ಸಾನಿಯಾ- ಶೋಯೆಬ್ ಸಂಸಾರದಲ್ಲಿ ಹುಳಿ ಹಿಂಡಿದ್ದು ಪಾಕಿಸ್ತಾನದ ಆ ನಟಿ?

ಸಾನಿಯಾ -ಶೋಯೆಬ್ ಡೈವೋರ್ಸ್?

ಪತಿ ಶೋಯಬ್ ಜೊತೆಗಿನ ಕಾನೂನು ಸಮರ ಬಗೆಹರಿಸಿಕೊಂಡ ಬಳಿಕ ಸಾನಿಯಾ ವೈವಾಹಿಕ ಜೀವನಕ್ಕೆ ಅಂತ್ಯ ಹಾಡಲು ಮುಂದಾಗಿದ್ದಾರೆ ಎಂದು ಪಾಕಿಸ್ತಾನದ ಜಿಯೋ ನ್ಯೂಸ್‌ ವರದಿ ಮಾಡಿದೆ. ಈಗಾಗಲೇ ಇಬ್ಬರು ಈ ಬಗ್ಗೆ ಒಪ್ಪಂದಕ್ಕೆ ಬಂದಿದ್ದಾರೆ ಎನ್ನಲಾಗುತ್ತಿದೆ. ಆದರೆ ಈ ಬಗ್ಗೆ ಇಬ್ಬರು ಬಹಿರಂಗವಾಗಿ ಮಾತನಾಡಿಲ್ಲ. ಹಳೇ ಫೋಟೊಶೂಟ್ ವಿಡಿಯೋ ತೋರಿಸಿ, ಇದೇ ಕಾರಣಕ್ಕೆ ಸಾನಿಯಾ ಹಾಗೂ ಶೋಯಬ್ ಮಧ್ಯೆ ವೈಮನಸ್ಸು ಉಂಟಾಗಿದೆ. ಶೀಘ್ರದಲ್ಲೇ ಇಬ್ಬರೂ ದೂರಾಗುತ್ತಿದ್ದಾರೆ ಎನ್ನುತ್ತಿದ್ದಾರೆ.

ಆಕೆ ಜೊತೆ ಶೋಯಬ್ 2ನೇ ಮದುವೆ

ಆಯೇಷಾ ಓಮರ್ ಜೊತೆ ಶೋಯಬ್ ಮಲಿಕ್ 2ನೇ ಮದುವೆ ಮನಸ್ಸು ಮಾಡಿದ್ದಾರಂತೆ. ಹಿಂದೆ ಕೂಡ ಈ ಫೋಟೋಶೂಟ್ ಬಗ್ಗೆ ಶೋಯಬ್ ಸರಿಯಾದ ಉತ್ತರವನ್ನು ಕೊಟ್ಟಿರಲಿಲ್ಲ. ಇಂತಹ ಬೋಲ್ಡ್ ಫೋಟೊಶೂಟ್ ಮಾಡಿದ್ದೀರಾ ಸಾನಿಯಾ ಏನು ಹೇಳಲಿಲ್ಲವಾ ? ಎಂದು ಆಂಕರ್ ಕೇಳಿದ್ದಕ್ಕೆ ನಿಮ್ಮ ಗಂಡ ಈ ತರ ಮಾಡಿದ್ದರೆ ನೀವು ಏನು ಮಾಡುತ್ತಿದ್ದಿರಿ ಎಂದು ಮರು ಪ್ರಶ್ನೆ ಹಾಕಿದ್ದರು. ಅದಕ್ಕೆ ಆಂಕರ್ ನನಗೆ ಇನ್ನು ಮದುವೆ ಆಗಿಲ್ಲ ಎಂದಿದ್ದಳು. ಸಾನಿಯಾ ಕೂಡ ಅದೇ ರೀತಿ ಲೈಟ್ ಆಗಿ ತಗೊಂಡಿದ್ದಾಳೆ ಎಂದು ಶೋಯಬ್ ಹೇಳಿದ್ದರು.

ಆಯೇಷಾ ಓಮರ್ ಯಾರು?

ಲಾಹೋರ್‌ನಲ್ಲಿ ಹುಟ್ಟಿಬೆಳೆದ ಆಯೇಷಾ ಓಮರ್ ಮಾಡೆಲ್ ಆಗಿ ನಟಿಯಾಗಿ ಯೂಟ್ಯೂಬರ್ ಆಗಿ ಗುರ್ತಿಸಿಕೊಂಡಿದ್ದಾಳೆ. ಸಾಕಷ್ಟು ಉರ್ದು ಸಿನಿಮಾಗಳಲ್ಲಿ ಈಕೆ ನಟಿಸಿದ್ದಾಳೆ. ಪಾಕಿಸ್ತಾನ ಕಿರುತೆರೆ ಕಾರ್ಯಕ್ರಮ, ರಿಯಾಲಿಟಿ ಶೋಗಳಲ್ಲೂ ಮಿಂಚಿದ್ದಾಳೆ. ಪಾಕಿಸ್ತಾನದ ಚಿತ್ರರಂಗದ ಬಹುಬೇಡಿಕೆಯ ನಟಿಯಾಗಿ ಆಯೇಷಾ ಕಮಾಲ್ ಮಾಡುತ್ತಿದ್ದಾಳೆ.

ಮೌನ ವಹಿಸಿದ ದಂಪತಿ

ಸಾನಿಯಾ ಹಾಗೂ ಶೋಯೆಬ್ ದಾಂಪತ್ಯದಲ್ಲಿ ಬಿರುಕು ಮೂಡಿರುವ ಬಗ್ಗೆ ಸೋಷಿಯಲ್ ಮೀಡಿಯಾಗಳಲ್ಲಿ, ಸುದ್ದಿ ವಾಹಿನಿಗಳಲ್ಲಿ ಸಾಕಷ್ಟು ಊಹಾಪೋಹಗಳು ಹರಿದಾಡುತ್ತಿವೆ. ಆದರೂ ಈ ಬಗ್ಗೆ ದಂಪತಿ ಮಾತನಾಡುವ ಗೋಜಿಗೆ ಹೋಗಿಲ್ಲ. ತಮ್ಮ ದಾಂಪತ್ಯದ ಜೀವನ ಅಥವಾ ಬಿರುಕಿನ ಕುರಿತು ಸಾನಿಯಾ ಮಿರ್ಜಾ ಆಗಲಿ, ಶೋಯೆಬ್ ಮಲ್ಲಿಕ್ ಆಗಲಿ ಎಲ್ಲಿಯೂ ಪ್ರತಿಕ್ರಿಯೆಗಳನ್ನು ನೀಡಿಲ್ಲ. ಇತ್ತೀಚೆಗೆ ಮಗನ ಹುಟ್ಟುಹಬ್ಬ ಆಚರಿಸಲು ದಂಪತಿ ದುಬೈ ಪ್ರವಾಸಕ್ಕೆ ತೆರಳಿದ್ದರು.