ಬಿಗ್ ಬಾಸ್ ಮನೆಗೆ ತೆಲುಗು ಸೂಪರ್ ಸ್ಟಾರ್ ನಟನ ಪತ್ನಿ.!

ಬಿಗ್ ಮನೆಗೆ ಪವನ್ ಕಲ್ಯಾಣ್ ಪತ್ನಿ?

ತೆಲುಗು ಬಿಗ್ ಬಾಸ್ ಮೂರನೇ ಆವೃತ್ತಿಯಲ್ಲಿ ಪವರ್ ಸ್ಟಾರ್ ಪವನ್ ಕಲ್ಯಾಣ್ ಅವರ ಮಾಜಿ ಪತ್ನಿ ರೇಣು ದೇಸಾಯಿ ಭಾಗವಹಿಸಲಿದ್ದಾರೆ ಎಂಬ ಸುದ್ದಿ ಈಗ ಭಾರಿ ಸದ್ದು ಮಾಡ್ತಿದೆ. ಸದ್ಯದ ಮಟ್ಟಿಗೆ ರೇಣು ದೇಸಾಯಿ ಬರೋದು ಪಕ್ಕಾ ಎನ್ನಲಾಗಿದೆ. ಆದರೆ ಖಚಿತ ಮಾಹಿತಿ ಲಭ್ಯವಾಗಿಲ್ಲ.

ರೇಣು ಬಂದ್ರೆ ಫುಲ್ ಟಿ.ಆರ್.ಪಿ

ಪವನ್ ಕಲ್ಯಾಣ್ ಅವರಿಂದ ವಿಚ್ಛೇದನ ಪಡೆದು ದೂರವಾಗಿರುವ ರೇಣು ದೇಸಾಯಿ, ಮತ್ತೊಮ್ಮೆ ಮದುವೆಯಾಗುತ್ತಿದ್ದಾರೆ. ಪವನ್ ಕಲ್ಯಾಣ್ ವಿರುದ್ಧವೂ ಹಲವು ಹೇಳಿಕೆಗಳನ್ನ ನೀಡಿ ಪವರ್ ಸ್ಟಾರ್ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ, ಹೀಗಾಗಿ, ರೇಣು ದೇಸಾಯಿ ಶೋಗೆ ಬಂದರೆ ಟಿ.ಆರ್.ಪಿ ಸುನಾಮಿಯಂತೆ ಬರುತ್ತೆ ಎಂದು ನಿರೀಕ್ಷೆ ಮಾಡಲಾಗಿದೆ.

ನಾಗಾರ್ಜುನಗೆ ದೊಡ್ಡ ಆಫರ್

ಮೊದಲ ಆವೃತ್ತಿ ಜೂನಿಯರ್ ಎನ್.ಟಿ.ಆರ್ ನಿರೂಪಣೆ ಮಾಡಿದ್ದರು. ಎರಡನೇ ಆವೃತ್ತಿಯಲ್ಲಿ ನಾನಿ ಆಂಕರಿಂಗ್ ಮಾಡಿದ್ದರು. ಈಗ ಮೂರನೇ ಆವೃತ್ತಿಯಲ್ಲಿ ನಾಗಾರ್ಜುನ ನಿರೂಪಣೆ ಮಾಡಲಿದ್ದಾರೆ ಎಂಬ ಸುದ್ದಿ ಚರ್ಚೆಯಾಗ್ತಿದೆ. ಈ ಶೋಗಾಗಿ ದೊಡ್ಡ ಮೊತ್ತದ ಅಫರ್ ಮಾಡಲಾಗಿದೆಯಂತೆ. ಅದಕ್ಕೂ ಮುಂಚೆ ಅನುಷ್ಕಾ ಶೆಟ್ಟಿ ಹೆಸರು ಕೂಡ ಕೇಳಿಬಂದಿತ್ತು.

ಶ್ರೀರೆಡ್ಡಿ ಎಂಟ್ರಿ ಇರುತ್ತಾ?

ಕಳೆದ ಬಾರಿ ಮಿಸ್ ಆಗಿದ್ದ ಶ್ರೀರೆಡ್ಡಿ ಈ ಬಾರಿಯಾದರೂ ಅವಕಾಶ ಗಿಟ್ಟಿಸಿಕೊಳ್ಳುತ್ತಾರಾ ಕಾದುನೋಡಬೇಕಿದೆ. ಇದನ್ನ ಹೊರತುಪಡಿಸಿದ ರೇಣು ದೇಸಾಯಿ ಮಾತ್ರವಲ್ಲ ಮತ್ತಷ್ಟು ವಿವಾದಾತ್ಮಕವಾಗಿ ಸುದ್ದಿಯಾಗಿದ್ದ ಸೆಲೆಬ್ರಿಟಿಗಳು ಮೂರನೇ ಆವೃತ್ತಿಯ ತೆಲುಗು ಬಿಗ್ ಬಾಸ್ ಮನೆ ಪ್ರವೇಶ ಮಾಡಲಿದ್ದಾರೆ ಎಂಬ ಸುಳಿವನ್ನ ಆಯೋಜಕರು ನೀಡಿದ್ದಾರೆ.