ಮೊದಲ ಹಾಲಿವುಡ್ ಸಿನಿಮಾ ಮುಗಿಸಿದ ಗರ್ಭಿಣಿ ಆಲಿಯಾ ಭಟ್: ವೈರಲ್ ಆಯ್ತು ಸೆಲ್ಫಿ!

ಆಲಿಯಾ ಹಾಲಿವುಡ್ ಸಿನಿಮಾ ಮುಗೀತು

ಆಲಿಯಾ ಭಟ್ ಬಾಲಿವುಡ್‌ನಲ್ಲಿ ಬಹುಬೇಡಿಕೆಯ ನಟಿ. ಆದರೆ, ಹಾಲಿವುಡ್‌ ಸಿನಿಮಾದಲ್ಲಿ ನಟಿಸಬೇಕು ಅನ್ನುವ ಆಸೆಯನ್ನು ಹಲವು ದಿನಗಳ ಹಿಂದೆನೇ ವ್ಯಕ್ತಪಡಿಸಿದ್ದರು. ಇದೇ ವೇಳೆ ಹಾಲಿವುಡ್‌ನ ಟ್ಯಾಲೆಂಟ್ ಅಕ್ವಿಸಿಷನ್ ಕಂಪನಿಯೊಂದರ ಜೊತೆ ಒಡಂಬಡಿಕೆ ಮಾಡಿಕೊಂಡಿದ್ದರು. ಆ ಕಂಪನಿ ಮೂಲಕವೇ ಹಾಲಿವುಡ್ ಸಿನಿಮಾದಲ್ಲಿ ನಟಿಸುವ ಅವಕಾಶ ಒದಗಿಬಂದಿತ್ತು. ಹಾಲಿವುಡ್‌ ವಂಡರ್‌ ವುಮನ್ ಖ್ಯಾತಿಯ ಗ್ಯಾಲ ಗ್ಯಾಡೋಟ್ ಲೀಡ್‌ ರೋಲ್‌ನಲ್ಲಿರುವ 'ಹಾರ್ಟ್ ಆಫ್ ಸ್ಟೋನ್‌'ನಲ್ಲಿ ನಟಿಸಿದ್ದರು.

ಮೊದಲ ಮಗುವಿನ ನಿರೀಕ್ಷೆಯಲ್ಲಿ ಆಲಿಯಾ-ರಣ್‌ಬೀರ್: ಬೇಬಿ ಕಮಿಂಗ್ ಸೂನ್ ಎಂದ ನಟಿ!

'ವಂಡರ್‌ ವುಮನ್' ಆಲಿಯಾ ಸೆಲ್ಫಿ

'ಹಾರ್ಟ್ ಆಫ್ ಸ್ಟೋನ್' ಸಿನಿಮಾದಲ್ಲಿ ಆಲಿಯಾ ಪೋಷನ್ ಮುಗಿದಿದೆ. ಹೀಗಾಗಿ ವಂಡರ್‌ ವುಮನ್ ಖ್ಯಾತಿಯ ಗ್ಯಾಲ ಗ್ಯಾಡೋಟ್ ಬಾಲಿವುಡ್ ನಟಿ ಆಲಿಯಾ ಭಟ್ ಜೊತೆ ಸೆಲ್ಫಿ ತೆಗೆದುಕೊಂಡಿದ್ದಾರೆ. "ನನ್ನ ಹುಡುಗಿ ಆಲಿಯಾ ಭಟ್‌ಗೆ ಸ್ಪಲ್ಪ ಪ್ರೀತಿ ಕೊಡಿ. ಇವತ್ತು ಹಾರ್ಟ್ ಆಫ್ ಸ್ಟೋನ್ ಸಿನಿಮಾದ ಶೂಟಿಂಗ್ ಮುಗಿಸಿದ್ದಾರೆ. ಎಂತಹ ಅದ್ಭುತ ನಟಿ. ಹಾಗೇ ಅತ್ಯುತ್ತಮ ವ್ಯಕ್ತಿ." ಎಂದು ವಂಡರ್‌ ವುಮನ್ ಪೋಸ್ಟ್ ಮಾಡಿದ್ದಾರೆ.

ಮನೆ ಬರುತ್ತೇನೆ ಎಂದ ಆಲಿಯಾ

ಮೊದಲು ಆಲಿಯಾ ಭಟ್ "ಮರೆಯಲಾಗದ ಅನುಭವ. ಮನೆಗೆ ಬರುತ್ತಿದ್ದೇನೆ. 'ಹಾರ್ಟ್ ಆಫ್ ಸ್ಟೋನ್' ತಂಡಕ್ಕೆ ಪೂರ್ತು ಹೃದಯ ನೀಡುತ್ತೇನೆ. ಗ್ಯಾಲ ಗ್ಯಾಡೋಟ್ ಹಾಗೂ ನಿರ್ದೇಶಕ ಟಾಮ್ ಹಾರ್ಪೆರ್ ಅವರಿಗೆ ಧನ್ಯವಾದಗಳು" ಎಂದು ಹೇಳಿದ್ದರು. ಆಲಿಯಾ ಭಟ್ ಈ ಪೋಸ್ಟ್‌ಗೆ ವಂಡರ್‌ವುಮನ್ ಕೂಡ ಪ್ರತಿಕ್ರಿಯಿಸಿದ್ದಾರೆ. ಸದ್ಯ ಯೂರೋಪ್‌ನಲ್ಲಿರುವ ಆಲಿಯಾ ಭಟ್ ಶೀಘ್ರದಲ್ಲಿಯೇ ಮನೆಗೆ ಬರುವುದಾಗಿ ಹೇಳಿದ್ದಾರೆ.

ನೆಟ್‌ಫ್ಲಿಕ್ಸ್‌ನಲ್ಲಿ ಸಿನಿಮಾ ರಿಲೀಸ್

ಅಂದ್ಹಾಗೆ ಆಲಿಯಾ ಭಟ್ ಅಭಿನಯದ ಮೊದಲ ಹಾಲಿವುಡ್‌ ಸಿನಿಮಾ ನೆಟ್‌ಫಿಕ್ಸ್‌ನಲ್ಲಿ ರಿಲೀಸ್ ಆಗಲಿದೆ. ಈ ಸಿನಿಮಾ ಗ್ಯಾಲ ಗ್ಯಾಡೋಟ್ ಹಾಗೂ ಆಲಿಯಾ ಭಟ್ ಇಬ್ಬರೂ ಗೂಢಾಚಾರಿಗಳಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಇದಲ್ಲದೆ, ರಣ್‌ಬೀರ್ ಜೊತೆ ನಟಿಸಿದ ಮೋಸ್ಟ್ ಎಕ್ಸ್‌ಪೆಕ್ಟೆಡ್ ಸಿನಿಮಾ 'ಬ್ರಹ್ಮಾಸ್ತ್ರ' ಕೂಡ ರಿಲೀಸ್‌ಗೆ ರೆಡಿಯಾಗಿದೆ. ಜೊತೆ 'ಡಾರ್ಲಿಂಗ್' ಸಿನಿಮಾ ಒಟಿಟಿಯಲ್ಲಿ ರಿಲೀಸ್ ಆಗುತ್ತಿದೆ.