Don't Miss!
- Lifestyle ಲಿವರ್ ಸಮಸ್ಯೆಯಿದೆ ಎಂದು ಸೂಚಿಸುವ ಲಕ್ಷಣಗಳಿವು, ಕುಟುಂಬಸ್ಥರು ಲಿವರ್ ದಾನ ಮಾಡಿದರೆ ವ್ಯಕ್ತಿಯ ಪ್ರಾಣ ಉಳಿಸಬಹುದು
- News ಲೋಕಸಭಾ ಚುನಾವಣೆ 2024: ಈ ಆರು ಜಿಲ್ಲೆಗಳಲ್ಲಿ ಬಹುತೇಕ ಶೂನ್ಯ ಮತದಾನ; ಕಾರಣವೇನು?
- Sports LSG vs CSK IPL 2024: ಮತ್ತೊಮ್ಮೆ ಧೋನಿ, ಜಡೇಜಾ ಅಬ್ಬರ; ಲಕ್ನೋ ತಂಡಕ್ಕೆ ಸವಾಲಿನ ಗುರಿ ನೀಡಿದ ಸಿಎಸ್ಕೆ
- Automobiles ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್
- Technology ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್!
- Finance n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮುಖಭಾವದಲ್ಲೇ ನಗು ಮೂಡಿಸುವ ಬಸ್ಟರ್ ಕೀಟನ್
ಬೆಂಗಳೂರಿನ ಎಂ.ಜಿ.ರಸ್ತೆಯಲ್ಲಿ ಇದ್ದಕ್ಕಿದ್ದಂತೆ 1000 ಎತ್ತುಗಳು ಮೆರವಣಿಗೆ ಹೊರಟರೇ, ಒಬ್ಬನನ್ನು ಮದುವೆ ಗಂಡಿಗೆ ಸಾವಿರ ಹೆಣ್ಣುಗಳು ಛತ್ರಕ್ಕೆ ದಾಂಗುಡಿಯಿಟ್ಟರೇ, ಥಿಯೇಟರ್ ಒಂದರಲ್ಲಿ ಸಿನಿಮಾ ಬಿಡುವ ಹುಡುಗ ಪುಸ್ತಕ ಓದಿಕೊಂಡು ಪತ್ತೆದಾರಿಕೆ ಮಾಡಲು ಹೊರಟರೇ...ಈ 'ರೇ' ಪ್ರಪಂಚವೇ ಇಷ್ಟು ಮಜಾ ಕೊಡುತ್ತೆ. ಇನ್ನು ತೆರೆಯ ಮೇಲೆ ನೋಡುವಾಗ ಹೊಟ್ಟೆ ಹುಣ್ಣಾಗುವಷ್ಟು ನಗು ಬರದೆ ಇದ್ದೀತೆ?
ಇಷ್ಟೆಲ್ಲಾ ಪೀಠಿಕೆ ಯಾಕೆ ಅಂತ ಅರ್ಥವಾಗಬೇಕು ಅಂದ್ರೆ ನೀವು ಬಸ್ಟರ್ ಕೀಟನ್ ಅವರ ಬಗ್ಗೆ ತಿಳಿದುಕೊಳ್ಳಬೇಕು. ಒಂದು ಸುಂದರವಾದ ಕಾಮಿಡಿ ಜಗತ್ತೇ ನಿಮ್ಮೆದುರು ಸದ್ದಿಲ್ಲದೆ ನಿಲ್ಲೋದು ಗಮನಿಸಿ.
ನಾನು 'ಸದ್ದಿಲ್ಲದೆ' ಪದ ಯಾಕೆ ಬಳಸಿದೆ ಅಂದ್ರೆ ಬಸ್ಟರ್ ಕೀಟನ್ ನ ಬಹುತೇಕ ಚಿತ್ರಗಳು ಮೂಕಿ. ಗಟ್ಟಿ ಕಥೆ, ಚುರುಕು ನಟನೆ, ತಾಂತ್ರಿಕತೆಯ ಅಚ್ಚುಕಟ್ಟುತನ, ಮನೋಜ್ಞ ಸಂಗೀತ ಇರಲು ಭಾಷೆಯ ಹಂಗೇಕೆ?
