ಹೆಚ್ಚಾಯ್ತು ಶ್ರೀಮುರಳಿ ಸಂಭಾವನೆ, ಒಂದು ಸಿನಿಮಾಗೆ ಎಷ್ಟು ಕೋಟಿ?

ತೆಲುಗು ನಿರ್ಮಾಣ ಸಂಸ್ಥೆಯಿಂದ ಆಫರ್

ತೆಲುಗು ನಿರ್ಮಾಣ ಸಂಸ್ಥೆ ನಟ ಶ್ರೀಮುರಳಿ ಜೊತೆಗೆ ಸಿನಿಮಾ ಮಾಡಲು ನಿರ್ಧಾರ ಮಾಡಿದೆ. ಒಂದರ ಎರಡಲ್ಲ ಶ್ರೀಮುರಳಿ ಜೊತೆಗೆ ಮೂರು ಸಿನಿಮಾಗಳಿಗೆ ಬಂಡವಾಳ ಹಾಕುತ್ತಿದೆ. ಈ ಮೂರು ಸಿನಿಮಾಗಳನ್ನು ಸೇರಿ ಒಂದೊಂದು ಸಿನಿಮಾಗೆ 7 ಕೋಟಿ ಸಂಭಾವನೆ ನೀಡಲು ಮುಂದೆ ಬಂದಿದೆ. ಈ ಸಿನಿಮಾವನ್ನು ಕನ್ನಡ ಹಾಗೂ ತೆಲುಗಿನಲ್ಲಿ ನಿರ್ಮಾಣ ಮಾಡಲು ಯೋಜನೆ ಇದೆ.

ಮೂರು ಸಿನಿಮಾದಿಂದ 21 ಕೋಟಿ

ಶ್ರೀಮುರಳಿ ಜೊತೆಗೆ ಮೂರು ಸಿನಿಮಾಗೆ 21 ಕೋಟಿ ಸಂಭಾವನೆ ಆಫರ್ ನೀಡಿದೆ. ಈ ಮೂರು ಸಿನಿಮಾಗಳು ಎರಡು ವರ್ಷಗಳಲ್ಲಿ ಮುಗಿಯಲಿದೆ. ಪ್ರಾಜೆಕ್ಟ್ ಓಕೆ ಆದ್ರೆ ಮುರಳಿ ಎರಡು ವರ್ಷ ಕಾಲ್ ಶೀಟ್ ನೀಡಬೇಕು. ಆಗ ಪ್ರತಿ ಸಿನಿಮಾಗೆ 7 ಕೋಟಿ ಸಂಭಾವನೆ ಶ್ರೀಮುರಳಿ ಪಾಲಾಗುತ್ತಿದೆ. 'ಭರಾಟೆ' ಸಿನಿಮಾದ ಕಲೆಕ್ಷನ್ 25 ಕೋಟಿ ದಾಟಿದ್ದು, ಅದರ ಪರಿಣಾಮ ಶ್ರೀಮುರಳಿ ಸಂಭಾವನೆ ಮೇಲೆ ಬಿದಿದ್ದೆ.

'ನಿಮ್ಮಿಂದಲೇ ನಾವು, ಈ ಕೆಲಸ ಮಾಡಬೇಡಿ': ಶ್ರೀಮುರಳಿ ಮನವಿ

ಸಂಭಾವನೆಯಲ್ಲಿ ಸುಮಾರು 2 ಕೋಟಿ ಹೆಚ್ಚು

ಗಾಂಧಿನಗರದ ಮೂಲಗಳ ಪ್ರಕಾರ ಶ್ರೀಮುರಳಿ ಒಂದು ಸಿನಿಮಾ 4 ದಿಂದ 5 ಕೋಟಿ ಸಂಭಾವನೆ ಪಡೆಯುತ್ತಿದ್ದರು. ಈಗ ಒಂದು ಸಿನಿಮಾ 7 ಕೋಟಿಯಂತೆ ನೀಡಲು ತೆಲುಗು ಸಂಸ್ಥೆ ಮುಂದೆ ಬಂದಿದೆ. ಹೀಗಾಗಿ ಶ್ರೀಮುರಳಿ ಸಂಭಾವನೆ ಸುಮಾರು 2 ಕೋಟಿ ಹೆಚ್ಚಾಗಿದೆ. 'ಉಗ್ರಂ', 'ರಥಾವರ', 'ಮಫ್ತಿ' ನಂತರ 'ಭರಾಟೆ' ಕೂಡ ಹಣ ಮಾಡಿ ಶ್ರೀ ಮುರಳಿ ಮಾರ್ಕೆಟ್ ಹೆಚ್ಚು ಮಾಡಿದೆ.

'ಮದಗಜ' ನವೆಂಬರ್ 28ಕ್ಕೆ ಶುರು

'ಭರಾಟೆ' ನಂತರ 'ಮದಗಜ' ಸಿನಿಮಾಗೆ ಶ್ರೀಮುರಳಿ ಚಾಲನೆ ನೀಡಲಿದ್ದಾರೆ. ಈ ಸಿನಿಮಾ ಇದೇ ತಿಂಗಳ 28ಕ್ಕೆ ಶುರು ಆಗುತ್ತಿದೆ. ಸದ್ಯ, ಸಿನಿಮಾದ ಮೋಷನ್ ಪೋಸ್ಟರ್ ಒಂದು ಮಿಲಿಯನ್ ಗಡಿ ದಾಟಿದೆ. ಸಿನಿಮಾದಲ್ಲಿ ಶ್ರೀಮುರಳಿ ಲುಕ್ ಹಾಗೂ ಪಾತ್ರದ ಬಗ್ಗೆ ನಿರೀಕ್ಷೆ ಇದೆ. ಮಹೇಶ್ ಕುಮಾರ್ ಈ ಸಿನಿಮಾದ ನಿರ್ದೇಶನ ಮಾಡುತ್ತಿದ್ದಾರೆ. 'ಅಯೋಗ್ಯ' ನಂತರ ಮಹೇಶ್ ಎರಡನೇ ಸಿನಿಮಾ ಇದಾಗಿದೆ.

'ವನ್ಯಜೀವಿ ಸಂರಕ್ಷಣಾ' ರಾಯಭಾರಿಯಾದ ನಟ ಶ್ರೀಮುರಳಿ