12 ವರ್ಷಗಳ ಬಳಿಕ ದರ್ಶನ್ ಗೆ ರಮ್ಯಾ ಜೋಡಿ ?

ಮದಕರಿಯ ರಾಣಿ

ನಟ ದರ್ಶನ್ ಅವರ 'ಗಂಡುಗಲಿ ಮದಕರಿ ನಾಯಕ' ಸಿನಿಮಾ ಅನೇಕ ವಿಚಾರಗಳಿಗೆ ಈಗ ಹೆಚ್ಚು ಸುದ್ದಿ ಮಾಡುತ್ತಿದೆ. ಜೊತೆಗೆ ಈ ಚಿತ್ರದ ನಾಯಕಿಯ ಬಗ್ಗೆ ಈಗ ಕುತೂಹಲ ಹುಟ್ಟಿದೆ. ಈ ಸಿನಿಮಾದಲ್ಲಿ ಮದಕರಿಯ ರಾಣಿಯಾಗಿ ರಮ್ಯಾ ನಟಿಸುತ್ತಾರೆ ಎನ್ನುವ ಮಾತುಗಳು ಕೇಳಿ ಬರುತ್ತಿದೆ.

12 ವರ್ಷಗಳ ನಂತರ

ನಟ ದರ್ಶನ್ ಹಾಗೂ ರಮ್ಯಾ ಮೊದಲ ಬಾರಿಗೆ ಒಟ್ಟಿಗೆ ನಟಿಸಿದ್ದು, 'ದತ್ತ' ಸಿನಿಮಾದಲ್ಲಿ. ಆ ಸಿನಿಮಾ 2006ರಲ್ಲಿ ತೆರೆಗೆ ಬಂದಿತ್ತು. ಇದೀಗ 12 ವರ್ಷಗಳ ನಂತರ ಮತ್ತೆ ದರ್ಶನ್ ಮತ್ತು ರಮ್ಯಾ ಒಟ್ಟಿಗೆ ಸಿನಿಮಾ ಮಾಡುತ್ತಾರ ಎನ್ನುವ ನಿರೀಕ್ಷೆ ಹುಟ್ಟಿಕೊಂಡಿದೆ.

ಉತ್ತಮ ಆಯ್ಕೆ

ನಟಿ ರಮ್ಯಾ ಕಮ್ ಬ್ಯಾಕ್ ಸಿನಿಮಾ ಆಗಲು ಇದೊಂದು ಒಳ್ಳೆಯ ಅವಕಾಶ. ಇದೊಂದು ಐತಿಹಾಸಿಕ ಸಿನಿಮಾವಾಗಿದ್ದು, ರಮ್ಯಾ ಪಾತ್ರಕ್ಕೂ ಕೂಡ ಪ್ರಾಮುಖ್ಯತೆ ಇರಬಹುದು. ಒಂದು ಒಳ್ಳೆಯ ಪಾತ್ರದ ಮೂಲಕ ರಮ್ಯಾ ಮತ್ತೆ ಸೆಕೆಂಡ್ ಇನ್ನಿಂಗ್ಸ್ ಶುರು ಮಾಡಬಹುದು. ಅಲ್ಲದೆ, 'ನಾಗರಹಾವು' ನಂತರ ರಮ್ಯಾ ನಟಿಸುತ್ತಿರುವ ಸಿನಿಮಾ ಇದಾಗಲಿದೆ.

ಯಾವುದು ಅಂತಿಮ ಆಗಿಲ್ಲ

ರಮ್ಯಾ ಸಿನಿಮಾದಲ್ಲಿ ನಟಿಸುತ್ತಾರ ಇಲ್ವಾ ಎನ್ನುವ ಬಗ್ಗೆ ಇನ್ನೂ ಚಿತ್ರತಂಡದಿಂದ ಯಾವುದೇ ಅಧಿಕೃತ ಮಾಹಿತಿ ಹೊರ ಬಂದಿಲ್ಲ. ಹಾಗೆನಾದರೂ, ರಮ್ಯಾ ಈ ಚಿತ್ರದಲ್ಲಿ ನಟಿಸಿದರೆ ನಿಜಕ್ಕೂ ಅವರ ಅಭಿಮಾನಿಗಳಿಗೆ ಸಖತ್ ಸಂತೋಷ ಆಗುತ್ತದೆ.

ರಾಕ್‌ ಲೈನ್ ನಿರ್ಮಾಣದ ಅದ್ದೂರಿ ಸಿನಿಮಾ

ಈ ಸಿನಿಮಾವನ್ನು ರಾಕ್ ಲೈನ್ ವೆಂಕಟೇಶ್ ನಿರ್ಮಾಣ ಮಾಡುತ್ತಿದ್ದಾರೆ. ರಾಜೇಂದ್ರ ಸಿಂಗ್ ಬಾಬು ಸಿನಿಮಾದ ನಿರ್ದೇಶನ ಮಾಡುತ್ತಿದ್ದಾರೆ. ಇದೊಂದು ದೊಡ್ಡ ಬಜೆಟ್ ನ ಸಿನಿಮಾವಾಗಿದ್ದು, ಚಿತ್ರ ದರ್ಶನ್ ಕೆರಿಯರ್ ನ ಪ್ರಮುಖ ಚಿತ್ರಗಳ ಪೈಕಿ ಒಂದಾಗಲಿದೆಯಂತೆ.

ಒಂದೇ ರೀತಿಯ ಚಿತ್ರದ ಹಿಂದೆ ದರ್ಶನ್, ಸುದೀಪ್

ಒಂದು ಕಡೆ ದರ್ಶನ್ ಮದಕರಿ ನಾಯಕರ ಬಗ್ಗೆ ಸಿನಿಮಾ ಮಾಡುತ್ತಿದ್ದರೆ, ಅತ್ತ ಸುದೀಪ್ ಕೂಡ ದುರ್ಗದ ಹುಲಿ ಬಗ್ಗೆ ಸಿನಿಮಾ ಮಾಡುತ್ತಿದ್ದಾರೆ. ಈ ಬಗ್ಗೆ ಈಗಾಗಲೇ ನಿರ್ಮಾಪಕ ರಾಕ್ ಲೈನ್ ವೆಂಕಟೇಶ್ ಹಾಗೂ ಸುದೀಪ್ ಮಾತುಕತೆ ನಡೆಸಿದ್ದು, ಇಬ್ಬರ ಕಥೆಯಲ್ಲಿ ವ್ಯತ್ಯಾಸ ಇರಲಿದೆಯಂತೆ.