'ಕೆಜಿಎಫ್' ನಂತರ ತಮಿಳಿನಲ್ಲಿ ಯಶ್ ಗಾಗಿ ತಯಾರಾಗಿದೆ ಮೆಗಾ ಸಿನಿಮಾ.!

'ದಿ ಹೈವೇ ಮಾಫಿಯಾ'ದಲ್ಲಿ ಯಶ್.!

ಸುಚಿತ್ರಾ ರಾವ್ ಬರೆದಿರುವ 'ದಿ ಹೈವೇ ಮಾಫಿಯಾ' ಕಾದಂಬರಿ ಸಿನಿಮಾ ಆಗ್ತಿದ್ದು, ಈ ಚಿತ್ರದ ಕನ್ನಡ ವರ್ಷನ್ ನಲ್ಲಿ ರಾಕಿಂಗ್ ಸ್ಟಾರ್ ಯಶ್ ನಾಯಕರನ್ನಾಗಿಸುವ ತೀರ್ಮಾನಕ್ಕೆ ಬಂದಿದ್ದಾರಂತೆ ಚಿತ್ರತಂಡದವರು.

ಗೋ ಕಳ್ಳ ಸಾಗಾಣಿಕೆ ಸಿನಿಮಾ

ಅಂದ್ಹಾಗೆ, 'ದಿ ಹೈವೇ ಮಾಫಿಯಾ' ಕಾದಂಬರಿ ಗೋವುಗಳನ್ನ ಕಳ್ಳ ಸಾಗಣಿಕೆ ಮಾಡುವ ಮಾಫಿಯಾ ಕುರಿತು ಬರೆದಿರುವ ಪುಸ್ತಕ. ಉದ್ಯಮಿ ಅರ್ಜುನ್ ಕೃಷ್ಣನ್ ಮತ್ತು ಹೆದ್ದಾರಿಯಲ್ಲಿ ಗೋ ಕಳ್ಳ ಸಾಗಣಿಕೆ ಮಾಡೋರ ವಿರುದ್ಧ ನಡೆಯುವ ಭಯಾನಕ ಕಥೆ ಇದಾಗಿದ್ದು, ಅರ್ಜುನ್ ಕೃಷ್ಣನ್ ಪಾತ್ರಕ್ಕೆ ಯಶ್ ಅವರನ್ನ ಕರೆತರುವ ಪ್ರಯತ್ನಕ್ಕೆ ಮುಂದಾಗಲಿದೆ ಚಿತ್ರತಂಡ.

ತಮಿಳಿನಲ್ಲಿ ವಿಜಯ್.?

ಅಂದ್ಹಾಗೆ, ದಿ ಹೈವೇ ಮಾಫಿಯಾ ಕುರಿತ ಸಿನಿಮಾದ ತಮಿಳು ಅವತರಣಿಕೆಯಲ್ಲಿ ಸ್ಟಾರ್ ನಟ ವಿಜಯ್ ಅಭಿನಯಿಸಬಹುದು ಎನ್ನಲಾಗುತ್ತಿದೆ. ಈಗಾಗಲೇ ಈ ಬಗ್ಗೆ ವಿಜಯ್ ಜೊತೆ ಚರ್ಚೆ ಕೂಡ ಆಗಿದೆಯಂತೆ.

ತೆಲುಗಿನಲ್ಲಿ ಮಹೇಶ್ ಬಾಬು?

ಕನ್ನಡದಲ್ಲಿ ಯಶ್, ತಮಿಳಿನಲ್ಲಿ ವಿಜಯ್ ಮಾಡಬೇಕಿರುವ ಪಾತ್ರವನ್ನ ತೆಲುಗಿನಲ್ಲಿ ಮಹೇಶ್ ಬಾಬು ಮಾಡಿದ್ರೆ ಸೂಕ್ತ ಎಂಬ ತೀರ್ಮಾನಕ್ಕೆ ಚಿತ್ರತಂಡ ಬಂದಿದೆ. ಇನ್ನು ಹಿಂದಿಯಲ್ಲಿ 'ಧೋನಿ' ಸಿನಿಮಾ ಮಾಡಿದ್ದ ಸುಶಾಂತ್ ಸಿಂಗ್ ರಜಪೂತ್ ಕಾಣಿಸಿಕೊಳ್ಳುವ ಸಾಧ್ಯತೆ ಇದೆಯಂತೆ.

'ಚಾಪ್ಟರ್-2' ನಂತರವೇ ಎಲ್ಲ.!

ಸ್ವತಃ ಯಶ್ ಅವರು ಹೇಳಿರುವ ಪ್ರಕಾರ, ಸದ್ಯಕ್ಕೆ ಕೆಜಿಎಫ್ ಚಾಪ್ಟರ್ 2 ಸಿನಿಮಾ ಬಗ್ಗೆ ಹೆಚ್ಚು ಗಮನ ನೀಡಲಾಗ್ತಿದೆ. ಅದನ್ನ ಬಿಟ್ಟರೇ ಬೇರೆ ಯಾವ ಸಿನಿಮಾಗೂ ಓಕೆ ಎಂದಿಲ್ಲ. ಬಟ್, ಪರಭಾಷೆಯಿಂದ ಆಫರ್ ಗಳು ಬರ್ತಿದೆ, ಕಾದು ಮಾಡೋಣ ಅಂತಿದ್ದಾರೆ ಎಂದು ಯಶ್ ಹೇಳಿದ್ದರು. ಬಹುಶಃ ಈ ಚಿತ್ರದಲ್ಲಿ ದಿ ಹೈವೇ ಮಾಫಿಯಾ ಕೂಡ ಇರಬಹುದು.