್ಟ್ಗಳು ಬಂದಿವೆ ಎನ್ನಲಾಗಿದೆ. ಆದರೂ, ಯಶ್ ಇನ್ನೂ ಯಾವ ಸಿನಿಮಾಗೆ ಗ್ರೀನ್ ಸಿಗ್ನಲ್ ಕೊಡಬೇಕು ಅನ್ನುವ ನಿರ್ಧಾರ ಮಾಡಿಲ್ಲ ಎನ್ನಲಾಗಿದೆ. ಸದ್ಯ ಫ್ಯಾಮಿಲಿ ಜೊತೆ ಕಾಲ ಕಳೆಯುತ್ತಿರುವ ಯಶ್, ದೊಡ್ಡ ಡೈರೆಕ್ಟರ್ ಜೊತೆ ಕೈ ಜೋಡಿಸಲಿದ್ದಾರಂತೆ. ಇದು ನರ್ತನ್ ಸಿನಿಮಾ ಬಳಿಕ ಸೆಟ್ಟೇರುತ್ತಾ? ಅಥವಾ ಅದಕ್ಕೂ ಮುನ್ನ ಶುರುವಾಗುತ್ತಾ ಅನ್ನೋದೇ ಕುತೂಹಲ.
ನರ್ತನ್ ಸಿನಿಮಾ ಕಥೆಯೇನು?
'ಕೆಜಿಎಫ್ 2' ಬಳಿಕ ನರ್ತನ್ ಹಾಗೂ ಯಶ್ ಕಾಂಬಿನೇಷನ್ನಲ್ಲಿ ಸಿನಿಮಾ ಸೆಟ್ಟೇರುತ್ತೆ ಅನ್ನೋ ಸುದ್ದಿ ಎಲ್ಲಾ ಕಡೆ ಹಬ್ಬಿದೆ. ಇನ್ನೊಂದು ಕಡೆ, ಯಶ್ ಅಥವಾ ನರ್ತನ್ ಈ ಬಗ್ಗೆ ಇನ್ನೂ ಮಾಹಿತಿ ನೀಡಿಲ್ಲ. ಹೀಗಾಗಿ ಈ ಪ್ರಾಜೆಕ್ಟ್ ಏನಾಗಿದೆ ಅನ್ನೋದೂ ಗೊತ್ತಿಲ್ಲ. ಈ ಮಧ್ಯೆ ನೂರೆಂಟು ಊಹಾ-ಪೋಹಗಳಂತೂ ಓಡಾಡುತ್ತಲೇ ಇವೆ. ಈ ಹಿಂದೆ ಬಂದಿದ್ದ ಸುದ್ದಿ ಪ್ರಕಾರ, ನರ್ತನ್ ಹಾಗೂ ಯಶ್ ಕಾಂಬಿನೇಷನ್ ಸಿನಿಮಾ ಈ ತಿಂಗಳು ಅನೌನ್ಸ್ ಆಗಬೇಕಿತ್ತು. ಆದರೆ, ಜೂನ್ ಮುಗಿಯುತ್ತಿದ್ದರೂ, ಇಬ್ಬರ ಕಾಂಬಿನೇಷನ್ ಬಗ್ಗೆ ಸುಳಿವೇ ಇಲ್ಲ. ಈ ಮಧ್ಯೆ ಮತ್ತೊಬ್ಬ ನಿರ್ದೇಶಕನ ಎಂಟ್ರಿ ಆಗಿದೆ.
ಸೌತ್ ಸಿನಿಮಾಗಳನ್ನು ಅಂತರರಾಷ್ಟ್ರೀಯ ಮಟ್ಟಕ್ಕೆ ಕೊಂಡೊಯ್ದ ತ್ರಿಮೂರ್ತಿಗಳಿವರು!
ಶಂಕರ್ ಜೊತೆ ಯಶ್ ಸಿನಿಮಾ?
