ಟ್ಯಾಟೂ ಅಳಿಸಲು ಸಮಂತಾ ಸಜ್ಜು: ಮೈ ತುಂಬೆಲ್ಲಾ ನಾಗ ಚೈತನ್ಯ ಟ್ಯಾಟೂಗಳೇ!

ಮದುವೆ ದಿನಾಂಕವನ್ನು ಟ್ಯಾಟೂ ಹಾಕಿಸಿಕೊಂಡಿದ್ದ ನಾಗ್!

ಈಗ ಬೇರೆ ಆಗಿರುವ ದಂಪತಿಗಳು ಪರಸ್ಪರ ಪ್ರೀತಿಸುತ್ತಿದ್ದು, ಹತ್ತು ವರ್ಷಗಳು ಪ್ರೀತಿ ಮಾಡಿ ನಂತರ 2017 ರಲ್ಲಿ ಮದುವೆ ಆದರು. ಆ ಬಳಿಕ ಸಮಂತಾ ಮತ್ತು ನಾಗ ಚೈನತ್ಯ ಮತ್ತೊಂದು ಟ್ಯಾಟೂ ಸುದ್ದಿ ಆಯ್ತು. ಇಬ್ಬರ ದಾಂಪತ್ಯದ ಬಾಂಧವ್ಯ ತೋರುವ ಟ್ಯಾಟೂ ಇದಾಗಿದೆ. ಮದುವೆ ಬಳಿಕ 'ವೈಕಿಂಗ್' ಚಿಹ್ನೆಯ ಕೆಳಗೆ ನಾಗ ಚೈತನ್ಯ ತಮ್ಮ ಮದುವೆಯ ದಿನಾಂಕವನ್ನು ಟ್ಯಾಟೂ ಹಾಕಿಸಿಕೊಂಡಿದ್ದಾರೆ. ಇದಿಷ್ಟೇ ಅಲ್ಲಾ ಸಮಂತಾ ತಮ್ಮ ಪ್ರೀತಿ ಸಂಕೇತ ಒಂದನ್ನು ತಮ್ಮ ಬೆನ್ನಿನ ಮೇಲೆ ಹಚ್ಚೆ ಒತ್ತಿಸಿಕೊಂಡಿದ್ದಾರೆ.

ಬೆನ್ನಿನ ಮೇಲೆ ಪ್ರೀಯ ಸಂಕೇತದ ಟ್ಯಾಟೂ!

ಮದುವೆ ಆದ ಹಲವು ದಿನಗಳ ನಂತರ ಸಮಂತಾ ಬೆನ್ನಲ್ಲಿ ಮತ್ತೊಂದು ಟ್ಯಾಟೂ ಕಾಣಿಸಿತು. ಅದುವೆ 'YMC' ಎನ್ನುವ ಅಕ್ಷರಗಳು. ಇದು ಸಮಂತಾ ಮತ್ತು ನಾಗ್ ಅವರ ಮೊದಲ ಸಿನಿಮಾ 'ಯೇ ಮಾಯಾ ಚೇಸಾವೆ' ಚಿತ್ರದ ಸಂಕೇತ ಆಗಿದೆ. ಇದೇ ಚಿತ್ರದಲ್ಲಿ ಮೊದಲ ಬಾರಿಗೆ ಇಬ್ಬರು ಒಟ್ಟಿಗೆ ಅಭಿನಯಿಸಿದ್ದರು. 'ಯೇ ಮಾಯಾ ಚೇಸಾವೆ' ಚಿತ್ರದ ಸೆಟ್‌ನಲ್ಲಿ ಸಮಂತಾ ಮೊದಲ ಬಾರಿಗೆ ನಾಗ ಚೈತನ್ಯ ಅವರನ್ನು ಭೇಟಿಯಾದರು. ಅಲ್ಲಿಂದಲೇ ಇವರ ನಡುವೆ ಪ್ರೀತಿ ಹುಟ್ಟಿದೆಯಂತೆ. ಹಾಗಾಗಿ ಆ ಚಿತ್ರದ ಹೆಸರನ್ನು ಸಮಂತಾ ಬೆನ್ನಿನ ಮೇಲೆ ಹಾಕಿಸಿಕೊಂಡಿದ್ದಾರೆ.

