'KGF 2' ಅಪ್ ಡೇಟ್: ಈ ಎರಡು ದೃಶ್ಯ ಸೇರಿದಂತೆ 25 ದಿನಗಳ ಶೂಟಿಂಗ್ ಬಾಕಿ?

25 ದಿನಗಳ ಶೂಟಿಂಗ್, 2 ಆಕ್ಷನ್ ದೃಶ್ಯ ಭಾಕಿ

ಕೆಜಿಎಫ್-2 ಸಿನಿಮಾದ ಪ್ರಮುಖ ಭಾಗದ ಚಿತ್ರೀಕರಣ ಮುಕ್ತಾಯವಾಗಿದೆ. ಆದರೆ ಇನ್ನೂ 25 ದಿನಗಳ ಚಿತ್ರೀಕರಣ ಬಾಕಿ ಇದೆಯಂತೆ. ಇದರಲ್ಲಿ 2 ಆಕ್ಷನ್ ದೃಶ್ಯಗಳಗಳನ್ನು ಚಿತ್ರೀಕರಣ ಮಾಡಬೇಕಂತೆ. ಒಂದು ಆಕ್ಷನ್ ದೃಶ್ಯ ಯಶ್ ಮತ್ತು ಸಂಜಯ್ ದತ್ ನಡುವಿನ ಫೈಟಿಂಗ್ ದೃಶ್ಯ ಸಹ ಇದೆಯಂತೆ.

ಕೆಜಿಎಫ್ ಚಾಪ್ಟರ್ 2 ಡಿಜಿಟಲ್ ಹಕ್ಕಿಗೆ ಭಾರಿ ಮೊತ್ತದ ಆಫರ್ ಕೊಟ್ಟ ಅಮೆಜಾನ್?

98ರಷ್ಟು ಟಾಕಿ ಭಾಗ ಮುಕ್ತಾಯ

ಈಗಾಗಲೇ ಬಹುತೇಕ ಚಿತ್ರೀಕರಣ ಮುಗಿಸಿರುವ ಚಿತ್ರತಂಡ 98ರಷ್ಟು ಟಾಗಿ ಭಾಗ ಮುಗಿಸಿದೆ. ಉಳಿದ ಚಿತ್ರೀಕರಣವನ್ನು ಕರ್ನಾಟಕದಲ್ಲಿಯೆ ಚಿತ್ರೀಕರಣ ಮಾಡಲು ಚಿತ್ರತಂಡ ಪ್ಲಾನ್ ಮಾಡಿದೆ. ಈ ಬಗ್ಗೆ ಮಾಹಿತಿಯನ್ನು ಯಶ್ ಅಭಿಮಾನಿ ಬಳಗ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ. ಈ ಮಾಹಿತಿ ವೈರಲ್ ಆಗುತ್ತಿದೆ.

ಕೊರೊನಾ ಕಾಟದಿಂದ KGF-2 ರಿಲೀಸ್ ಮುಂದಕ್ಕೆ?

ಕೊರೊನಾ ವೈರಸ್ ಅಟ್ಟಹಾಸದ ಪರಿಣಾಮ ಸಿನಿಮಾ ರಿಲೀಸ್ ಮುಂದಕ್ಕೆ ಹೋಗುವ ಸಾಧ್ಯತೆ ಇದೆ ಎಂದು ಹೇಳಲಾಗುತ್ತಿದೆ. ಇನ್ನೂ 25 ದಿನಗಳ ಚಿತ್ರೀಕರಣ ಬಾಕಿ ಇದೆ. ಒಂದು ವೇಳೆ ಲಾಕ್ ಡೌನ್ ಮುಗಿದರು ಚಿತ್ರೀಕರಣಕ್ಕೆ ಅನುಮತಿ ಸಿಗುವುದು ಅನುಮಾನ. ಹಾಗಾಗಿ ಚಿತ್ರೀಕರಣ ತಡವಾಗುವ ಸಾಧ್ಯತೆ ಇದೆ. ಇದರಿಂದ ರಿಲೀಸ್ ಮಂದಕ್ಕೆ ಹೋಗುವುದು ಬಹುತೇಕ ಖಚಿತ ಎನ್ನುವ ಮಾತುಗಳು ಕೇಳಿ ಬರುತ್ತಿದೆ.

ಯಶ್ ಜತೆ ಮುಂದಿನ ಸಿನಿಮಾ ಸುದ್ದಿ: ನಿರ್ದೇಶಕ ನರ್ತನ್ ಹೇಳಿದ್ದೇನು?

ಡಿಸೆಂಬರ್ ನಲ್ಲಿ ರಿಲೀಸ್?

ಕೆಜಿಎಫ್-2 ಸಿನಿಮಾ ಅಕ್ಟೋಬರ್ ಬದಲು ಡಿಸೆಂಬರ್ ನಲ್ಲಿ ತೆರೆಗೆ ಬರಲಿದೆ ಎಂದು ಮೂಲಗಳು ಹೇಳುತ್ತಿವೆ. ಡಿಸೆಂಬರ್ ಅಂದರೆ ಕ್ರಿಸ್ ಮಸ್ ಸಮಯದಲ್ಲಿ ಕೆಜಿಎಫ್-2 ಬಿಡುಗಡೆಯಾಗಲಿದೆ ಎನ್ನುವ ಮಾತುಗಳು ಕೇಳಿ ಬರುತ್ತಿವೆ. ಆದರೆ ಈ ಬಗ್ಗೆ ಚಿತ್ರತಂಡ ಯಾವುದೆ ಅಧಿಕೃತ ಮಾಹಿತಿ ಬಹಿರಂಗ ಪಡಿಸಿಲ್ಲ.

ಕೆಜಿಎಫ್-1 ಡಿಸೆಂಬರ್ ಗೆ ರಿಲೀಸ್ ಆಗಿತ್ತು

ಕೆಜಿಎಫ್-1 ಸಹ ಡಿಸೆಂಬರ್ ಗೆ ರಿಲೀಸ್ ಆಗಿತ್ತು. ಡಿಸೆಂಬರ್ 20ಕ್ಕೆ ಕೆಜಿಎಫ್ ದಕ್ಷಿಣ ಭಾರತೀಯ ಭಾಷೆಗಳ ಜೊತೆಗೆ ಬಾಲಿವುಡ್ ನಲ್ಲಿಯೂ ಬಿಡುಗಡೆಯಾಗಿತ್ತು. ರಾಕಿ ಭಾಯ್ ಅಬ್ಬರಕ್ಕೆ ಸಿನಿಪ್ರಿಯರು ದಂಗಾಗಿದ್ದರು. ಈಗ ಪಾರ್ಟ್-2 ಮೂಲಕ ಮೂರು ವರ್ಷಗಳ ಬಳಿಕ ಮತ್ತೆ ಡಿಸೆಂಬರ್ ನಲ್ಲಿಯೇ ಅಭಿಮಾನಿಗಳ ಮುಂದೆ ಬರುವ ಸಾಧ್ಯತೆ ಹೆಚ್ಚಿದೆ.