James satellite rights : ಸ್ಯಾಟಲೈಟ್ ರೈಟ್ಸ್ ವಿಚಾರದಲ್ಲಿ 'ಕೆಜಿಎಫ್' ದಾಖಲೆಯನ್ನು ಹಿಂದಿಕ್ಕಿದ 'ಜೇಮ್ಸ್'

ಸಿನಿಮಾದ ಬಗ್ಗೆ ಮತ್ತೊಂದು ಖುಷಿ ವಿಚಾರ

'ಜೇಮ್ಸ್' ಸಿನಿಮಾ ಸೆಟ್ಟೇರಿದಾಗಿನಿಂದಲೂ ಸಾಕಷ್ಟು ರೆಕಾರ್ಡ್ಸ್‌ಗಳನ್ನು ಬ್ರೇಕ್ ಮಾಡಿಕೊಂಡೆ ಬಂದಿದೆ. ಚಿತ್ರತಂಡ ಕೂಡ ಈ ಸಿನಿಮಾದ ಯಶಸ್ಸಿಗಾಗಿ ಸಾಕಷ್ಟು ಎಫರ್ಟ್ ಹಾಕಿದೆ. ಇದೀಗ ಸಿನಿಮಾದ ಬಗ್ಗೆ ಮತ್ತೊಂದು ಖುಷಿ ವಿಚಾರ ಕೇಳಿ ಬರುತ್ತಿದೆ. ಅದುವೇ ಜೇಮ್ಸ್ ಸಿನಿಮಾ ಸ್ಯಾಟಲೈಟ್ ರೈಟ್ಸ್ ಭಾರಿ ಮೊತ್ತಕ್ಕೆ ಸೇಲ್ ಆಗಿರೋದು. ಹೌದು ಮೂಲಗಳ ಪ್ರಕಾರ ಚೇತನ್ ಕುಮಾರ್ ನಿರ್ದೇಶನದ 'ಜೇಮ್ಸ್' ಚಿತ್ರ 13.80 ಕೋಟಿಗೆ ಮಾರಾಟವಾಗಿದೆಯಂತೆ. ಈ ಮೂಲಕ 'ಜೇಮ್ಸ್' ಯಶ್ ನಟನೆಯ 'ಕೆಜಿಎಫ್' ದಾಖಲೆಯನ್ನು ಪುಡಿ ಪುಡಿ ಮಾಡಿದೆ.

'ಜೇಮ್ಸ್' ಸಿನಿಮಾದ ಟಿವಿ ರೈಟ್ಸ್ 13.80 ಕೋಟಿಗೆ ಮಾರಾಟ?

ಸಿನಿಮಾರಂಗದಲ್ಲಿ ಒಂದು ಸಿನಿಮಾದ ರೆಕಾರ್ಡ್‌ ಮತ್ತೊಂದು ಸಿನಿಮಾ ಬ್ರೇಕ್ ಮಾಡೋದು ಸಹಜ. ಇದೀಗ 'ಜೇಮ್ಸ್' ಚಿತ್ರ ಕೆಜಿಎಫ್ ಸಿನಿಮಾದ ದಾಖಲೆಯನ್ನು ಬ್ರೇಕ್ ಮಾಡಿದೆ. ಕೆಜಿಎಫ್ ಸಿನಿಮಾ 6 ಕೋಟಿಗೆ ಸ್ಯಾಟಲೈಟ್ ರೈಟ್ಸ್‌ ಮಾರಾಟವಾಗಿತ್ತು. ಆದರೇ ಇದೀಗ ಪುನೀತ್ ಅಭಿನಯದ 'ಜೇಮ್ಸ್' ಸಿನಿಮಾದ ಟಿವಿ ರೈಟ್ಸ್ 13.80 ಕೋಟಿಗೆ ಮಾರಾಟವಾಗಿದೆ ಎಂಬ ಸುದ್ದಿ ಕೇಳಿ ಬರುತ್ತಿದೆ. ಈ ಮೂಲಕ ಈ ಹಿಂದಿನ ಎಲ್ಲಾ ದಾಖಲೆಗಳನ್ನು ಜೇಮ್ಸ್ ಬ್ರೇಕ್ ಮಾಡಿ ಮುನ್ನುಗುತ್ತಿದೆ. ಈ ಸುದ್ದಿ ತಿಳಿದು ಫ್ಯಾನ್ಸ್ ಫುಲ್ ಖುಷ್ ಆಗಿದ್ದಾರೆ.

