ಅವತಾರ್ 2, ಅವತಾರ್ 3 ಚಿತ್ರೀಕರಣ ಬಹುತೇಕ ಪೂರ್ಣ: ಬಿಡುಗಡೆ ದಿನಾಂಕ ಪ್ರಕಟ

ಅವತಾರ್ 2 ಚಿತ್ರೀಕರಣ ಮುಗಿದಿದೆ

ಅವತಾರ್ 2 ಸಿನಿಮಾ ಚಿತ್ರೀಕರಣ ಪೂರ್ಣಗೊಂಡಿದೆಯಾದರೂ ಈಗಲೇ ಸಿನಿಮಾ ಬಿಡುಗಡೆ ಆಗುವುದಿಲ್ಲ. ಮೊದಲು ನಿಗದಿಪಡಿಸಿದಂತೆ 2021 ರ ಡಿಸೆಂಬರ್ ನಲ್ಲಿ ಅವತಾರ್ 2 ಬಿಡುಗಡೆ ಆಗಬೇಕಿತ್ತು. ಆದರೆ ಕೊರೊನಾ ಕಾರಣಕ್ಕೆ ಸಿನಿಮಾ ಬಿಡುಗಡೆ 2022 ಡಿಸೆಂಬರ್ 16 ರಂದು ಬಿಡುಗಡೆ ಆಗಲಿದೆಯಂತೆ.

ಅರ್ನಾಲ್ಡ್ ಜೊತೆ ಕ್ಯಾಮರನ್ ಮಾತುಕತೆ

ಈ ವಿಷಯಗಳನ್ನು ಸ್ವತಃ ನಿರ್ದೇಶಕ ಜೇಮ್ಸ್ ಕ್ಯಾಮರುನ್, ಹಾಲಿವುಡ್ ನಟ ಅರ್ನಾಲ್ಡ್ ಜೊತೆ ವಿಡಿಯೋ ಸಂದರ್ಶನದಲ್ಲಿ ಹೇಳಿದ್ದಾರೆ. ನ್ಯೂಜಿಲೆಂಡ್‌ನಲ್ಲಿ ಸತತವಾಗಿ ಅವತಾರ್ 2 ಸಿನಿಮಾ ಚಿತ್ರೀಕರಣ ಮಾಡಿರುವ ಕಾರಣ ಚಿತ್ರೀಕರಣ ಮುಗಿದಿದೆ ಎಂದಿದ್ದಾರೆ ಜೇಮ್ಸ್ ಕ್ಯಾಮರನ್.

ಅವತಾರ್ ಸರಣಿಯ ಐದೂ ಸಿನಿಮಾದ ಬಿಡುಗಡೆ ದಿನಾಂಕ

ಅವತಾರ್ 2 ಸಿನಿಮಾ ಡಿಸೆಂಬರ್ 16, 2022 ಕ್ಕೆ ಬಿಡುಗಡೆ ಆಗಲಿದೆ. ಅವತಾರ್ 3 ಸಿನಿಮಾ ಡಿಸೆಂಬರ್ 20, 2024 ಕ್ಕೆ ಬಿಡುಗಡೆ ಆಗಲಿದೆ. ಅವತಾರ್ 4 ಸಿನಿಮಾ ಡಿಸೆಂಬರ್ 18, 2026 ಕ್ಕೆ ಹಾಗೂ ಅವತಾರ್ 5 ಸಿನಿಮಾವು ಡಿಸೆಂಬರ್ 22, 2028 ಕ್ಕೆ ಬಿಡುಗಡೆ ಆಗಲಿದೆ. ಈ ವೇಳಾಪಟ್ಟಿಯನ್ನು ಡಿಸ್ನಿ ಪ್ರಕಟಿಸಿದೆ.

Recommended Video

DIRECTORS DIARY : ಪ್ರಶಾಂತ್ ನೀಲ್ KGF ಮಾಡಿದ್ದಾರೆ ಅಂದ್ರೆ ನನ್ ಕಯ್ಯಲ್ಲಿ ಆಗಲ್ವ | Filmibeat Kannada

ಅವತಾರ್ ಸರಣಿಯ ಮೂರು ಸಿನಿಮಾ ಜೇಮ್ಸ್ ನಿರ್ದೇಶನ

ಟೈಟ್ಯಾನಿಕ್, ಟರ್ಮಿನೇಟರ್, ಫಿರ್ಹಾನಾ 2, ಟ್ರು ಲೈಸ್‌ ಇನ್ನೂ ಹಲವು ಸೂಪರ್ ಹಿಟ್ ಸಿನಿಮಾ ನಿರ್ದೇಶಿಸಿರುವ ಜೇಮ್ಸ್ ಕ್ಯಾಮರನ್, ಅವತಾರ್ ಸರಣಿಯ ಮೊದಲ ಸಿನಿಮಾ ಈಗಾಗಲೆ ನಿರ್ದೇಶಿಸಿದ್ದಾರೆ. ಇದರ ಜೊತೆಗೆ ಅವತಾರ್ 2 ಮತ್ತು ಅವತಾರ್ 3 ಸಿನಿಮಾಗಳನ್ನು ನಿರ್ದೇಶಿಸುತ್ತಿದ್ದಾರೆ.