Don't Miss!
- News ರಾತ್ರೋ ರಾತ್ರಿ ಪತ್ರಿಕಾಗೋಷ್ಠಿ ನಡೆಸಿ ವಿ.ಶ್ರೀನಿವಾಸ ಪ್ರಸಾದ್ ಅಳಿಯ ಏನು ಹೇಳಿದ್ರು ಗೊತ್ತಾ?
- Sports IPL 2024: ಮುಂಬೈ ಇಂಡಿಯನ್ಸ್ ತಂಡ ಸೇರಿದ ಮಾಜಿ ನಾಯಕ: ಹಾಲಿ ನಾಯಕನ ಆತಂಕ ದೂರ
- Lifestyle ಫ್ಲ್ಯಾಟ್ನಲ್ಲಿ ವಾಸಿಸಲು ಹೋಗುವಾಗ ಸಮೃದ್ಧಿ, ಆರೋಗ್ಯಕ್ಕಾಗಿ ವಾಸ್ತು ಹೀಗಿದೆಯೇ ಎಂದು ನೋಡಬೇಕು
- Technology ಮಾರುಕಟ್ಟೆಗೆ ಎಂಟ್ರಿ ಕೊಟ್ಟ ಇನ್ಫಿನಿಕ್ಸ್ ನೋಟ್ 40 ಪ್ರೊ ಪ್ಲಸ್ 5G ಫೋನ್: ಫೀಚರ್ಸ್ ಹೇಗಿದೆ?
- Automobiles ಡಿ ಬಾಸ್ ಪತ್ನಿ ಖರೀದಿಸಿದ್ದು ಸಾಮಾನ್ಯ ಕಾರಲ್ಲ: ಬಂಗಲೆಯಂತಹ ಇಂಟೀರಿಯರ್!
- Finance ಭಾರತದಲ್ಲಿ ಚಿನ್ನದ ಬೆಲೆ ಇಳಿಕೆ, ನಿಮ್ಮ ನಗರದಲ್ಲಿ 24 ಕ್ಯಾರೆಟ್ ಚಿನ್ನದ ದರ ತಿಳಿಯಿರಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಮಾಜಿ ಪತಿ ನೀಡಿದ ಚಿತ್ರವನ್ನು ವಿಶ್ವದಾಖಲೆ ಬೆಲೆಗೆ ಮಾರಿದ ನಟಿ
ಹಾಲಿವುಡ್ ನಟಿ ಆಂಜೆಲಿನಾ ಜೂಲಿ ವಿಶ್ವದ ಶ್ರೀಮಂತ ನಟಿಯರಲ್ಲಿ ಒಬ್ಬರು. ಆಂಜೆಲಿನಾ ಜೂಲಿ ಹಾಗೂ ನಟ ಬ್ರಾಡ್ ಪಿಟ್ ಜೋಡಿ ಹಾಲಿವುಡ್ ನ ಸಖತ್ ಗ್ಲಾಮರಸ್ ಜೋಡಿ ಎಂಬ ಹೆಸರು ಗಳಿಸಿತ್ತು.
ಆಂಜೆಲಿನಾ ಜೂಲಿಯ ಮೂರನೇ ಪತಿ ಬ್ರಾಡ್ ಪಿಟ್ ಉಡುಗೊರೆ ನೀಡಿದ್ದರು ಎನ್ನಲಾದ ಐತಿಹಾಸಿಕ ಮಹತ್ವವುಳ್ಳ ಚಿತ್ರವನ್ನು ಅಂಜೆಲಿನಾ ಜೂಲಿ ಹರಾಜು ಹಾಕಿದ್ದು, ಚಿತ್ರವು ಭಾರಿ ಮೊತ್ತಕ್ಕೆ ಹರಾಜಾಗಿದೆ. ಈ ಹರಾಜು ವಿಶ್ವದಾಖಲೆ ಪಟ್ಟಿಗೆ ಸಹ ಸೇರಿಕೊಂಡಿದೆ.
ಬ್ರಿಟನ್ನ ಮಾಜಿ ಪ್ರಧಾನಿ ವಿನ್ಸ್ಟನ್ ಚರ್ಚಿಲ್ ಅವರು ವಿಶ್ವಯುದ್ಧದ ಸಮಯದಲ್ಲಿ ರಚಿಸಿ ಅದನ್ನು ಆಗಿನ ಪ್ರಧಾನಿ ಫ್ರಾಂಕ್ಲಿನ್ ರೂಸ್ವೆಲ್ಟ್ಗೆ ಉಡುಗೊರೆಯಾಗಿ ನೀಡಿದ್ದ ಚಿತ್ರವನ್ನು 2011 ರ ಸಮಯದಲ್ಲಿ ನಟ ಬ್ರಾಡ್ ಪಿಟ್ ತನ್ನ ಆಗಿನ ಪ್ರೇಯಸಿ ಆಂಜೆಲಿನಾ ಜೂಲಿಗೆ ಉಡುಗೊರೆಯಾಗಿ ನೀಡಿದ್ದರು. ಈಗ ಅದೇ ಚಿತ್ರವನ್ನು ಹರಾಜು ಹಾಕಿದ್ದಾರೆ ಆಂಜೆಲಿನಾ ಜೂಲಿ.
