Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Automobiles ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
28ರ ನಟಿಯನ್ನು ಮದುವೆಯಾದ 59 ವರ್ಷದ ಆಸ್ಕರ್ ವಿಜೇತ ಹಾಲಿವುಡ್ ನಟ
'ಮಿಲ್ಕ್', 'ಮಿಸ್ಟಿಕ್ ರಿವರ್' ಮುಂತಾದ ಚಿತ್ರಗಳಿಂದ ಹೆಸರು ಪಡೆದಿರುವ ಅಮೆರಿಕದ ನಟ ಸೀನ್ ಜಸ್ಟಿನ್ ಪೆನ್ ತಮ್ಮ 59ನೇ ವಯಸ್ಸಿನಲ್ಲಿ ಮೂರನೇ ಬಾರಿ ವೈವಾಹಿಕ ಜೀವನಕ್ಕೆ ಕಾಲಿರಿಸಿದ್ದಾರೆ. ಅದೂ 28ರ ಹರೆಯದ ಯುವತಿಯೊಂದಿಗೆ. ಪೆನ್ ಮದುವೆಯಾಗಿರುವ ಲೈಲಾ ಜಾರ್ಜ್ ಕೂಡ ನಟಿ. ಆಸ್ಟ್ರೇಲಿಯಾ ಮೂಲವದರಾದ ಲೈಲಾ, ಪ್ರಸ್ತುತ ಅಮೆರಿಕದಲ್ಲಿ ನೆಲೆಸಿದ್ದಾರೆ. ಅಂದಹಾಗೆ, ಇವರಿಬ್ಬರೂ 2016ರಿಂದಲೇ ರಿಲೇಷನ್ಶಿಪ್ನಲ್ಲಿದ್ದರು. ಈಗ ಗುಟ್ಟಾಗಿ ಮದುವೆಯಾಗಿದ್ದಾರೆ.
Recommended Video
ಆಸ್ಕರ್ ವಿಜೇತ ನಟ ಪೆನ್ ಅವರಿಗೆ ಇದು ಮೂರನೇ ಮದುವೆ. 1960ರಲ್ಲಿ ಕ್ಯಾಲಿಫೋರ್ನಿಯಾದಲ್ಲಿ ಜನಿಸಿದ್ದ ಪೆನ್, 1985ರಲ್ಲಿ ಖ್ಯಾತ ಗಾಯಕಿ ಮಡೋನ್ನಾ ಅವರನ್ನು 1985ರಲ್ಲಿ ಮದುವೆಯಾಗಿದ್ದರು. ಈ ಮದುವೆ ನಾಲ್ಕೇ ವರ್ಷಗಳಲ್ಲಿ ಮುರಿದುಬಿದ್ದಿತ್ತು. 1996ರಲ್ಲಿ ನಟಿ ರಾಬಿನ್ ರೈಟ್ ಅವರೊಂದಿಗೆ ಎರಡನೆಯ ಬಾರಿ ದಾಂಪತ್ಯ ಜೀವನಕ್ಕೆ ಕಾಲಿರಿಸಿದ್ದರು. 2010ರಲ್ಲಿ ವಿಚ್ಚೇದನ ಪಡೆದಿದ್ದರು. ಮುಂದೆ ಓದಿ...
ಸಾಮಾಜಿಕ ಜಾಲತಾಣದಿಂದ ಬಹಿರಂಗ
ಪೆನ್ ಮತ್ತು ಲೈಲಾ ಮದುವೆಯಾಗಿರುವ ಸಂಗತಿಯನ್ನು ನಿರ್ಮಾಪಕ ಮೈಕ್ ಮೆಡವೊಯ್ ಪತ್ನಿ ಇರೆನಾ ಮೆಡವೊಯ್ ಇನ್ಸ್ಟಾಗ್ರಾಂನಲ್ಲಿ ತಿಳಿಸಿದ್ದಾರೆ. ಇಬ್ಬರೂ ಉಂಗುರ ಬದಲಿಸಿಕೊಳ್ಳುತ್ತಿರುವ ಫೋಟೊದೊಂದಿಗೆ ಅವರು ಶುಭ ಹಾರೈಸಿದ್ದಾರೆ. ಗೋಪ್ಯವಾಗಿ ನಡೆದಿದ್ದ ಮದುವೆ ಈ ಪೋಸ್ಟ್ನಿಂದಾಗಿ ಬಹಿರಂಗವಾಗಿದೆ.
ವಿಚ್ಛೇದನಕ್ಕೆ ಮುಂದಾದರೇ ತಾರಾ ಜೋಡಿ ಕಿಮ್ ಕರ್ದಶಿಯನ್-ಕಾನ್ಯೆ ವೆಸ್ಟ್?
ಸಿನಿಮಾ ಕುಟುಂಬದವರು
ಆಸ್ಟ್ರೇಲಿಯಾದ ಸಿಡ್ನಿಯಲ್ಲಿ ಜನಿಸಿದ್ದ ಲೈಲಾ ಜಾರ್ಜ್, ನಟ ಮತ್ತು ನಿರ್ಮಾಪಕ ವಿನ್ಸೆಂಟ್ ಡಿಒನೊಫ್ರಿಯಾ ಮತ್ತು ನಟಿ ಗ್ರೆಟಾ ಸ್ಕಾಚಿ ಅವರ ಮಗಳು. ಲೈಲಾ ಬೆಳೆದಿದ್ದು ಬ್ರಿಟನ್ನಲ್ಲಿ. ಬಳಿಕ ತಂದೆ ತಾಯಿ ಜತೆಗೆ ಅಮೆರಿಕಕ್ಕೆ ತೆರಳಿ ಮೋರ್ಟಲ್ ಎಂಜಿನ್ಸ್ ಮತ್ತು ದಿ ಕಿಡ್ ಚಿತ್ರಗಳಲ್ಲಿ ನಟಿಸಿದ್ದರು. ತನ್ನ ತಂದೆಗಿಂತ ಕೇವಲ ಎರಡು ವರ್ಷ ಮತ್ತು ತಾಯಿಗಿಂತ ಒಂದು ವರ್ಷ ಚಿಕ್ಕವರಾದ ಪೆನ್ ಜತೆ 2016ರಿಂದಲೂ ರಿಲೇಷನ್ಶಿಪ್ನಲ್ಲಿದ್ದ ಅವರು, ಆಗಸ್ಟ್ 1ರಂದು ಮದುವೆಯಾಗಿದ್ದಾರೆ.
