ಕೆ.ಜಿ.ಎಫ್ ಹಾಡಿನಲ್ಲಿ ಸೊಂಟ ಬಳುಕಿಸಲು ತಮನ್ನಾ ಪಡೆದ ಸಂಭಾವನೆ ಇಷ್ಟೇನಾ.?

'ಜೋಕೆ' ಹಾಡಿಗೆ ತಮನ್ನಾ ಹೆಜ್ಜೆ

1970 ರಲ್ಲಿ ತೆರೆಕಂಡ ಡಾ.ರಾಜ್ ಕುಮಾರ್ ಅಭಿನಯದ ಸೂಪರ್ ಡ್ಯೂಪರ್ ಹಿಟ್ 'ಪರೋಪಕಾರಿ' ಚಿತ್ರದ 'ಜೋಕೆ ನಾನು ಬಳ್ಳಿಯ ಮಿಂಚು...' ಹಾಡನ್ನ ಇದೀಗ 'ಕೆ.ಜಿ.ಎಫ್' ಸಿನಿಮಾದಲ್ಲಿ ಮತ್ತೆ ಬಳಸಿಕೊಳ್ಳಲಾಗಿದೆ. ಮಿಲ್ಕಿ ಬ್ಯೂಟಿ ತಮನ್ನಾ ಯಶ್ ಜೊತೆ ಸೇರಿ ಸೊಂಟು ಬಳುಕಿಸಿದ್ದಾರೆ.

ಈ ಹಾಡಿಗಾಗಿ ತಮನ್ನಾ ಪಡೆದಿದ್ದೆಷ್ಟು.?

ಅಂದ್ಹಾಗೆ, ಈ ಹಾಡು ಚಿತ್ರದಲ್ಲಿ ನಾಲ್ಕು ನಿಮಿಷ ಬರಲಿದೆ. ನಾಲ್ಕು ನಿಮಿಷದ ಈ ಹಾಡಿಗಾಗಿ ತಮನ್ನಾ ಪಡೆದಿದ್ದು ಬರೋಬ್ಬರಿ 40 ಲಕ್ಷ ಎಂದು ಹೇಳಲಾಗುತ್ತಿದೆ. ಇದನ್ನ ಕಂಡು ಗಾಂಧಿನಗರದ ಮಂದಿ ಬಾಯಿ ಮೇಲೆ ಬೆರೆಳಿಟ್ಟುಕೊಂಡು ಆಶ್ಚರ್ಯದಿಂದ ನೋಡುವಂತಾಗಿದ್ದಾರೆ.

ಈ ಹಿಂದಿನ ಚಿತ್ರಕ್ಕೆ ಹೋಲಿಸಿಕೊಂಡ್ರೆ ಕಮ್ಮಿ

ಪರಭಾಷೆ ನಟಿಯರು ಕನ್ನಡ ಸಿನಿಮಾದಲ್ಲಿ ಹೆಜ್ಜೆ ಹಾಕಲು ದೊಡ್ಡ ಮೊತ್ತವನ್ನ ನೀಡುವ ಸಂಪ್ರದಾಯ ನಮ್ಮಲ್ಲಿದೆ. ಸ್ಟಾರ್ ನಟಿಯೊಬ್ಬರು ಐಟಂ ನಂಬರ್ ಅಥವಾ ಸ್ಪೆಷಲ್ ಹಾಡಿಗೆ ಹೆಜ್ಜೆ ಹಾಕಿದ್ರೆ, ಅವರ ಸಂಭಾವನೆ ಕೋಟಿಗಟ್ಟಲೆ ಇರುತ್ತೆ ಎಂಬ ಮಾತಿದೆ. ಆ ಕೋಟಿಗೆ ಹೋಲಿಸಿಕೊಂಡ್ರೆ ಇದು ತುಂಬಾ ಕಡಿಮೆ ಆಯಿತಲ್ವಾ ಎಂಬ ಕುತೂಹಲ.

'ಜಾಗ್ವಾರ್'ಗಾಗಿ ತಮನ್ನಾಗೆ ಸಿಕ್ಕಿದ್ದೆಷ್ಟು.?

ಕೆಜಿಎಫ್ ಚಿತ್ರಕ್ಕೂ ಮೊದಲು ನಿಖಿಲ್ ಕುಮಾರ್ ಅಭಿನಯಿಸಿದ್ದ 'ಜಾಗ್ವಾರ್' ಚಿತ್ರದ ಐಟಂ ಸಾಂಗ್ ನಲ್ಲಿ ನಟಿ ತಮನ್ನಾ ಭಾಟಿಯಾಗೆ ಸ್ಟೆಪ್ ಹಾಕಿದ್ದರು. ಈ ಹಾಡಿಗಾಗಿ ತಮನ್ನಾಗೆ ನೀಡಿರುವ ಸಂಭಾವನೆ ಬರೋಬ್ಬರಿ ಒಂದು ಕೋಟಿ ರೂಪಾಯಿ ಅಂತ ವರದಿ ಆಗಿತ್ತು. ಅದು ಎಷ್ಟು ನಿಜವೋ ಗೊತ್ತೇ ಆಗಲಿಲ್ಲ.

ಕೆಜಿಎಫ್ ಶೂಟಿಂಗ್ ಮುಕ್ತಾಯ

ಪ್ರಶಾಂತ್ ನೀಲ್ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಕೆಜಿಎಫ್ ಚಿತ್ರದ ಶೂಟಿಂಗ್ ಮುಕ್ತಾಯವಾಗಿದೆ. ಸದ್ಯ, ಆಡಿಯೋ ರಿಲೀಸ್ ಮಾಡುವ ಯೋಚನೆಯಲ್ಲಿರುವ ಚಿತ್ರತಂಡ ಇದೇ ವರ್ಷದಲ್ಲಿ ಸಿನಿಮಾ ಬಿಡುಗಡೆ ಮಾಡಲಿದೆ. ಹೊಂಬಾಳೆ ಫಿಲ್ಮ್ ಬ್ಯಾನರ್ ನಲ್ಲಿ ಈ ಸಿನಿಮಾ ಸಿದ್ಧವಾಗ್ತಿದ್ದು, ಶ್ರೀನಿಧಿ ಶೆಟ್ಟಿ ನಾಯಕಿಯಾಗಿದ್ದಾರೆ.