Don't Miss!
- Technology ಅಗ್ಗದ ದರದಲ್ಲಿ 5G ಫೋನ್ ಖರೀದಿಸಬೇಕೆ?..ಈ ಆಫರ್ ಮಿಸ್ ಮಾಡ್ಕೋಬೇಡಿ!
- Automobiles Kia: ಬಹುನಿರೀಕ್ಷಿತ ಕಿಯಾ ಕ್ಲಾವಿಸ್ ಮೈಕ್ರೋ ಎಸ್ಯುವಿ ಶೀಘ್ರದಲ್ಲೇ ಬಿಡಗಡೆ
- News ಚಾಮರಾಜನಗರ ಜಿಲ್ಲೆಯ ಹಲವು ಗ್ರಾಮಗಳ ಜನರಿಂದ ಚುನಾವಣಾ ಬಹಿಷ್ಕಾರದ ಎಚ್ಚರಿಕೆ-ಇವರ ಬೇಡಿಕೆ ಏನು ಗೊತ್ತಾ?
- Finance Bullet train: ಮೇಡ್ ಇನ್ ಇಂಡಿಯಾ ಬುಲೆಟ್ ಟ್ರೈನ್ಗೆ ಶೀಘ್ರ ಚಾಲನೆ, ಗಂಟೆಗೆ 250 ವೇಗ
- Lifestyle ಬೇಸಿಗೆಯಲ್ಲಿ ದಿನಾ ಎಳನೀರು ಕುಡಿದರೆ ಏನಾಗುತ್ತೆ? ಯಾವ ಸಮಯದಲ್ಲಿ ಎಳನೀರು ಕುಡಿಯಬೇಕು?
- Sports India's Squad For T20 World Cup: ಟಿ20 ವಿಶ್ವಕಪ್ಗೆ ಸಂಭಾವ್ಯ 20 ಸದಸ್ಯರ ಭಾರತ ತಂಡ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಒಂದು ಶೋಗೆ 200 ಕೋಟಿ ಸಂಭಾವನೆ ಪಡೆಯುತ್ತಿರುವ ಗಾಯಕಿ! ಯಾರೀಕೆ?
ಗಾಯಕರ ಲೈವ್ ಶೋಗಳು, ಕಾನ್ಸರ್ಟ್ಗಳಿಗೆ ಒಳ್ಳೆಯ ಬೇಡಿಕೆ ಇದೆ. ಹಲವು ಗಾಯಕರು, ಸಂಗೀತ ನಿರ್ದೇಶಕರು, ನೃತ್ಯಕಲಾವಿದರು, ಸಿನಿಮಾಗಳಲ್ಲಿ ಕೆಲಸ ಮಾಡುವುದಕ್ಕಿಂತಲೂ ಲೈವ್ ಶೋ ನೀಡುವುದಕ್ಕೆ ಆದ್ಯತೆ ನೀಡುತ್ತಾರೆ. ಇದಕ್ಕೆ ಕಾರಣ ಅಲ್ಲಿ ಸಿಗುವ ದೊಡ್ಡ ಮೊತ್ತದ ಸಂಭಾವನೆ.
ಭಾರತದ ಹಲವು ಗಾಯಕರಿಗೆ ಅಂತರಾಷ್ಟ್ರೀಯ ಮಟ್ಟದಲ್ಲಿ ಬಹಳ ಒಳ್ಳೆಯ ಬೇಡಿಕೆ ಇದೆ. ಎಆರ್ ರೆಹಮಾನ್ ಆಗಾಗ್ಗೆ ವರ್ಲ್ಡ್ ಟೂರ್ಗಳನ್ನು ಮಾಡುತ್ತಲೇ ಇರುತ್ತಾರೆ. ಸೋನು ನಿಗಮ್, ಕೈಲಾಶ್ ಖೇರ್ ಇನ್ನೂ ಹಲವು ಹೊಸ ಹಳೆಯ ಗಾಯಕರು ಸಹ ಹೊರದೇಶಗಳಲ್ಲಿ ಲೈವ್ ಶೋ ಮಾಡುತ್ತಲೇ ಇರುತ್ತಾರೆ.
ಈ ಲೈವ್ ಶೋಗಳಿಂದ ಒಳ್ಳೆಯ ಸಂಭಾವನೆ ಸಿಗುತ್ತದೆ ಆದರೆ ಒಬ್ಬ ಗಾಯಕಿ ಮಾತ್ರ ಹಿಂದೆಂದೂ ಯಾವ ಗಾಯಕನೂ ಕಾಣದಷ್ಟು ಸಂಭಾವನೆ ಪಡೆಯುತ್ತಿದ್ದಾರೆ!
ಹೌದು, ಜನಪ್ರಿಯ ಪಾಪ್ ಗಾಯಕಿ ಬಿಯಾನ್ಸೆ, ಐದು ವರ್ಷಗಳ ಬಳಿಕ ಮೊದಲ ಬಾರಿಗೆ ಖಾಸಗಿ ಶೋ ನಡೆಸಲು ಮುಂದಾಗಿದ್ದು, ಕೆಲವೆ ಗಂಟೆಗಳ ಈ ಶೋಗೆ ಸರಿ ಸುಮಾರು 200 ಕೋಟಿ ಹಣವನ್ನು ಸಂಭಾವನೆಯಾಗಿ ಪಡೆಯುತ್ತಿದ್ದಾರೆ.
ದುಬೈನ ಐಶಾರಾಮಿ ಅಟ್ಲಾಂಟೀಸ್ ಹೋಟೆಲ್ನಲ್ಲಿ ಬಿಯಾನ್ಸೆಯ ಈ ಶೋ ನಡೆಯಲಿದೆ. ಆದರೆ ಶೋಗೆ ಆಹ್ವಾನಿತರು ಮಾತ್ರವೇ ಹಾಜರಾಗಲಿದ್ದಾರೆ. ಕಡಿಮೆ ಜನ ಸೇರುವ ಶೋಗೆ ಅತಿ ಹೆಚ್ಚು ಸಂಭಾವನೆ ಪಡೆದ ಶ್ರೇಯ ಬಿಯಾನ್ಸೆ ಪಾಲಾಗಿದೆ. ಶೋಗಾಗಿ ಬಿಯಾನ್ಸೆ ತಾಲೀಮು ನಡೆಸುತ್ತಿರುವ ದೃಶ್ಯಗಳನ್ನು ಕೆಲವು ಅಭಿಮಾನಿಗಳು ಸಾಮಾಜಿಕ ಜಾಲತಾಣದಲ್ಲಿ ಲೀಕ್ ