Don't Miss!
- News ನಾಲ್ಕು ಗೋಡೆಗಳ ಮಧ್ಯೆ ಆಗಿರುವ ಚರ್ಚೆ ಬಹಿರಂಗವಾಗಿ ಹೇಳೋದಕ್ಕೆ ಆಗಲ್ಲ: ಎಂ.ಪಿ.ರೇಣುಕಾಚಾರ್ಯ ಹೀಗೆ ಹೇಳಿದ್ಯಾಕೆ?
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Lifestyle ವಿಭಿನ್ನ ಶೈಲಿಯಲ್ಲಿ ಮೊಟ್ಟೆ ಸಾಂಬಾರ್ ಮಾಡಿ..! ಇಲ್ಲಿದೆ ಸಿಂಪಲ್ ಅಡುಗೆ
- Sports IPL 2024: ಕೆಕೆಆರ್ ವಿರುದ್ಧದ ಪಂದ್ಯಕ್ಕೂ ಮುನ್ನ ಕ್ರಿಕೆಟ್ ಬಿಟ್ಟು ಆರ್ಸಿಬಿ ಆಟಗಾರರು ಮಾಡಿದ್ದೇನು?
- Automobiles Hyundai Creta: ಜನಪ್ರಿಯ ಹ್ಯುಂಡೈ ಕ್ರೆಟಾ ಕಾರನ್ನು ಮನೆಗೆ ತರಬೇಕೇ.. ಆನ್-ರೋಡ್ ಬೆಲೆ ಎಷ್ಟು? EMI ಏನು?
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಚೂರು ಯಾಮಾರಿದ್ರೆ, ಹಾಲಿವುಡ್ ನಲ್ಲಿ 'ಮಾಸ್ತಿಗುಡಿ' ಮಾದರಿ ದುರಂತ.!
ಕಳೆದ ತಿಂಗಳಿನಲ್ಲಷ್ಟೇ ಸಂಭವಿಸಿದ್ದ 'ಮಾಸ್ತಿಗುಡಿ' ಚಿತ್ರದ ದುರಂತವನ್ನ ಯಾರು ತಾನೆ ಮರೆಯೋಕಾಗುತ್ತೆ. ತಿಪ್ಪಗೊಂಡನಹಳ್ಳಿ ಕೆರೆಯಲ್ಲಿ 'ಮಾಸ್ತಿಗುಡಿ' ಚಿತ್ರದ ಕ್ಲ್ಯೈಮ್ಯಾಕ್ಸ್ ಚಿತ್ರೀಕರಣ ಮಾಡುತ್ತಿದ್ದಾಗ ಚಾಪರ್ ನಿಂದ ನೀರಿಗೆ ಹಾರಿ ಖಳನಟ ಅನಿಲ್ ಮತ್ತು ಉದಯ್, ತಮ್ಮ ಜೀವವನ್ನೇ ಕಳೆದುಕೊಂಡಿದ್ದರು. ಚೂರು ಮಿಸ್ ಆಗಿದ್ರೆ ಇಂತಹದ್ದೇ ದುರ್ಘಟನೆಗೆ ಹಾಲಿವುಡ್ ಕೂಡ ಸಾಕ್ಷಿಯಾಗಬೇಕಿತ್ತು.
