ಸೋನಾಕ್ಷಿ ಸಿನ್ಹಾ ನಿಶ್ಚಿತಾರ್ಥ ರಹಸ್ಯ: ವಜ್ರದ ಉಂಗುರ ತೋರಿಸಿದ್ದೇಕೆ ನಟಿ?

ವಜ್ರದ ಉಂಗುರ ಧರಿಸಿದ ಸೋನಾಕ್ಷಿ ಸಿನ್ಹಾ!

ನಟಿ ಸೋನಾಕ್ಷಿ ಸಿನ್ಹಾ ಮದುವೆ ಆಗುತ್ತಾರೆ, ಅವರು ಗುಟ್ಟಾಗಿ ನಿಶ್ಚಿತಾರ್ಥವನ್ನು ಮಾಡಿಕೊಂಡಿದ್ದಾರೆ ಎನ್ನುವ ವಿಚಾರದ ಹಬ್ಬಲು ಕಾರಣ ನಟಿ ಸೋನಾಕ್ಷಿ ಇತ್ತೀಚೆಗೆ ತಮ್ಮ ಇನ್‌ಸ್ಟಾಗ್ರಾಮ್‌ನಲ್ಲಿ ಹಂಚಿಕೊಂಡಿರುವ ಒಂದು ಫೋಟೋ. ಈ ಫೊಟೋದಲ್ಲಿ ನಟಿ ಸೋನಾಕ್ಷಿ ತಮ್ಮ ಕೈ ಬೆರಳಿಗೆ ಹಾಕಿಕೊಂಡಿರುವ ಉಂಗುರವನ್ನು ತೋರಿಸಿದ್ದಾರೆ. ಇದು ವಜ್ರದ ಉಂಗರ ಎನ್ನಲಾಗಿದೆ.

ಸೋನಾಕ್ಷಿ ಜೊತೆಗೆ ಫೋಟೊದಲ್ಲಿರುವ ರಹಸ್ಯ ಕೈ ಯಾರದ್ದು?

ಸೋನಾಕ್ಷಿ ತಾನು ತೊಟ್ಟಿರುವ ವಜ್ರದ ಉಂಗುರವನ್ನು ಮಾತ್ರ ತೋರಿಸುವುದಿಲ್ಲ, ಬದಲಿಗೆ ಈ ಫೊಟೋದಲ್ಲಿ ಮತ್ತೊಂದು ವಿಶೇಷತೆಯೂ ಇದೆ. ವಜ್ರದ ಉಂಗುರ ತೊಟ್ಟ ಸೋನಾಕ್ಷಿ ಹುಡುಗನೊಬ್ಬನ ಕೈ ಹಿಡಿದಿದ್ದಾರೆ. ಫೋಟೊದಲ್ಲಿ ಸೊನಾಕ್ಷಿಯ ಉಂಗುರು, ಹುಡುಗನ ಕೈ ಮಾತ್ರವೇ ಕಾಣುತ್ತಿದೆ. ಈ ಪೋಸ್ಟ್‌ಗೂ ಮುನ್ನ ಅದೇ ಕಾಸ್ಟೂಂನಲ್ಲಿ, ಅದೇ ವ್ಯಕ್ತಿಯೊಬ್ಬನ ಭುಜದ ಮೇಲೆ ಒರಗಿದ ಫೊಟೋ ಹಂಚಿಕೊಂಡಿದ್ದರು. ಹಾಗಾಗಿ ಅದು ಯಾರು ಎನ್ನುವ ಕುತೂಹಲ ಕೂಡ ಹುಟ್ಟಿಕೊಂಡಿದೆ.

ನನ್ನ ಬದುಕಿನ ದೊಡ್ಡ ದಿನವಿದು: ನಟಿ ಸೋನಾಕ್ಷಿ ಸಿನ್ಹಾ!

ಇಷ್ಟೇ ಅಲ್ಲ. ನಟಿ ಸೋನಾಕ್ಷಿ ಸಿನ್ಹಾ ಈ ಪೋಸ್ಟ್‌ಗೆ ಬರೆದುಕೊಂಡಿರುವ ಸಾಲುಗಳು ಕೂಡ ಸಾಕಷ್ಟು ಅನುಮಾವನ್ನು ಹುಟ್ಟು ಹಾಕಿದೆ. ಇದು ಸೋನಾಕ್ಷಿ ಬದುಕಿನ ಮುಖ್ಯವಾದ ದಿನ ಎನ್ನುವುದು ತಿಳಿಯುತ್ತದೆ. "ನನಗೆ ದೊಡ್ಡ ದಿನ ಇದು. ಈ ನನ್ನ ಅತಿ ದೊಡ್ಡ ಕನಸು ನನಸಾಗುತ್ತಿದೆ. ಇದನ್ನು ನಿಮ್ಮ ಜೊತೆಗೆ ಹಂಚಿಕೊಳ್ಳಲು ಕಾತರಳಾಗಿದ್ದೇನೆ." ಎಂದು ಬರೆದುಕೊಂಡಿದ್ದಾರೆ.

ಸಲ್ಮಾನ್ ಖಾನ್, ಸೋನಾಕ್ಷಿ ಮದುವೆ ಫೋಟೊ ವೈರಲ್!

ಇನ್ನು ಸೋನಾಕ್ಷಿ ಸಿನ್ಹಾ ಈ ರೀಯ ಪೋಸ್ಟ್ ಹಾಕುತ್ತಿದ್ದ ಹಾಗೆ, ಸಾಮಾಜಿಕ ಜಾಲತಾಣದಲ್ಲಿ ಈ ಬಗ್ಗೆ ಚರ್ಚೆ ಶುರುವಾಗಿದೆ. ಸೋನಾಕ್ಷಿ ಮದುವೆ ಆಗುತ್ತಿದ್ದಾರೆ ಎನ್ನಲಾಗುತ್ತುದೆ. ಈಕೆಯ ಪೋಸ್ಟ್‌ಗೆ ಜನ ನೀವು ಮದುವೆ ಆಗುತ್ತಿದ್ದೀರಾ?, ಹುಡುಗ ಯಾರು ಎನ್ನುವ ಕಮೆಂಟ್ ಮಾಡಿದ್ದಾರೆ. ಇನ್ನು ಈ ಹಿಂದೆ ಸೋನಾಕ್ಷಿ ಮತ್ತು ಸಲ್ಮಾನ್ ಖಾನ್ ನಕಲಿ ಮದುವೆ ಫೋಟೋ ವೈರಲ್ ಆಗಿ ಸುದ್ದಿ ಆಗಿತ್ತು.