ತೆಲುಗು ನಟ ನಿತಿನ್ ಮದುವೆ ದಿಢೀರ್ ಮುಂದೂಡಿಕೆ.! ಏಕೆ ಹೀಗೆ.?

ನಿತಿನ್ ಮದುವೆ ಮುಂದಕ್ಕೆ.!

ತೆಲುಗು ನಟ ನಿತಿನ್ ಮದುವೆ ಪೋಸ್ಟ್ ಪೋನ್ ಆಗಿದೆ ಎಂದು ಕುಟುಂಬದ ಮೂಲಗಳು ತಿಳಿಸಿವೆ. ಏಪ್ರಿಲ್ 15 ರಂದು ನಿಗದಿ ಆಗಿದ್ದ ಮದುವೆ, ಮೇ ತಿಂಗಳಲ್ಲಿ ಜರುಗಲಿದೆ. ದುಬೈನ ಐಷಾರಾಮಿ ಹೋಟೆಲ್ ನಲ್ಲಿ ನಿತಿನ್ ವಿವಾಹ ಮಹೋತ್ಸವ ನೆರವೇರಲಿದೆ.

ತೆಲುಗು ನಟ ನಿತೀನ್ ಮದುವೆ: 'ಭೀಷ್ಮ'ನ ಕೈಹಿಡಿಯುವ ಆ ಹುಡುಗಿ ಯಾರು?

ಕಾರಣ ಏನು.?

ದಿಢೀರ್ ಅಂತ ನಿತಿನ್ ಮದುವೆ ಮುಂದಕ್ಕೆ ಹೋಗಲು ನಿಖರವಾದ ಕಾರಣ ಏನು ಎಂಬುದು ತಿಳಿದು ಬಂದಿಲ್ಲ. ಆದ್ರೆ, ಮದುವೆ ತಯಾರಿ ಮಾಡಿಕೊಳ್ಳಲು ಕಡಿಮೆ ಸಮಯ ಉಳಿದಿದೆ ಎಂಬ ಕಾರಣಕ್ಕೆ, ಕುಟುಂಬಸ್ಥರು ಏಪ್ರಿಲ್ ಬದಲು ಮೇ ತಿಂಗಳಲ್ಲಿ ಮದುವೆ ನಡೆಸಲು ನಿರ್ಧರಿಸಿದ್ದಾರೆ ಎನ್ನಲಾಗಿದೆ.

ಹುಡುಗಿ ಯಾರು.?

ನಿತಿನ್ ಮದುವೆ ಆಗುತ್ತಿರುವ ಹುಡುಗಿಯ ಹೆಸರು ಶಾಲಿನಿ. ಯು.ಕೆ.ನಲ್ಲಿ ಶಾಲಿನಿ ಎಂ.ಬಿ.ಎ ವಿದ್ಯಾಭ್ಯಾಸ ಮುಗಿಸಿದ್ದಾರೆ. ಕಳೆದ ಕೆಲವು ವರ್ಷಗಳಿಂದ ನಿತಿನ್ ಮತ್ತು ಶಾಲಿನಿ ಆತ್ಮೀಯ ಸ್ನೇಹಿತರು. ಇಬ್ಬರ ನಡುವಿನ ಸ್ನೇಹ ಪ್ರೀತಿಗೆ ತಿರುಗಿದ್ಮೇಲೆ ಅದಕ್ಕೆ ಕುಟುಂಬಸ್ಥರು ಸಮ್ಮತಿ ನೀಡಿದ್ದಾರೆ. ಗುರು-ಹಿರಿಯರು, ಕುಟುಂಬಸ್ಥರ ಸಮ್ಮುಖದಲ್ಲಿ ನಿತಿನ್-ಶಾಲಿನಿ ಮದುವೆ ಅದ್ಧೂರಿಯಾಗಿ ನಡೆಯಲಿದೆ.

'ಭೀಷ್ಮ' ಆಗಿ ತೆರೆಮೇಲೆ ನಿತಿನ್.!

ವೆಂಕಿ ಕುಡುಮುಲಾ ನಿರ್ದೇಶನದ 'ಭೀಷ್ಮ' ಚಿತ್ರದಲ್ಲಿ ನಿತಿನ್ ನಾಯಕನಾಗಿ ಅಭಿನಯಿಸಿದ್ದಾರೆ. ನಿತಿನ್ ಗೆ ನಾಯಕಿ ಆಗಿ ರಶ್ಮಿಕಾ ಮಂದಣ್ಣ ಇದ್ದಾರೆ. ಫೆಬ್ರವರಿ 21 ರಂದು 'ಭೀಷ್ಮ' ತೆರೆಗೆ ಬರಲಿದೆ. ಇದಾದ ಬಳಿಕ ನಿತಿನ್ ಕೈಯಲ್ಲಿ ಎರಡ್ಮೂರು ಪ್ರಾಜೆಕ್ಟ್ ಗಳಿವೆ.