ಮತ್ತೆ ಡೈರೆಕ್ಷನ್ ಗೆ ಸಿದ್ಧವಾದ ಉಪ್ಪಿ, ಸಂಕ್ರಾಂತಿಗೆ ಕೊಡ್ತಾರೆ ಬಂಪರ್.!

ಡೈರೆಕ್ಷನ್ ಕಡೆ ಆಸಕ್ತಿ ತೋರಿದ ಉಪ್ಪಿ

'ಉಪ್ಪಿ ರುಪ್ಪಿ', 'ಐ ಲವ್ ಯೂ' ಚಿತ್ರಗಳಲ್ಲಿ ಅಭಿನಯಿಸುತ್ತಿರುವ ಉಪೇಂದ್ರ ಅವರು ಈಗ ಡೈರಕ್ಷನ್ ಗೆ ಸಿದ್ಧತೆ ಮಾಡಿಕೊಳ್ಳುತ್ತಿದ್ದಾರಂತೆ. ಇಂತಹದೊಂದು ಸುದ್ದಿ ಈಗ ಸೋಶಿಯಲ್ ಮೀಡಿಯಾದಲ್ಲಿ ಚರ್ಚೆಯಾಗ್ತಿದೆ. ಇದು ಎಷ್ಟರ ಮಟ್ಟಿಗೆ ನಿಜವಾಗುತ್ತೋ ಕಾದು ನೋಡಬೇಕಿದೆ.

ಸಂಕ್ರಾಂತಿಗೆ ಬಂಪರ್.!

ಈ ವಿಷ್ಯವನ್ನ ಖುದ್ದು ಉಪೇಂದ್ರ ಅವರೇ ಸಂಕ್ರಾಂತಿ ಹಬ್ಬದ ವಿಶೇಷವಾಗಿ ಘೋಷಣೆ ಮಾಡಲಿದ್ದಾರೆ ಎಂಬ ಸುದ್ದಿಯೂ ಹರಿದಾಡುತ್ತಿದೆ. ಬಟ್, ಯಾವ ರೀತಿ ಸಿನಿಮಾ ಮಾಡಲಿದ್ದಾರೆ, ಯಾವಾಗ ಆರಂಭ, ಎಂಬ ಇನ್ನಿತರ ಪ್ರಶ್ನೆಗಳು ಈಗ ಕಾಡುತ್ತಿದೆ. ಇನ್ನು ಈ ವಿಷ್ಯದ ಬಗ್ಗೆ ಅಭಿಮಾನಿಗಳು ಕೂಡ ಥ್ರಿಲ್ ಆಗಿದ್ದಾರೆ. ಈ ಸುದ್ದಿ ನಿಜವಾಗಲಿ ಎಂದು ಕೇಳಿಕೊಳ್ಳುತ್ತಿದ್ದಾರೆ.

ಉಪ್ಪಿ-2 ನಂತರ...?

2015ರಲ್ಲಿ ಬಿಡುಗಡೆಯಾಗಿದ್ದ ಉಪ್ಪಿ-2 ಸಿನಿಮಾ, ರಿಯಲ್ ಸ್ಟಾರ್ ನಿರ್ದೇಶನದ ಕೊನೆಯ ಸಿನಿಮಾ. ಈ ಚಿತ್ರ ಬಿಡುಗಡೆಯಾಗಿ ಮೂರು ವರ್ಷ ಕಳೆಯುತ್ತಾ ಬಂದಿದೆ. ಅದಕ್ಕೂ ಮುಂಚೆ 2010ರಲ್ಲಿ 'ಸೂಪರ್' ಸಿನಿಮಾ ಮಾಡಿದ್ದರು. ಅಲ್ಲಿಗೆ ಐದು ವರ್ಷ ಅಂತರದ ನಂತರ 'ಉಪ್ಪಿ-2' ಆಗಿತ್ತು. ಈಗ ಮೂರು ವರ್ಷ ಆಗಿದೆ. ಬಹುಶಃ ಸ್ಟಾರ್ಟ್ ಮಾಡ್ತಾರೆ ಅಥವಾ ಬರಿ ಅಂತೆ-ಕಂತೆನಾ.?

ಉಪ್ಪಿ ನಿರ್ದೇಶನದ ಚಿತ್ರಗಳು.?

1991 ರಲ್ಲಿ 'ತರ್ಲೆ ನನ್ ಮಗ', 1993 ರಲ್ಲಿ 'ಶ್', 1995ರಲ್ಲಿ 'ಓಂ', 1995 ರಲ್ಲಿ 'ಆಪರೇಷನ್ ಅಂತ', 1998ರಲ್ಲಿ 'ಸ್ವಸ್ತಿಕ್', 1998ರಲ್ಲಿ 'ಎ', 1999ರಲ್ಲಿ 'ಉಪೇಂದ್ರ', 2010ರಲ್ಲಿ 'ಸೂಪರ್' ಹಾಗೂ 2015ರಲ್ಲಿ 'ಉಪ್ಪಿ 2', ಹೀಗೆ ಇಲ್ಲಿಯವರೆಗೂ ಸೂಪರ್ ಹಿಟ್ ಸಿನಿಮಾಗಳನ್ನೇ ನಿರ್ದೇಶನ ಮಾಡಿದ್ದಾರೆ. ಹೀಗಾಗಿ, ಉಪ್ಪಿ ಡೈರೆಕ್ಷನ್ ಅಂದ್ರೆ ಎಲ್ಲಾ ಅಭಿಮಾನಿಗಳು ಕಾದು ಕುಂತಿರುತ್ತಾರೆ.