ಸಮಂತಾ ಸೀಕ್ರೇಟ್ ಟ್ಯಾಟೂನಲ್ಲಿ ನಾಗ ಚೈತನ್ಯ ಹೆಸರು!

ಇದಿಷ್ಟೇ ಅಲ್ಲಾ ಸಮಂತಾಳ ಮತ್ತೊಂದು ಅತ್ಯಮೂಲ್ಯ ಟ್ಯಾಟೂವನ್ನು 2019 ರಲ್ಲಿ ಸಾರ್ವಜನಿಕವಾಗಿ ಬಹಿರಂಗ ಪಡಿಸಿದರು. ಈ ಟ್ಯಾಟೂವನ್ನು ಸಮಂತಾ ಸೀಕ್ರೇಟ್ ಆಗಿ ಇಟ್ಟಿದ್ದರು. ಆ ಟ್ಯಾಟೂ ನಾಗ ಚೈತನ್ಯ ಹೆಸರು, ಪುಟ್ಟದಾಗಿ 'ಚೈ' ಎಂದು ಟ್ಯಾಟೂ ಹಾಕಿಸಿಕೊಂಡಿದ್ದಾರೆ. ಈ ಟ್ಯಾಟೂ ಬಗ್ಗೆ ಪೋಸ್ಟ್ ಹಾಕಿದ ಸಮಂತಾ, "ಲೈವಿಂಗ್ ಮೈ ಬೆಸ್ಟ್ ಲೈಫ್, ನಾನು ಹೊಂದಿರುವ ಏಕೈಕ ಹಚ್ಚೆ, ಕೊನೆಗೂ ಈ ಟ್ಯಾಟೂವನ್ನು ತೋರಿಸುತ್ತಿದ್ದೇನೆ, ನನ್ನ ಪತಿ ನನ್ನ ಪ್ರಪಂಚ." ಎಂದು ಬರೆದುಕೊಂಡಿದ್ದರು.

ಟ್ಯಾಟೂ ಅಳಿಸಲು ಮುಂದಾದ ನಟಿ ಸಮಂತಾ!

ಆದರೆ ಈಗ ಇದೀಗ ಸಮಂತಾ ಮತ್ತು ನಾಗ ಚೈತನ್ಯ ಇಬ್ಬರೂ ಕೂಡ ದೂರ ಆಗಿದ್ದಾರೆ. ಅಧಿಕೃತವಾಗಿ ವಿಚ್ಛೇದನವನ್ನು ಕೂಡ ಪಡೆದುಕೊಂಡಿದ್ದಾರೆ. ಹಾಗಾಗಿ ಸಮಂತಾ ಈ ಟ್ಯಾಟೂಗಳನ್ನು ತೆಗೆದು ಹಾಕುವ ಪ್ರಯತ್ನ ಮಾಡುತ್ತಿದ್ದಾರೆ ಎನ್ನಲಾಗುತ್ತಿದೆ. ಆದರೆ ಈ ಬಗ್ಗೆ ಸಮಂತಾ ಇನ್ನೂ ಏನೂ ಮಾತನಾಡಿಲ್ಲ. ಅಥವಾ ಟ್ಯಾಟೂ ತೆಗೆಸಿರುವ ಫೊಟೋವನ್ನು ಕೂಡ ಹಂಚಿಕೊಂಡಿಲ್ಲ. ಹಾಗಂತ ಟ್ಯಾಟೂ ಇರುವ ಫೋಟೊಗಳನ್ನು ಕೂಡ ಹಂಚಿಕೊಂಡಿಲ್ಲ. ಸಿನಿಮಾ ಪರದೆ ಮೇಲೆ ಬಂದಾಗ ಮಾತ್ರ ಮೇಕಪ್‌ನಿಂದ ಟ್ಯಾಟೂಗಳನ್ನು ಮುಚ್ಚಲಾಗುತ್ತಿದೆ.