ಹೌದು, ಅಪ್ಪಿ-ತಪ್ಪಿ ಸುರಕ್ಷತಾ ಕ್ರಮಗಳನ್ನು ಸರಿಯಾಗಿ ಪಾಲಿಸದೇ ಹೋಗಿದ್ದರೆ 'ಮಾಸ್ತಿಗುಡಿ' ಚಿತ್ರದ ದುರಂತದಂತೆ ಹಾಲಿವುಡ್ ನಲ್ಲೂ ಒಂದು ದುರ್ಘಟನೆ ನಡೆದು ಹೋಗುತ್ತಿತ್ತು. ಆದ್ರೆ, ಅದೃಷ್ಟವಶಾತ್ ಕೂದಲೆಳೆ ಅಂತರದಿಂದ ಹಾಲಿವುಡ್ ನಟಿ ರೂಬಿ ರೋಸ್ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ.['ಮಾಸ್ತಿ ಗುಡಿ' ಖಳನಟರ ದುರಂತ ಸಾವು: ದುರ್ಘಟನೆಯ ಸಂಪೂರ್ಣ ವಿವರ]
ರೂಬಿ ರೋಸ್ ಅಭಿನಯದ 'ಮೆಗ್' ಚಿತ್ರದ ಚಿತ್ರೀಕರಣದ ವೇಳೆ ನೀರಿಗೆ ಧುಮುಕಿದ ರೂಬಿ ರೋಸ್ ಅಪಾಯಕ್ಕೆ ಸಿಲುಕಿದರು. ನೀರಿನಲ್ಲಿ ಆತಂಕಗೊಂಡವರಂತೆ ರೂಬಿ ರೋಸ್ ನಟಿಸಬೇಕಿತ್ತು. ಆದ್ರೆ, ರೂಬಿ ರೋಸ್ ರವರ ಆತಂಕ ಕಂಡು ಚಿತ್ರತಂಡದವರು 'ಅದ್ಭುತ ಆಕ್ಟಿಂಗ್' ಅಂತ ಭಾವಿಸಿದರು. ತದನಂತರ 'ಕಾಪಾಡಿ..ಕಾಪಾಡಿ' ಅಂತ ಕಿರುಚಿಕೊಂಡ ಮೇಲೆ ರೂಬಿ ರೋಸ್ ರವರನ್ನ ಚಿತ್ರತಂಡ ಮೇಲಕ್ಕೆ ಕರೆತಂದರು. ಈ ವಿಚಾರವನ್ನ ಖುದ್ದು ರೂಬಿ ರೋಸ್ ಅವರೇ ಖಾಸಗಿ ಸಂದರ್ಶನವೊಂದರಲ್ಲಿ ಬಹಿರಂಗಪಡಿಸಿದ್ದಾರೆ.['ಮಾಸ್ತಿ ಗುಡಿ' ದುರಂತ ಸಂಭವಿಸಲು ಪ್ರಮುಖ ಕಾರಣ ಇದೇ.!]
''ನಿರ್ದೇಶಕ ಜಾನ್ ಅವರು ನಾನು ಆಕ್ಟಿಂಗ್ ಮಾಡುತ್ತಿದ್ದೇನೆ ಎಂದು ತಿಳಿದುಕೊಂಡಿದ್ದರು. ನಾನು ಆರಂಭದಲ್ಲಿ ಆಕ್ಟಿಂಗ್ ಮಾಡಿದೆ. ಆದ್ರೆ ಅಮೇಲೆ ಆಗಲಿಲ್ಲ. ನಿಜವಾಗಲೂ ಮುಳುಗುತ್ತಿದ್ದೆ. ಆದ್ರೆ, ಜಾನ್ ಅವರು ''ಅದ್ಬುತ, ಸೂಪರ್ ಆಕ್ಟಿಂಗ್'' ಎನ್ನುತ್ತಿದ್ದರು. ಆದ್ರೆ, ನನಗೆ ಗೊತ್ತಿತ್ತು ಅದು ಅದ್ಭುತವಲ್ಲ. ನಾನು ನಿಜವಾಗಲೂ ಮುಳುಗುತ್ತಿದ್ದೆ ಅಂತ'' ಎಂದು ರೂಬಿ ರೋಸ್ ಹೇಳಿಕೊಂಡಿದ್ದಾರೆ.
ಅಂದ್ಹಾಗೆ 'ಮೆಗ್' ಸಿನಿಮಾ 1997 ರಲ್ಲಿ ಸ್ಟೀವ್ ಆಲ್ಟನ್ ಬರೆದಿರುವ 'ಮೆಗ್' ಪುಸ್ತಕವನ್ನ ಆಧರಿಸಿದ ಕಥೆ. ಜಾನ್ ನಿರ್ದೇಶನ ಮಾಡುತ್ತಿದ್ದು, ಜೇಸನ್ ಸ್ಟಥಮ್, ಜೆಸ್ಸಿಕಾ, ರೂಬಿ ರೋಸ್ ಸೇರಿದಂತೆ ಹಲವರು ಈ ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಸದ್ಯ, ಚಿತ್ರೀಕರಣ ಮಾಡುತ್ತಿರುವ 'ಮೆಗ್' 2018 ರಲ್ಲಿ ಬಿಡುಗಡೆಯಾಗುವ ಸಾಧ್ಯತೆ ಇದೆ.