ರಶ್ಮಿಕಾ ಬಗ್ಗೆ ತೆಲುಗು ದೇಶದಿಂದ ಬಂತು ಎರಡು ಸುದ್ದಿ.! ನಿಜಾನಾ, ಸುಳ್ಳಾ..?

ರಶ್ಮಿಕಾ ಮೇಲೆ ತೆಲುಗು ಮಂದಿಗೆ ಲವ್

ತೆಲುಗು ಮತ್ತು ತಮಿಳು ಇಂಡಸ್ಟ್ರಿ ಬಹುತೇಕ ಒಂದೇ ಮನೆಯ ಎರಡು ಕೋಣೆ ಇದ್ದಂತೆ. ಅಲ್ಲಿನ ನಟಿಯರು ಇಲ್ಲಿ ಅಭಿನಯಿಸ್ತಾರೆ, ಇಲ್ಲಿನ ನಟಿಯರು ಅಲ್ಲಿ ಆಕ್ಟ್ ಮಾಡ್ತಾರೆ. ತಮನ್ನಾ, ಅನುಷ್ಕಾ, ಸಮಂತಾ, ಕಾಜಲ್ ಅಂತಹ ಸ್ಟಾರ್ ನಟಿಯರಿದ್ದಾರೆ. ಹೀಗಿದ್ದರೂ, ಕೊಡಗಿನ ಕುವರಿ ರಶ್ಮಿಕಾ ಮಂದಣ್ಣ ಕಂಡ್ರೆ ಟಾಲಿವುಡ್ ಮಂದಿಗೆ ಹೆಚ್ಚು ಲವ್ ಎನ್ನುವುದು ಪದೇ ಪದೇ ಸಾಬೀತಾಗುತ್ತಿದೆ.

ಮಹೇಶ್ ಬಾಬು ಜೊತೆ ರಶ್ಮಿಕಾ.!

'ಗೀತಾ ಗೋವಿಂದಂ' ಸಿನಿಮಾ ನೋಡಿ ಟಾಲಿವುಡ್ ಪ್ರಿನ್ಸ್ ಮಹೇಶ್ ಬಾಬು ಫಿದಾ ಆಗಿದ್ದರು. ಅದರಲ್ಲೂ ರಶ್ಮಿಕಾ ಅವರ ಅಭಿನಯಕ್ಕೆ ಮಹೇಶ್ ಬೋಲ್ಡ್ ಆಗಿದ್ದರು. ಇದೀಗ, ಅವರ ಚಿತ್ರದಲ್ಲೇ ಬಣ್ಣ ಹಚ್ಚುವ ಅವಕಾಶ ಪಡೆದುಕೊಂಡಿದ್ದಾರೆ ಎನ್ನಲಾಗಿದೆ.

ಸುಕುಮಾರ್ ಸಿನಿಮಾದಲ್ಲಿ ಮಂದಣ್ಣ.!

ಮಹೇಶ್ ಬಾಬು ಮತ್ತು ಸುಕುಮಾರ್ ಕಾಂಬಿನೇಷನ್ ನಲ್ಲಿ ಸೆಟ್ಟೇರಲಿರುವ ಹೊಸ ಚಿತ್ರಕ್ಕೆ ಕಿರಿಕ್ ಚೆಲುವೆ ರಶ್ಮಿಕಾ ಮಂದಣ್ಣ ನಾಯಕಿಯಾಗಿ ಆಯ್ಕೆಯಾಗಿದ್ದಾರೆ ಎನ್ನಲಾಗಿದೆ. ಸದ್ಯ, 'ಮಹರ್ಷಿ' ಚಿತ್ರ ಮುಗಿಸಿರುವ ಮಹೇಶ್ ಮುಂದಿನ ಸಿನಿಮಾವನ್ನ ಸುಕುಮಾರ್ ಜೊತೆ ಮಾಡ್ತಿದ್ದಾರೆ.

'ಚಲೋ' ನಾಯಕನ ಜೊತೆಯೂ ಚಿತ್ರ.!

ತೆಲುಗಿನಲ್ಲಿ ರಶ್ಮಿಕಾ ಅಭಿನಯಿಸಿದ್ದ ಮೊದಲ ಸಿನಿಮಾ 'ಚಲೋ'. ಈ ಚಿತ್ರದ ನಾಯಕ ನಾಗಶೌರ್ಯ ಈಗ ಇನ್ನೊಂದು ಸಿನಿಮಾ ಮಾಡ್ತಿದ್ದು, ಈ ಸಿನಿಮಾ ಕನ್ನಡದ ನಟಿ ರಶ್ಮಿಕಾ ಅವರನ್ನ ನಾಯಕಿಯನ್ನಾಗಿಸುವ ಪ್ರಯತ್ನ ಮಾಡಿದ್ದಾರಂತೆ. ಈ ಚಿತ್ರಕ್ಕೆ ಸುಕುಮಾರ್ ಸಹಾಯಕ ನಿರ್ದೇಶಕರೊಬ್ಬರು ಆಕ್ಷನ್ ಕಟ್ ಹೇಳಲಿದ್ದಾರೆ ಎನ್ನಲಾಗಿದೆ.

ಈ ಎರಡು ಸುದ್ದಿಗಳು ನಿಜಾನ, ಸುಳ್ಳಾ.?

ಒಂದು ಮಹೇಶ್ ಬಾಬು ಮತ್ತು ಸುಕುಮಾರ್ ಜೋಡಿಯ ಸಿನಿಮಾ ಮತ್ತೊಂದು ಸುಕುಮಾರ್ ಮತ್ತು ನಾಗಶೌರ್ಯ ಜೋಡಿಯ ಸಿನಿಮಾ. ಈ ಎರಡು ಚಿತ್ರಗಳಲ್ಲಿಯೂ ರಶ್ಮಿಕಾ ಅಭಿನಯಿಸುತ್ತಾರಾ ಎಂಬುದು ಈಗ ಕರ್ನಾಟಕದಲ್ಲಿ ಕಾಡುತ್ತಿರುವ ಕುತೂಹಲ.