ತಮಿಳು ನಟನ ಜೊತೆ ದಾಂಪತ್ಯ ಜೀವನಕ್ಕೆ ಕಾಲಿಡಲು ಸಜ್ಜಾದ ನಟಿ ತ್ರಿಷಾ?

ರಾಣಾ ದಗ್ಗುಬಾಟಿ ಜೊತೆ ಡೇಟಿಂಗ್

ನಂತರ ನಟಿ ತ್ರಿಷಾ, ರಾಣಾ ದಗ್ಗುಬಾಟಿ ಜೊತೆ ಡೇಟಿಂಗ್ ನಲ್ಲಿದ್ದರು. ರಾಣಾ ಮತ್ತು ತ್ರಿಷಾ ಇಬ್ಬರ ಪ್ರೀತಿ ಪ್ರೇಮದ ವಿಚಾರ ದೊಡ್ಡ ಮಟ್ಟಕ್ಕೆ ಸದ್ದು ಮಾಡಿತ್ತು. ಅಲ್ಲದೆ ರಾಣಾ ಸಹ ತ್ರಿಷಾ ಜೊತೆಗಿನ ಪ್ರೀತಿ ವಿಚಾರವನ್ನು ಬಹಿರಂಗಪಡಿಸಿದ್ದರು. ಇಬ್ಬರು ಮದುವೆ ಆಗಲಿದ್ದಾರೆ ಅಂತಾನೆ ಎಲ್ಲರೂ ಅಂದುಕೊಂಡಿದ್ದರು. ಅಲ್ಲದೆ ತ್ರಿಷಾ ಮತ್ತು ವರುಣ್ ನಿಶ್ಚಿತಾರ್ಥ ಮುರಿದು ಬೀಳಲು ಕಾರಣನೇ ರಾಣಾ ದಗ್ಗುಬಾಟಿ ಎನ್ನುವ ಮಾತು ಕೇಳಿ ಬರುತ್ತಿತ್ತು. ಆದರೆ ರಾಣಾ, ಗೆಳತಿ ಮಿಹಿಕಾ ಬಜಾಜ್ ಜೊತೆ ನಿಶ್ಚಿತಾರ್ಥ ಮಾಡಿಕೊಂಡು ಅಚ್ಚರಿ ಮೂಡಿಸಿದ್ದಾರೆ. ಮಿಹಿಕಾ ಮತ್ತು ರಾಣಾ ಇಬ್ಬರು ಆಗಸ್ಟ್ ನಲ್ಲಿ ಹಸೆಮಣೆ ಏರುತ್ತಿದ್ದಾರೆ.

ತಮಿಳಿನ ವಿವಾದಾತ್ಮಕ ನಟನ ಜೊತೆ ತ್ರಿಷಾ ಮದುವೆ

ನಟಿ ತ್ರಿಷಾ ಈಗ ತಮಿಳಿನ ವಿವಾದಾತ್ಮಕ ನಟ ಅಂತಾನೆ ಖ್ಯಾತಿಗಳಿಸಿರುವ ಸಿಂಬು ಜೊತೆ ಹಸೆಮಣೆ ಏರಲಿದ್ದಾರೆ ಎನ್ನುವ ಮಾತು ಹರಿದಾಡುತ್ತಿದೆ. ಲಾಕ್ ಡೌನ್ ಬಳಿಕ ಇಬ್ಬರು ಮದುವೆಯಾಗಲು ನಿರ್ಧರಿಸಿದ್ದಾರಂತೆ. ಇತ್ತೀಚಿಗೆ ಸಿಂಬು ಲಾಕ್ ಡೌನ್ ಬಳಿಕ ಮದುವೆ ಪ್ಲಾನ್ ಇದೆ ಎಂದಿದ್ದರು. ಅಲ್ಲದೆ ತ್ರಿಷಾ ಕೂಡ ಮದುವೆ ವಿಚಾರ ಬಹಿರಂಗಪಡಿಸಿದ್ದರು. ಹಾಗಾಗಿ ಇಬ್ಬರು ಹಸೆಮಣೆ ಏರಲಿದ್ದಾರೆ ಎನ್ನುವ ಸುದ್ದಿ ಜೋರಾಗಿ ಕೇಳಿಬರುತ್ತಿದೆ. ಅಲ್ಲದೆ ಸಿಂಬು ಮತ್ತು ತ್ರಿಷಾ ನಡುವೆ ಉತ್ತಮ ಬಾಂದವ್ಯವಿದೆ, ಇಬ್ಬರು ಉತ್ತಮ ಸ್ನೇಹಿತರು. ಈಗ ದಾಂಪತ್ಯ ಜೀವನಕ್ಕೆ ಕಾಲಿಡಲು ನಿರ್ಧರಿಸಿದ್ದಾರಂತೆ

'ಏ ವಾಯ ಚೆಸಾವೆ' ತಮಿಳು ರಿಮೇಕ್ ನಲ್ಲಿ ನಟಿಸಿದ್ದ ಜೋಡಿ

ಸಿಂಬು ಮತ್ತು ತ್ರಿಷಾ ಇಬ್ಬರು ತೆಲುಗಿನ ಏ ವಾಯ ಚೆಸಾವೆ ತಮಿಳು ರಿಮೇಕ್ ನಲ್ಲಿ ಒಟ್ಟಿಗೆ ನಟಿಸಿದ್ದಾರೆ. ತೆಲುಗಿನಲ್ಲಿ ಒಟ್ಟಿಗೆ ನಟಿಸಿದ್ದ ಸಮಂತಾ ಮತ್ತು ನಾಗಚೈತನ್ಯ ಜೋಡಿ ಪ್ರೀತಿಯಲ್ಲಿ ಬಿದ್ದು, ಈಗ ಮದುವೆಯಾಗಿ ಸಂತೋಷದ ಜೀವನ ನಡೆಸುತ್ತಿದ್ದಾರೆ. ಹಾಗೆ ತಮಿಳಿನಲ್ಲಿ ನಟಿಸಿದ್ದ ತ್ರಿಷಾ ಮತ್ತು ಸಿಂಬು ಸಹ ಮದುವೆಯಾಗಲಿದ್ದಾರೆ ಎನ್ನುವ ಮಾತು ಕಾಲಿವುಡ್ ಅಂಗಳದಲ್ಲಿ ಜೋರಾಗಿ ಕೇಳಿಬರುತ್ತಿದೆ.