ಯಶ್ ಸ್ಯಾಂಡಲ್ವುಡ್ಗಿಂತ ಬಾಲಿವುಡ್ನಲ್ಲೇ ಹೆಚ್ಚು ಸುದ್ದಿಯಲ್ಲಿದ್ದಾರೆ. ಸದ್ಯ ಬಾಲಿವುಡ್ನಲ್ಲೊಂದು ಸುದ್ದಿ ಹರಿದಾಡುತ್ತಿದೆ. ಭಾರತದ ಮೋಸ್ಟ್ ಪಾಪುಲರ್ ನಿರ್ದೇಶಕ ಶಂಕರ್ ಹಾಗೂ ಯಶ್ ಕಾಂಬಿನೇಷನ್ನಲ್ಲಿ ಒಂದು ಸಿನಿಮಾ ಆರಂಭ ಆಗಲಿದೆಯಂತೆ. ಶಂಕರ್ ಎಲ್ಲಾ ಭಾಷೆಯ ಜನರಿಗೂ ಪರಿಚಯವಿದ್ದು, ಈ ಕಾಂಬಿನೇಷನ್ ಸಖತ್ತಾಗೇ ವರ್ಕ್ ಆಗುತ್ತೆ. ಇದೊಂದು ಮೆಗಾ ಕಾಂಬಿನೇಷನ್ ಸಿನಿಮಾ ಎಂದು ಬಾಲಿವುಡ್ ವೆಬ್ ಸೈಟ್ ಒಂದು ವರದಿ ಮಾಡಿದೆ.
ಮೆಗಾ ಜೋಡಿ ಹೈಲೈಟ್ ಏನು?
ಶಂಕರ್ ನಿರ್ದೇಶಿಸಿದ ಸಿನಿಮಾ 2.O ಬಾಕ್ಸಾಫೀಸ್ನಲ್ಲಿ ಚಿಂದಿ ಉಡಾಯಿಸಿತ್ತು. ಸೂಪರ್ ಸ್ಟಾರ್ ರಜನಿಕಾಂತ್ ನಟಿಸಿದ ಈ ಸಿನಿಮಾ 856 ಕೋಟಿ ರೂ. ಕಲೆ ಹಾಕಿತ್ತು. ಈಗ 'ಕೆಜಿಎಫ್ 2' ಪ್ಯಾನ್ ಇಂಡಿಯಾ ಲೆವೆಲ್ನಲ್ಲಿ ರಿಲೀಸ್ ಆಗಿದ್ದು, 1230 ಕೋಟಿ ರೂ. ಕಲೆಕ್ಷನ್ ಮಾಡಿದೆ. ಹೀಗಾಗಿ ಇವರಿಬ್ಬರೂ ಸೇರಿದರೆ ಸಿನಿಮಾ ಬಾಕ್ಸಾಫೀಸ್ನಲ್ಲಿ ದಾಖಲೆ ಮಾಡಬಹುದು ಎನ್ನುವುದು ಬಾಲಿವುಡ್ ಲೆಕ್ಕಾಚಾರ. ಆದರೆ, ಈ ವರದಿ ಕೇವಲ ಗಾಳಿಸುದ್ದಿನಾ? ಇಲ್ಲಾ ಇದರಲ್ಲಿ ಸತ್ಯವೇನಾದರೂ ಅಡಗಿದೆಯಾ? ಅನ್ನುವುದು ಇನ್ನಷ್ಟೇ ತಿಳಿಯಬೇಕಿದೆ.
'ಶಿವಾಜಿ'ಗೆ 15 ವರ್ಷ ಹಿನ್ನೆಲೆ ರಜನಿ-ಶಂಕರ್ ಭೇಟಿ: ಇಲ್ಲಿದೆ ಇಂಟ್ರೆಸ್ಟಿಂಗ್ ಮ್ಯಾಟರ್!
ಶಂಕರ್-ಯಶ್ ಇಬ್ಬರೂ ಬ್ಯುಸಿ
ಶಂಕರ್ ಈಗ ಟಾಲಿವುಡ್ನಲ್ಲಿ ಸಿನಿಮಾ ಮಾಡುತ್ತಿದ್ದಾರೆ. ಮೆಗಾ ಪವರ್ಸ್ಟಾರ್ ರಾಮ್ ಚರಣ್ ಸಿನಿಮಾವನ್ನು ಶಂಕರ್ ನಿರ್ದೇಶನ ಮಾಡುತ್ತಿದ್ದಾರೆ. ಈ ಸಿನಿಮಾ ಮುಗಿದ ಬಳಿಕ ಶಂಕರ್ ರಾಕಿ ಭಾಯ್ ಸಿನಿಮಾ ಕೈಗೆತ್ತಿಗೊಳ್ಳಲಿದ್ದಾರೆ ಎನ್ನಲಾಗಿದೆ. ಇನ್ನೊಂದ್ಕಡೆ ಯಶ್ 'ಮಫ್ತಿ' ನಿರ್ದೇಶಕ ನರ್ತನ್ ಸಿನಿಮಾ ಮಾಡುವುದು ಕನ್ಫರ್ಮ್ ಎಂದೇ ಹೇಳಲಾಗುತ್ತಿದೆ. ಈ ಬಗ್ಗೆ ಇನ್ನೂ ಕ್ಲಾರಿಟಿ ಸಿಕ್ಕಿಲ್ಲ.