ವಿಶ್ವದಾಖಲೆ ಮೊತ್ತಕ್ಕೆ ಮಾರಾಟವಾದ ಚಿತ್ರ
ವಿನ್ಸ್ಟನ್ ಚರ್ಚಿಲ್ ರಚಿಸಿದ ಈ ಚಿತ್ರ ಬರೋಬ್ಬರಿ 1.15 ಕೋಟಿ ಡಾಲರ್ಗೆ ಮಾರಾಟವಾಗಿದೆ. ಭಾರತೀಯ ರುಪಾಯಿ ಲೆಕ್ಕದಲ್ಲಿ ಈ ಚಿತ್ರ ಸುಮಾರು 85 ಕೋಟಿ ರೂಪಾಯಿಗೆ ಹರಾಜಾಗಿದೆ. ಇಷ್ಟೋಂದು ದೊಡ್ಡ ಮೊತ್ತಕ್ಕೆ ಮಾರಾಟವಾದ ಮೊದಲ ಚಿತ್ರ ಎಂಬ ಹೆಗ್ಗಳಿಕೆಯನ್ನು ಸಹ ಈ ಚಿತ್ರ ಪಡೆದುಕೊಂಡಿದೆ. ಈ ಚಿತ್ರವು ಹರಾಜಿನ ಆರಂಭಿಕ ಬೆಲೆಗಿಂತಲೂ ನಾಲ್ಕು ಪಟ್ಟು ಹೆಚ್ಚಿನ ಮೊತ್ತಕ್ಕೆ ಮಾರಾಟವಾಗಿದೆ. ಚಿತ್ರವನ್ನು ಖರೀದಿಸಿದ ವ್ಯಕ್ತಿಯ ಹೆಸರನ್ನು ಬಹಿರಂಗಗೊಳಿಸಲಾಗಿಲ್ಲ.
ಚಿತ್ರದ ಹೆಸರು 'ಟವರ್ ಆಫ್ ಕೊತುಬಿಯಾ ಮೋಸ್ಕ್'
ಚರ್ಚಿಲ್ ರಚಿತ ಈ ಚಿತ್ರದ ಹೆಸರು 'ಟವರ್ ಆಫ್ ಕೊತುಬಿಯಾ ಮೋಸ್ಕ್'. ಈ ಚಿತ್ರವನ್ನು 2011 ರಲ್ಲಿ ಹರಾಜು ಹಾಕಲಾಗಿತ್ತು. ಆ ಹರಾಜಿನಲ್ಲಿ ಕೊಂಡು ಅದನ್ನು ಆಂಜೆಲಿನಾ ಜೂಲಿಗೆ ಉಡುಗೊರೆ ನೀಡಿದ್ದರು ನಟ ಬ್ರಾಡ್ ಪಿಟ್.
ಎರಡನೇ ವಿಶ್ವಯುದ್ಧ ಸಂದರ್ಭ ರಚಿಸಿದ ಚಿತ್ರ
ಎರಡನೇ ವಿಶ್ವಯುದ್ಧ (1935-1945) ರ ಸಂದರ್ಭದಲ್ಲಿ ವಿನ್ಸ್ಟನ್ ಚರ್ಚಿಲ್ ಈ ಚಿತ್ರವನ್ನು ಬರೆದಿದ್ದರು. ಚರ್ಚಿಲ್ ಬರೆದ ಏಕಮಾತ್ರ 'ಲ್ಯಾಂಡ್ಸ್ಕೇಪ್' ಮಾದರಿಯ ಚಿತ್ರವಿದು. ಈ ಚಿತ್ರವನ್ನು ಅವರು ಮೊರಾಕ್ಕೊದಲ್ಲಿದ್ದಾಗ ಬರೆದಿದ್ದರು ಎನ್ನಲಾಗಿದೆ. ಚಿತ್ರವನ್ನು ಅವರು ಆಗಿನ ಪ್ರಧಾನಿ ಫ್ರಾಂಕ್ಲಿನ್ ರೂಸ್ವೆಲ್ಟ್ಗೆ ಉಡುಗೊರೆಯಾಗಿ ನೀಡಿದ್ದರು.
Recommended Video
ಬ್ರಾಡ್ ಪಿಟ್, ಆಂಜೆಲಿನಾಳ ಮೂರನೇ ಪತಿ
ಆಂಜೆನಿಲಾ ಜೂಲಿ ಹಾಗೂ ಬ್ರಾಡ್ ಪಿಟ್ 2005 ರಿಂದಲೂ ಪ್ರೀತಿಯಲ್ಲಿದ್ದರು. 12 ವರ್ಷ ಒಟ್ಟಿಗಿದ್ದ ಈ ಜೋಡಿ 2016 ರಲ್ಲಿ ಪರಸ್ಪರ ಒಪ್ಪಿಗೆ ಮೇರೆಗೆ ಬೇರಾದರು. ಬ್ರಾಡ್ ಪಿಟ್, ಆಂಜೆಲಿನಾ ಜೂಲಿಯ ಮೂರನೇ ಪತಿ. ಬ್ರಾಡ್ ಪಿಟ್ಗೆ ಆಂಜೆಲಿನಾ ಜೂಲಿ ಎರಡನೇ ಪತ್ನಿ.