KGF 2 Day 1 Box Office Collection: ಅಚ್ಚರಿಗೊಳಿಸುತ್ತೆ ಮೊದಲ ದಿನದ ಬಾಕ್ಸಾಫೀಸ್ ಕಲೆಕ್ಷನ್ ಲೆಕ್ಕಾಚಾರ!

'ಕೆಜಿಎಫ್ 2' ಮೊದಲ ದಿನದ ಕಲೆಕ್ಷನ್ 90 ಕೋಟಿ!

'ಕೆಜಿಎಫ್ 2' ಚಿತ್ರದ ಹವಾ ಜೋರಾಗಿದೆ. ಚಿತ್ರದ ರಿಲೀಸ್‌ಗಿಂತಲೂ ಹೆಚ್ಚಾಗಿ, ಚಿತ್ರದ ಮೊದಲ ದಿನದ ಕಲೆಕ್ಷನ್ ಬಗ್ಗೆ ಹೆಚ್ಚು ಸುದ್ದಿ ಆಗುತ್ತಾ ಇದೆ. ಈ ಚಿತ್ರದ ಗಳಿಕೆ ಮೇಲೆ ಎಲ್ಲರ ಕಣ್ಣಿದೆ. ಸದ್ಯ ಟ್ರೇಡ್ ವಿಶ್ಲೇಷಕರ ಪ್ರಕಾರ 'ಕೆಜಿಎಫ್ 2' ಮೊದಲ ದಿನ ಎಷ್ಟು ಗಳಿಕೆ ಆಗಲಿದೆ ಎನ್ನುವ ಅಂದಾಜಿನ ಲೆಕ್ಕಾಚಾರ ಹೊರ ಬಿದ್ದಿದೆ. 'ಕೆಜಿಎಫ್ 2' ಮೊದಲ ದಿನ ಭಾರತದಾದ್ಯಂತ 90 ಕೋಟಿ ರೂ. ಗಳಿಕೆ ಮಾಡಲಿದೆ ಎನ್ನಲಾಗಿದೆ.

ಭಾರತದಲ್ಲಿ ಮಾತ್ರ 90 ಕೋಟಿ, ವಿಶ್ವಾದ್ಯಂತ ಇನ್ನೆಷ್ಟು?

ಸದ್ಯದ ಮಾಹಿತಿ ಪ್ರಕಾರ 'ಕೆಜಿಎಫ್ 2' ಚಿತ್ರ ಭಾರತದಾತ್ಯಂತ 90 ಕೋಟಿಯ ಗಡಿ ಮುಟ್ಟಲಿದೆ ಎನ್ನಲಾಗಿದೆ. ಆದರೆ ವಿಶ್ವದ ಲೆಕ್ಕಾಚಾರ ತೆಗೆದುಕೊಂಡರೆ 100 ಕೋಟಿಯ ಗಡಿ ದಾಟುವುದು ಪಕ್ಕಾ ಎನ್ನಲಾಗುತ್ತಿದೆ. ಯಾಕೆಂದರೆ 'ಕೆಜಿಎಫ್ 2' ವಿಶ್ವಾದ್ಯಂತ ಹಲವು ದೇಶಗಳಲ್ಲಿ ತೆರೆಗೆ ಬರುತ್ತಿದೆ. ಹಾಗಾಗಿ ಈ ಚಿತ್ರದ ಮೊದಲ ದಿನದ ಒಟ್ಟಾರೆ ಗಳಿಕೆ 100 ಕೋಟಿಗೂ ಅಧಿಕ ಆಗಲಿದೆ.

ಹಿಂದಿ ಬಾಕ್ಸಾಫೀಸ್ ಚಿಂದಿ ಮಾಡಲಿದೆ 'ಕೆಜಿಎಫ್ 2'!

'ಕೆಜಿಎಫ್ 2' ಚಿತ್ರ ಸೌತ್‌ನಲ್ಲಿ ಒಂದು ರೀತಿಯ ಕ್ರೇಜ್ ಹುಟ್ಟು ಹಾಕಿದರೆ, ಸೌತ್‌ನಲ್ಲಿ ಮತ್ತೊಂದು ರೀತಿಯ ಕ್ರೇಜ್ ಹುಟ್ಟು ಹಾಕಿದೆ. ಹಿಂದಿಯಲ್ಲಿ ಈ ಚಿತ್ರಕ್ಕೆ ಹೆಚ್ಚಿನ ಕ್ರೇಜ್ ಇದೆ. ಹಿಂದಿ ಪ್ರೇಕ್ಷಕರು ಕೆಜಿಎಫ್‌ಗೆ ಮರುಳಾಗಿದ್ದಾರೆ. ಹಾಗಾಗಿ ನಾರ್ತ್‌ನಲ್ಲಿ ಚಿತ್ರ ಉತ್ತಮ ಕಲೆಕ್ಷನ್ ಮಾಡುವ ಭರವಸೆ ಇದೆ. ಇನ್ನು ಹಿಂದಿಯಲ್ಲೇ ಪ್ರತ್ಯೇಕವಾಗಿ 'ಕೆಜಿಎಫ್ 2' ಕೋಟಿ, ಕೋಟಿ ಬಾಚುವುದರಲ್ಲಿ ಅನುಮಾನ ಇಲ್ಲ.

ಏಪ್ರಿಲ್ 14ಕ್ಕೆ ರಾಕಿ ಭಾಯ್ ಎಂಟ್ರಿ!

ಈ ಎಲ್ಲಾ ಲೆಕ್ಕಾಚಾರಗಳಿಗೂ ಏಪ್ರಿಲ್ 14ಕ್ಕೆ ಉತ್ತರ ಸಿಗಲಿದೆ. ಚಿತ್ರ ರಿಲೀಸ್ ಆದ ಬಳಿಕ ಮೊದಲ ದಿನ ಎಷ್ಟು ಲೂಟಿ ಮಾಡಿದೆ ಎನ್ನುವ ಲೆಕ್ಕಾಚಾರ ಹೊರ ಬೀಳಲಿದೆ. 90 ಕೋಟಿ ಎನ್ನುವುದು ಕೇವಲ ನಿರೀಕ್ಷೆ ಮಾತ್ರ. ಆದರೆ ಚಿತ್ರದ ಅಸಲಿ ಗಳಿಕೆ ಎಷ್ಟು, ಬಾಕ್ಸಾಫೀಸ್‌ನಲ್ಲಿ ರಾಕಿ ಬರೆಯುವ ದಾಖಲೆ ಏನು ಎನ್ನುವುದು ಏಪ್ರಿಲ್ 14ಕ್ಕೆ ಗೊತ್ತಾಗಲಿದೆ.