ದಿಶಾ ಪಠಾನಿ- ಟೈಗರ್‌ ಶ್ರಾಫ್ ಬ್ರೇಕಪ್‌ಗೆ ಮದುವೆ ಕಾರಣ!

ದೂರಾದ ಟೈಗರ್- ದಿಶಾ ಇಬ್ಬರೂ!

ಟೈಗರ್ ಶ್ರಾಫ್ ಹಾಗೂ ದಿಶಾ ಪಟಾನಿ ಇಬ್ಬರೂ ಬಹಳ ದಿನಗಳಿಂದ ಬೇರೆ ಬೇರೆಯಾಗಿದ್ದಾರೆ ಎಂದು ಬಾಲಿವುಡ್ ಮಾಧ್ಯಮಗಳು ವರದಿ ಮಾಡಿವೆ. ಈ ಇವರ ಬ್ರೇಕಪ್ ಸುದ್ದಿ ಬಾಲಿವುಡ್‌ನಲ್ಲಿ ನಡೆವುತ್ತಿರುವ ಬಿಸಿ ಬಿಸಿ ಚರ್ಚೆ. ಇಬ್ಬರೂ ತಮ್ಮ ಪ್ರೀತಿಯನ್ನು ಮುರಿದುಕೊಂಡಿದ್ದಾರೆ ಎನ್ನಲಾಗಿದೆ. ಅಲ್ಲದೆ ಕಳೆದ ಒಂದು ವರ್ಷದಿಂದ ಇಬ್ಬರ ಸಂಬಂಧದಲ್ಲಿ ಆಗಾಗ ಅಪಸ್ವರಗಳು ಹೇಳಿ ಬರುತ್ತಿದ್ದವು. ಕೆಲವು ವಾರಗಳ ಹಿಂದಷ್ಟೇ ಈ ಜೋಡಿ ಬೇರೆ ಬೇರೆಯಾಗಿದೆ ಅನ್ನೋ ಸುದ್ದಿ ಹರಿದಾಡಿದೆ.

ಮದುವೆ ಕಾರಣಕ್ಕೆ ಬ್ರೇಕಪ್!

ಬಾಲಿವುಡ್‌ನ ಈ ಮುದ್ದಾದ ಜೋಡಿ ಮುಂದೊಂದು ದಿನ ಮದುವೆ ಆಗುತ್ತೆ ಎನ್ನುವ ನಂಬಿಕೆ ಅಭಿಮಾನಿಗಳಿಗಿತ್ತು. ಆದರೆ ಮದುವೆ ಕಾರಣಕ್ಕೇನೆ ಈ ಜೋಡಿ ಈಗ ದೂರಾಗಿದೆಯಂತೆ. ಇವರ ಬ್ರೇಕಪ್ ಸುದ್ದಿ ಹೊರ ಬಂದ ಬಳಿಕ, ಯಾಕೆ ಈ ಜೋಡಿ ದೂರವಾಯ್ತು. ಅಂಥದ್ದು ಏನು ಆಗಿದೆ ಎನ್ನುವ ಚರ್ಚೆಗಳು ಹುಟ್ಟಿಕೊಂಡಿದ್ದವು. ಇದಕ್ಕೆ ಈಗ ಮದುವೆ ಎಂದು ಉತ್ತರ ಸಿಕ್ಕಿದೆ. ಇದು ಎಷ್ಟು ನಿಜವೋ ಗೊತ್ತಿಲ್ಲ. ಆದ್ರೆ ಮದುವೆ ಕಾರಣಕ್ಕೆ ದಿಶಾ ಪಟಾನಿ ಮತ್ತು ಟೈಗರ್ ಶ್ರಾಫ್ ದೂರ ಆಗಿದ್ದಾರೆ ಎನ್ನುವ ಸುದ್ದಿ ಹಬ್ಬಿದೆ.

ಟೈಗರ್ ಶ್ರಾಫ್‌ಗೆ ಈಗಲೇ ಮದುವೆ ಬೇಡ್ವಂತೆ!

ಬಾಲಿವುಡ್‌ನಲ್ಲಿ ವರದಿ ಆಗಿರುವ ಪ್ರಕಾರ ಈ ಜೋಡಿಯ ಬ್ರೇಕಪ್‌ಗೆ ಮುಖ್ಯ ಕಾರಣ ಟೈಗರ್ ಶ್ರಾಫ್ ಅಂತೆ. ದಿಶಾ ಪಟಾನಿ ಟೈಗರ್ ಶ್ರಾಫ್ ಜೊತೆಗೆ ಮದುವೆ ಆಗಲು ಹಲವು ವರ್ಷಗಳಿಂದ ಕಾಯುತ್ತಲಿದ್ದಾರಂತೆ. ಆದರೆ ಟೈಗರ್ ಶ್ರಾಫ್ ಮಾತ್ರ ಈಗಲೇ ಮದುವೆ ಮಾಡುಕೊಳ್ಳಲು ಸಿದ್ದರಿಲ್ಲವಂತೆ. ಈಗಾಗಲೇ ಹಲವು ಬಾರಿ ಟೈಗರ್ ಶ್ರಾಫ್ ಮದುವೆಯನ್ನು ಮುಂದಕ್ಕೆ ಹಾಕಿದ್ದಾಂತೆ. ಹಾಗಾಗಿ ಇದರಿಂದ ದಿಶಾಗೆ ಬೇಸರವಾಗಿದೆಯಂತೆ. ಮದುವೆ ಆಗುವ ವಿಚಾರಕ್ಕೇನೆ ಇವರ ಬ್ರೇಕಪ್ ಆಗಿದೆ ಎನ್ನಲಾತ್ತಿದೆ.

6 ವರ್ಷ ಪ್ರೀತಿಸಿದ್ದ ಜೋಡಿ!

ಬಾಲಿವುಡ್‌ನ ಫಿಟ್ಟೆಸ್ಟ್ ಆಕ್ಟರ್ ಟೈಗರ್ ಶ್ರಾಫ್. ಈ ನಟನ ಸ್ಟಂಟ್ಸ್‌ಗೆ ಮರುಳಾಗದವರು ಯಾರಿಲ್ಲ. ಹಾಗೇ ಬೋಲ್ಡ್ ಅಂಡ್ ಸ್ಲಿಮ್ ನಟಿಯರಲ್ಲಿ ದಿಶಾ ಪಟಾನಿ ಕೂಡ ಒಬ್ಬರು. ದಿಶಾ ಪಟಾನಿ ಹಾಗೂ ಟೈಗರ್ ಶ್ರಾಫ್ ಇಬ್ಬರೂ ಒಟ್ಟಿಗೆ ಹಲವು ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಕಳೆದ 6 ವರ್ಷಗಳಿಂದ ಎಲ್ಲೇ ಹೋದರೂ ಒಟ್ಟಿಗೆ ಹೋಗಿದ್ದೂ ಇದೆ. ಒಟ್ಟೊಟ್ಟಿಗೆ ಕಂಡಿದ್ದೂ ಇದೆ. ಇವರಿಬ್ಬರ ಈ ಲವ್ ಸ್ಟೋರಿಗೆ 6 ವರ್ಷ. 6 ವರ್ಷಗಳು ಪ್ರೀತಿಯಲ್ಲಿ ಇದ್ದ ಈ ಜೋಡಿ ಈ ಬ್ರೇಕಪ್ ಮಾಡಿಕೊಂಡು ದೂರಾಗಿದೆ.