ಇಂಜಿನಿಯರ್ ಪರೀಕ್ಷೆಯಲ್ಲಿ 98% ಅಂಕ ಪಡೆದ 'ಸನ್ನಿ ಲಿಯೋನ್'ಗೆ ಬಂಧನದ ಭೀತಿ.!

ಫೇಕ್ ಸನ್ನಿ ಲಿಯೋನ್?

ಅಂದ್ಹಾಗೆ, ಇವರು ನಿಜವಾದ ಸನ್ನಿ ಲಿಯೋನ್ ಅಲ್ಲ, ನಕಲಿ ಸನ್ನಿ ಲಿಯೋನ್. ಸಾರ್ವಜನಿಕ ಆರೋಗ್ಯ ಇಂಜಿನಿಯರಿಂಗ್ ವಿಭಾಗ (PHED)ದ ಅರ್ಹತಾ ಪರೀಕ್ಷೆಯಲ್ಲಿ ಸನ್ನಿ ಲಿಯೋನ್ ಹೆಸರಿನಲ್ಲಿ ವಿದ್ಯಾರ್ಥಿಯೊಬ್ಬರು ಪರೀಕ್ಷೆ ಬರೆದಿದ್ದು, ಶೇಕಡಾ 98 ಅಂಕ ಪಡೆದುಕೊಂಡು ಪಾಸ್ ಆಗಿದ್ದಾರೆ ಎಂದು ಅಧಿಕೃತ ವೆಬ್ ಸೈಟ್ ನಲ್ಲಿ ಪ್ರಟಕವಾಗಿದೆ. ಇದು ಎಷ್ಟು ನಿಜ, ಎಷ್ಟು ಸುಳ್ಳು ಎಂಬುದು ಸದ್ಯ ಚರ್ಚೆಯಾಗ್ತಿದೆ.

ಹೆಸರು ಮಾತ್ರವಲ್ಲ, ಫೋಟೋನು ನಕಲಿ

ಬರಿ ಸನ್ನಿ ಲಿಯೋನ್ ಹೆಸರು ಮಾತ್ರವಲ್ಲ, ಹಾಲ್ ಟಿಕೆಟ್ ನಲ್ಲಿ ಮತ್ತು ಪರೀಕ್ಷ ದಾಖಲಾತಿಯಲ್ಲಿ ಸನ್ನಿ ಲಿಯೋನ್ ಫೋಟೋ ಕೂಡ ಇದೆ. ಆದ್ರೆ, ಇದನ್ನ ಯಾವ ಅಧಿಕಾರಿಗಳು ನೋಡಿಲ್ವಾ ಎಂಬ ಅನುಮಾನ ಈಗ ಕಾಡ್ತಿದೆ.

ಮುಜುಗರಕ್ಕೆ ಒಳಗಾದ ಶಿಕ್ಷಣ ಇಲಾಖೆ

ಈ ಘಟನೆಯಿಂದ ಬಿಹಾರ ಶಿಕ್ಷಣ ಇಲಾಖೆ ಮುಜುಗರಕ್ಕೆ ಒಳಗಾಗಿದೆ. ಕೇವಲ ಸನ್ನಿ ಲಿಯೋನ್ ಹೆಸರು ಮತ್ತು ಫೋಟೋ ಮಾತ್ರವಲ್ಲ, ಅದೇ ಪಟ್ಟಿಯಲ್ಲಿ ಇನ್ನೊಂದು ಅಭ್ಯರ್ಥಿಯ ಹೆಸರು ಕೂಡ ತಪ್ಪಾಗಿದೆ. ಹೆಸರೇ ಇಲ್ಲದೇ ''bvcxzbnnb'' ನಮೂದಿಸಲಾಗಿದೆ. ಇದು ವೆಬ್ ಸೈಟ್ ನಲ್ಲಿ ಆಗಿರುವ ತಪ್ಪು ಎಂಬುದು ಮೇಲ್ನೊಟಕ್ಕೆ ಗೊತ್ತಾಗ್ತಿದೆ.

ಎಫ್ ಐ ಆರ್ ದಾಖಲು

ಇದೀಗ, ಸನ್ನಿ ಲಿಯೋನ್‌ ಹೆಸರಿನಲ್ಲಿ ಪರೀಕ್ಷೆ ಬರೆದಿದ್ದ ಅಭ್ಯರ್ಥಿ ವಿರುದ್ಧ ಅಧಿಕಾರಿಗಳು ಎಫ್‌.ಐ.ಆರ್ ದಾಖಲಿಸಿಕೊಂಡಿದ್ದಾರೆ ಎನ್ನಲಾಗಿದೆ. ಬಂಧಿಸಿ ಕ್ರಮ ಜರುಗಿಸುವ ಸಾಧ್ಯತೆ ಕೂಡ ಇದೆ. ಇನ್ನು ಅರ್ಹತಾ ಪಟ್ಟಿಯ ಬಗ್ಗೆ ಯಾವುದೇ ಆಕ್ಷೇಪ ಇದ್ದರೆ ಫೆಬ್ರವರಿ 18 ರಿಂದ 24ರ ಒಳಗೆ ಆನ್‍ಸೈನ್‍ನಲ್ಲಿ ತಿಳಿಸಬಹುದು ಎಂದು ಸರ್ಕಾರಿ ವೆಬ್ ಸೈಟ್ ಪ್ರಕಟಿಸಿದೆ.