ಸೀನ್ ಪೆನ್ ಸಿನಿಮಾಗಳು
50ಕ್ಕೂ ಅಧಿಕ ಸಿನಿಮಾಗಳಲ್ಲಿ ನಟಿಸಿರುವ ಸೀನ್ ಪೆನ್, ನಟ ಹಾಗೂ ನಿರ್ದೇಶಕರಾಗಿ ಅನೇಕ ಪ್ರಶಸ್ತಿಗಳನ್ನು ಪಡೆದಿದ್ದಾರೆ. ಮಿಸ್ಟಿಕ್ ರಿವರ್ ಮತ್ತು ಮಿಲ್ಕ್ ಚಿತ್ರದ ನಟನೆಗಾಗಿ ಎರಡು ಬಾರಿ ಅತ್ಯುತ್ತಮ ನಟ ಆಸ್ಕರ್ ಪ್ರಶಸ್ತಿ ಪಡೆದಿದ್ದಾರೆ. ಸಿನಿಮಾ ಕ್ಷೇತ್ರದಲ್ಲಿ ಹೆಸರು ಮಾಡಿದಂತೆಯೇ ಪೆನ್, ಖಾಸಗಿ ಬದುಕು ಕೂಡ ಸದಾ ಸುದ್ದಿಯಲ್ಲಿದೆ.
ನಾಪತ್ತೆಯಾಗಿದ್ದ ಹಾಲಿವುಡ್ ನಟಿ ನಯಾ ರಿವೇರಾ ಶವವಾಗಿ ಪತ್ತೆ
ಮಡೋನ್ನಾ ಜತೆ ಮದುವೆ, ವಿಚ್ಛೇದನ
ಹೆಸರಾಂತ ಪಾಪ್ ಗಾಯಕಿ ಮಡೋನ್ನಾ ಅವರ ಜನ್ಮದಿನದಂದೇ ಮದುವೆಯಾಗಿದ್ದರು. ಮರುದಿನ (ಆಗಸ್ಟ್ 17) ಪೆನ್ ಅವರ ಜನ್ಮದಿನ. ಇಬ್ಬರೂ ಜತೆಗೂಡಿ ಶಾಂಘೈ ಸರ್ಪ್ರೈಸ್ ಚಿತ್ರದಲ್ಲಿ ನಟಿಸಿದ್ದರು. 1987ರಲ್ಲಿ ಸಿನಿಮಾ ಸೆಟ್ನಲ್ಲಿ ಫೋಟೊಗ್ರಾಫರ್ ಮೇಲೆ ಹಲ್ಲೆ ನಡೆಸಿದ ಪ್ರಕರಣದಲ್ಲಿ ಪೆನ್ 60 ದಿನಗಳ ಜೈಲು ಶಿಕ್ಷೆಗೆ ಗುರಿಯಾಗಿದ್ದರು. ಅದೇ ವರ್ಷ ಮಡೋನ್ನಾ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ್ದರು. ಆದರೆ ವಾಪಸ್ ಪಡೆದಿದ್ದರು. ಪೆನ್ ನಿರಂತರ ಹಿಂಸೆ ನೀಡುತ್ತಿದ್ದಾರೆ ಎಂದು ಆರೋಪಿಸಿ 1989ರಲ್ಲಿ ಮತ್ತೆ ವಿಚ್ಛೇದನದ ಅರ್ಜಿ ಸಲ್ಲಿಸಿದರು.
ಬದಲಾದ ಗೆಳತಿಯರು
ರಾಬಿನ್ ರೈಟ್ ಅವರನ್ನು ಮದುವೆಯಾದ ಅವರಿಗೆ ಇಬ್ಬರು ಮಕ್ಕಳು ಜನಿಸಿದರು. ಮೊದಲ ಮಗಳು ಡೈಲಾನ್ ಫ್ರಾನ್ಸಸ್ ಕೂಡ ನಟಿ. ಎರಡನೆಯ ಮಗ ಹಾಪರ್ ಜಾಕ್. ಗಾಯಕಿ ಜಿವೆಲ್ ಜತೆ ಗೆಳೆತನ ಬೆಳೆದ ಬಳಿಕ ರೈಟ್ ಅವರಿಂದ ದೂರವಾದರು. 1996ರಲ್ಲಿ ಪೆನ್ ಮತ್ತು ರೈಟ್ ಮತ್ತೆ ಮದುವೆಯಾದರು. 2010ರಲ್ಲಿ ಇಬ್ಬರೂ ಕಾನೂನು ಪ್ರಕಾರ ದೂರವಾದರು. 2013-2015ರವರೆಗೆ ನಟಿ ಚಾರ್ಲೈಸ್ ಥೆರಾನ್ ಜತೆ ಸೀನ್ ಪೆನ್ ಸಂಬಂಧವಿರಿಸಿಕೊಂಡಿದ್ದರು. ನಂತರ ಲೈಲಾ ಜತೆಯಾಗಿದ್ದರು.