ಮುಖಪುಟ

ಗಾಸಿಪ್

ತೆಲುಗು ನಟ ಪ್ರಭಾಸ್ ಕೈಯಲ್ಲಿ ನಾಲ್ಕು ಮೆಗಾ ಪ್ರಾಜೆಕ್ಟ್ ಇದೆ. ಅದರಲ್ಲಿ ಮೊದಲನೇ ಸಿನಿಮಾ 'ರಾಧೇ ಶ್ಯಾಮ್' ಬಿಡುಗಡೆಗೆ ಸಜ್ಜಾಗಿದೆ. ಪೂಜಾ ಹೆಗಡೆ ಮತ್ತು ಪ್ರಭಾಸ್ ನಟನೆಯ ಈ ಚಿತ್ರ ತೆಲುಗು, ಹಿಂದಿ, ತಮಿಳು ಹಾಗೂ ಕನ್ನಡದಲ್ಲಿ ತೆರೆಕಾಣುತ್ತಿದೆ.

ಈ ಚಿತ್ರವನ್ನು ಯುವಿ ಕ್ರಿಯೇಷನ್ಸ್ ನಿರ್ಮಾಣ ಮಾಡುತ್ತಿದ್ದು, ಪ್ರಭಾಸ್‌ಗೆ ಭಾರಿ ದೊಡ್ಡ ಸಂಭಾವನೆ ನೀಡಲಾಗಿದೆಯಂತೆ. ಟಾಲಿವುಡ್ ಮಾಧ್ಯಮಗಳು ವರದಿ ಮಾಡಿರುವ ಪ್ರಕಾರ 75-80 ಕೋಟಿ ಚಾರ್ಜ್ ಮಾಡಿದ್ದಾರೆ ಎನ್ನಲಾಗಿದೆ. ಇದರ ಜೊತೆಗೆ ಬಂದ ಲಾಭದಲ್ಲಿ ಶೇಕಡಾ 10 ರಷ್ಟು ಷೇರು ನೀಡಬೇಕು ಎಂಬ ಒಪ್ಪಂದವೂ ಇದೆಯಂತೆ.

''ಮುಂದಿನ ಪೀಳಿಗೆ ಉದ್ಧಾರಕ್ಕೆ ಸತ್ಯ ನುಡಿದೆ, ಅನುಭವಿಸಿ ಕನ್ನಡಕ್ಕೆ ಚಟ್ಟ ತಯಾರು''- ಜಗ್ಗೇಶ್

ರಾಮಾಯಣ ಆಧರಿತ ಆದಿಪುರುಷ್ ಹಾಗೂ ನಾಗ್ ಅಶ್ವಿನ್ ನಿರ್ದೇಶನ ಮಾಡುತ್ತಿರುವ ಚಿತ್ರಗಳಿಗೂ ದಾಖಲೆಯ ಸಂಭಾವನೆ ಪಡೆದಿದ್ದಾರೆ ಎಂದು ಹೇಳಲಾಗಿದೆ. ಈ ಮೂರು ಪ್ರಾಜೆಕ್ಟ್‌ನಿಂದ ಸುಮಾರು 300 ಕೋಟಿವರೆಗೂ ಪ್ರಭಾಸ್ ಸಂಭಾವನೆ ಪಡೆಯುತ್ತಿದ್ದಾರೆ ಎಂಬ ಮಾತಿದೆ.

ಇದೀಗ, ಕೆಜಿಎಫ್ ನಿರ್ದೇಶಕ ಪ್ರಶಾಂತ್ ನೀಲ್ ಜೊತೆ ಹೊಸ ಪ್ರಾಜೆಕ್ಟ್ ಘೋಷಣೆ ಮಾಡಿದ್ದಾರೆ. ಹೊಂಬಾಳೆ ಫಿಲಂಸ್ ಸಂಸ್ಥೆ (ಕೆಜಿಎಫ್ ನಿರ್ಮಾಪಕರ) ಈ ಚಿತ್ರ ನಿರ್ಮಿಸುತ್ತಿದ್ದಾರೆ. ಪ್ರಭಾಸ್ ಅವರಿಗೆ ಈ ಚಿತ್ರಕ್ಕಾಗಿ ಎಷ್ಟು ಸಂಭಾವನೆ ಕೊಟ್ಟಿರಬಹುದು ಎಂಬ ಕುತೂಹಲ ಗಾಂಧಿನಗರದ ಮಂದಿಯನ್ನು ಕಾಡುತ್ತಿದೆ.

ಪ್ರಶಾಂತ್ ನೀಲ್ - ಪ್ರಭಾಸ್ ಹೊಸ ಸಿನಿಮಾದ ವಿರುದ್ಧ ಕನ್ನಡ ಪ್ರೇಕ್ಷಕರ ಆಕ್ರೋಶ

ಈ ಹಿಂದಿನ ವರದಿಯಂತೆ ಪ್ರಭಾಸ್ ಸಂಭಾವನೆ 80 ರಿಂದ 100 ಕೋಟಿವರೆಗೂ ಇದೆ ಎನ್ನುವುದೇ ಸತ್ಯವಾದರೇ, ಸಲಾರ್ ಚಿತ್ರಕ್ಕಾಗಿ ಯಂಗ್ ರೆಬಲ್ ಪಡೆದ ಹಣ ಎಷ್ಟು ಎನ್ನುವುದನ್ನು ಊಹಿಸಬಹುದು. ಈ ಲೆಕ್ಕಾಚಾರ ಸ್ಯಾಂಡಲ್‌ವುಡ್ ಮಂದಿಯನ್ನು ಬೆರಗುಗೊಳಿಸಿದೆ.

ಇನ್ನುಳಿದಂತೆ ಜನವರಿ ತಿಂಗಳಿನಿಂದ ಸಲಾರ್ ಚಿತ್ರೀಕರಣ ಸಹ ಆರಂಭವಾಗಲಿದೆ ಎಂದು ನಿರ್ಮಾಪಕರು ತಿಳಿಸಿದ್ದಾರೆ.