ಬಸ್ಟರ್ ಕೀಟನ್ ನ ಸುಪ್ರಸಿದ್ಧ ಚಿತ್ರ 'ದಿ ಜನರಲ್'. ಇದು ಅಮೆರಿಕ ಅಂತರ್ಯುದ್ಧ ಸಮಯದಲ್ಲಿ ರೈಲು ಚಾಲಕನೊಬ್ಬ ತನ್ನ ಪ್ರೇಯಸಿಗಾಗಿ ಸೈನಿಕನಾಗಲು ಯತ್ನಿಸುವ, ಆಕೆಯನ್ನು ಕಾಪಾಡಿಕೊಳ್ಳಲು ಹೋರಾಡುವ, ತನ್ನವರನ್ನು ಗೆಲ್ಲಿಸುವ ಕಥೆಯ ಹೂರಣ ಹೊಂದಿದೆ. ರೈಲಿನ ಎಂಜಿನ್ ಸಹ ಒಂದು ಪಾತ್ರವಾಗಿ ವೀಕ್ಷಕರ ಮನದಲ್ಲಿ ಸ್ಥಾನ ಪಡೆಯುವಂತೆ ಮಾಡುವಲ್ಲಿ ಕೀಟನ್ ಯಶಸ್ವಿಯಾಗುತ್ತಾರೆ. ರೈಲು ಪ್ರಯಾಣದ ಆತಂಕಗಳು ಮತ್ತು ಅದನ್ನು ನಿವಾರಿಸಿಕೊಳ್ಳಲು ಈ ಜೋಡಿಯಾಗಿ ಹೆಣಗಾಟ ತಕ್ಷಣಕ್ಕೆ ನಗೆ ತಂದರೂ ಆಳದಲ್ಲಿ ಅವರ ಪ್ರೀತಿ ನಮ್ಮ ಮನಸ್ಸನ್ನು ಕದಡುತ್ತದೆ.
'ಗೊ ವೆಸ್ಟ್', 'ಅಡ್ಮಿರಲ್', 'ಸ್ಕೇರ್ ಕ್ರೋ', 'ದಿ ಹಾಸ್ಪಿಟಾಲಿಟಿ', 'ಥ್ರೀ ಏಜಸ್', 'ಸೆವೆನ್ ಛಾನ್ಸಸ್' ಎಂಬುವು ಕೀಟನ್ ಅವರ ಪ್ರಸಿದ್ಧ ಚಿತ್ರಗಳು. ಕೆಲವೇ ಪಾತ್ರಗಳು, ಗಟ್ಟಿ ಕಥೆ, ಮನೋಜ್ಞ ಅಭಿನಯ, ಬಸ್ಟರ್ ಕೀಟನ್ ಗಷ್ಟೆ ಸಾಧ್ಯ ಎನಿಸುವ ಸ್ಟಂಟ್ ಎಲ್ಲ ಚಿತ್ರಗಳ ಸಾಮಾನ್ಯ ಅಂಶ.
ಚಾರ್ಲಿ ಚಾಪ್ಲಿನ್ ಬದುಕಿದ್ದ ಕಾಲದಲ್ಲಿಯೇ ಬಾಳಿದ ಈತ ಯಾಕೋ ಭಾರತದಲ್ಲಿ ಚಾಪ್ಲಿನ್ ಅಷ್ಟು ಜನಪ್ರಿಯನಾಗಲಿಲ್ಲ. ಆದರೇನು, ಪ್ರತಿಭೆಗೆ ದೇಶ, ಕಾಲದ ಹಂಗು ಉಂಟೆ?
1895
ಅಕ್ಟೋಬರ್
ನಲ್ಲಿ
ಹುಟ್ಟಿದ್ದ
ಬಸ್ಟರ್
ಕೀಟನ್
1966ರಲ್ಲಿ
ನಿಧನರಾದರು.
ಬಸ್ಟರ್
ಕೀಟನ್
ಅಮೇರಿಕಾದ
ಖ್ಯಾತ
ನಟ,
ನಿರ್ದೇಶಕ,
ನಿರ್ಮಾಪಕ,
ಸಾಹಸ
ನಿರ್ದೇಶಕ,
ಬರಹಗಾರರಾಗಿದ್ದರು...
ಲೇಖಕರು-ಸುಧಾ