2.70 ಕೋಟಿ ಕೊಟ್ಟು 'ಜೇಮ್ಸ್' ಟಿವಿ ರೈಟ್ಸ್ ಖರೀದಿಸಿದ ಸೋನಿ

ಇನ್ನು ಮೂಲಗಳ ಪ್ರಕಾರ ಮೂಲಗಳ ಪ್ರಕಾರ ವಿವಿಧ ಭಾಷೆಗಳು ಸೇರಿ 'ಜೇಮ್ಸ್' ಚಿತ್ರ 80 ಕೋಟಿಗೆ ಟಿವಿ ರೈಟ್ಸ್ ಗೆ ಮಾರಾಟವಾಗಿದೆ ಎನ್ನಲಾಗುತ್ತಿದೆ. ಸದ್ಯದ ಮಾಹಿತಿ ಪ್ರಕಾರ ಸೋನಿ ಡಿಜಿಟಲ್​ಗೆ 40 ಕೋಟಿ, ಕನ್ನಡ ಸುವರ್ಣ ವಾಹಿನಿಗೆ 13.80 ಕೋಟಿ ಮತ್ತು ತೆಲುಗು ಮಾ ಟಿವಿಗೆ ಸುಮಾರು 5.70 ಕೋಟಿಗೆ ಮಾರಾಟವಾಗಿದೆ ಎನ್ನಲಾಗುತ್ತಿದೆ. ಹಾಗೇ ತಮಿಳಿನಲ್ಲಿ ಸನ್ ನೆಟ್ ವರ್ಕ್​ಗೆ 5.17 ಕೋಟಿ, ಮಲೆಯಾಳಂ 1.2 ಕೋಟಿ, ಭೋಜಪುರಿ 5.50 ಕೋಟಿ, ಹಿಂದಿ ಸೋನಿಗೆ 2.70 ಕೋಟಿಗೆ ಮಾರಾಟವಾಗಿದೆ ಎಂದು ಹೇಳಲಾಗುತ್ತಿದ್ದು, 'ಜೇಮ್ಸ್' ಚಿತ್ರದ ಮತ್ತೊಂದು ದಾಖಲೆಗೆ ಫ್ಯಾನ್ಸ ಫಿದಾ ಆಗಿದ್ದಾರೆ.

’ಜೇಮ್ಸ್’ ಚಿತ್ರಕ್ಕೆ ಕಿಶೋರ್ ಪಾತಿಕೊಂಡ ಬಂಡವಾಳ

'ಜೇಮ್ಸ್' ಚಿತ್ರವನ್ನು 'ಬಹದ್ದೂರ್', 'ಭರ್ಜರಿ', 'ಭರಾಟೆ' ಚಿತ್ರಗಳ ಖ್ಯಾತಿಯ ಚೇತನ್ ಕುಮಾರ್ ನಿರ್ದೇಶನ ಮಾಡಿದ್ದಾರೆ. 'ಜೇಮ್ಸ್' ಚಿತ್ರದಲ್ಲಿ ನಾಯಕಿಯಾಗಿ ಪ್ರಿಯಾ ಆನಂದ್ ನಟಿಸಿದ್ದಾರೆ. 'ಜೇಮ್ಸ್' ಚಿತ್ರದಲ್ಲಿ ಕಲಾವಿದರ ದೊಡ್ಡ ದಂಡೇ ಇದೆ. ರಂಗಾಯಣ ರಘು, ಅನು ಪ್ರಭಾಕರ್ ಮುಖರ್ಜಿ, ಕಾಮಿಡಿ ಕಿಲಾಡಿಗಳು ನಯನಾ, ಹಂಸಾ ಪ್ರತಾಪ್, ಕಾವ್ಯಾ ಶಾಸ್ತ್ರೀ, ಸಮೀಕ್ಷಾ, ಹರ್ಷ, ಶೈನಾ ಶೆಟ್ಟಿ, ತೆಲುಗು ನಟ ಶ್ರೀಕಾಂತ್ ಮುಂತಾದವರು 'ಜೇಮ್ಸ್' ಚಿತ್ರದಲ್ಲಿ ನಟಿಸಿದ್ದಾರೆ. 'ಜೇಮ್ಸ್' ಚಿತ್ರಕ್ಕೆ ಕಿಶೋರ್ ಪಾತಿಕೊಂಡ ಬಂಡವಾಳ ಹೂಡಿದ್ದಾರೆ.