Don't Miss!
- News Lok Sabha Election 2024: ಮತದಾನ ಮಾಡಿದವರಿಗೆ ಬೆಂಗಳೂರಿನ ಈ ಹೋಟೆಲ್ಗಳಲ್ಲಿ ಊಚಿತ ಊಟ & ತಿಂಡಿ-ಮಾಹಿತಿ
- Automobiles XUV300: ಮಹೀಂದ್ರಾ ಎಕ್ಸ್ಯುವಿ300 ಕಾರನ್ನು ನಿಮ್ಮ ಮನೆಗೆ ತರಬೇಕೇ.. ಆನ್-ರೋಡ್ ಬೆಲೆ ಎಷ್ಟು, EMI ಏನು?
- Finance ಲೋಕಸಭಾ ಚುನಾವಣೆ 2024: ಟಾಪ್ 10 ಶ್ರೀಮಂತ ಅಭ್ಯರ್ಥಿಗಳು ಇವರು
- Technology OnePlus: ಒನ್ಪ್ಲಸ್ ವಾಚ್ 2 ನಾರ್ಡಿಕ್ ಬ್ಲೂ ಆವೃತ್ತಿ ಲಾಂಚ್! ಬೆಲೆ ಎಷ್ಟು?
- Sports IPL 2024: ಮತ್ತೊಂದು ರೋಚಕ ಪಂದ್ಯದಲ್ಲಿ SRH vs RCB ಕದನ; ಪಂದ್ಯದ ವಿವರ, ಸಂಭಾವ್ಯ ಆಡುವ 11ರ ಬಳಗ
- Lifestyle ಮಲೆನಾಡ ಶೈಲಿನ ಮೃದುವಾದ ಕಡುಬು ಮಾಡೋದು ಹೇಗೆ.? ಸಿಂಪಲ್ ತಿಂಡಿ ರೆಸಿಪಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಚಿತ್ರೀಕರಣ ಮುಗಿವ ಮುಂಚೆಯೇ 150 ಕೋಟಿ ಲಾಭ ಮಾಡಿದ ವಿಜಯ್ ಸಿನಿಮಾ!
ತಮಿಳಿನ ಸ್ಟಾರ್ ನಟ ವಿಜಯ್ರ ಮಾರುಕಟ್ಟೆ ಮೌಲ್ಯ ಸಾಮಾನ್ಯದ್ದಲ್ಲ. 'ಕೆಜಿಎಫ್ 2' ಸಿನಿಮಾವನ್ನು ಎದುರು ಹಾಕಿಕೊಂಡು ತಮ್ಮ 'ಬೀಸ್ಟ್' ಸಿನಿಮಾ ಬಿಡುಗಡೆ ಮಾಡಿ ಸೋತಿದ್ದರೂ ಸಹ ವಿಜಯ್ರ ಮಾರುಕಟ್ಟೆ ಮೌಲ್ಯ ಒಂದಿನಿತೂ ಕುಸಿದಿಲ್ಲ. ಅವರ ಹೊಸ ಸಿನಿಮಾಕ್ಕೆ ಬಂದಿರುವ ನೂರಾರು ಕೋಟಿಯ ಆಫರ್ ಇದಕ್ಕೆ ಸಾಕ್ಷಿ.
ವಿಜಯ್ ಪ್ರಸ್ತುತ 'ವಾರಿಸು' ಹೆಸರಿನ ಸಿನಿಮಾದಲ್ಲಿ ನಟಿಸುತ್ತಿದ್ದು, ಸಿನಿಮಾದ 50% ಚಿತ್ರೀಕರಣವೂ ಪೂರ್ಣವಾಗಿಲ್ಲ. ಅದಾಗಲೇ ಸಿನಿಮಾಕ್ಕೆ 150 ಕೋಟಿ ಆಫರ್ ಬಂದಿದೆ. ಅದೂ ಚಿತ್ರಮಂದಿರ ಬಿಡುಗಡೆ ಹಕ್ಕಿನ ಹೊರತಾಗಿ!
'ವಾರಿಸು' ಸಿನಿಮಾದ ಒಟಿಟಿ ಬಿಡುಗಡೆ, ಸ್ಯಾಟಲೈಟ್, ಆಡಿಯೋ, ಡಿಜಿಟಲ್ ಹಕ್ಕುಗಳಿಗೆ 150 ಕೋಟಿ ಆಫರ್ ಅನ್ನು ನೀಡಲಾಗಿದ್ದು, ಡೀಲ್ ಅನ್ನು ನಿರ್ಮಾಪಕ ದಿಲ್ ರಾಜು ಅಂತ್ಯಗೊಳಿಸಿದ್ದಾರೆ ಎಂಬ ಮಾತುಗಳು ಸಹ ಕೇಳಿಬರುತ್ತಿವೆ.
ನಾನ್ ಥಿಯೇಟರಿಕಲ್ ಮಾತ್ರವೇ ಅಲ್ಲದೆ, ಈ ಸಿನಿಮಾದ ಹಿಂದಿ ಡಬ್ಬಿಂಗ್ ಹಕ್ಕುಗಳಿಗೂ ಭಾರಿ ಡಿಮ್ಯಾಂಡ್ ಇದೆಯಂತೆ. ಹಿಂದಿ ಡಬ್ಬಿಂಗ್ ನಿಂದಲೂ ಸುಮಾರು 50 ಕೋಟಿ ಗಳಿಸಲಿದ್ದಾರೆ ದಿಲ್ ರಾಜು. ಇದೆಲ್ಲದರ ಬಳಿಕ ಸಿನಿಮಾ ಬಿಡುಗಡೆ ಆದಮೇಲೆಯೂ ನೂರಾರು ಕೋಟಿ ಹಣ ಬಾಚುವ ಸಂಭವ ಇದೆ.
'ವಾರಿಸು' ಸಿನಿಮಾದಲ್ಲಿ ವಿಜಯ್ ಜೊತೆ ಕನ್ನಡತಿ ರಶ್ಮಿಕಾ ಮಂದಣ್ಣ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಈ ಸಿನಿಮಾವನ್ನು ವಂಶಿ ಪೈಡ್ತಪಲ್ಲಿ ನಿರ್ದೇಶನ ಮಾಡುತ್ತಿದ್ದಾರೆ. ಸಿನಿಮಾದ ಕತೆಯನ್ನು ಬಹುವಾಗಿ ಮೆಚ್ಚಿಕೊಂಡು ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ ನಟ ವಿಜಯ್.
'ವಾರಿಸು' ಸಿನಿಮಾದ ಬಳಿಕ ತಮಿಳಿನ ಜನಪ್ರಿಯ ನಿರ್ದೇಶಕ ಲೋಕೇಶ್ ಕನಕರಾಜ್ ನಿರ್ದೇಶನದ ಸಿನಿಮಾದಲ್ಲಿ ವಿಜಯ್ ನಟಿಸಲಿದ್ದಾರೆ. ಈ ಸಿನಿಮಾದಲ್ಲಿ ವಿಜಯ್ ಎದುರು ವಿಲನ್ ಆಗಿ ಬಾಲಿವುಡ್ನ ಸ್ಟಾರ್ ಸಂಜಯ್ ದತ್ ನಟಿಸಲಿರುವುದು ವಿಶೇಷ.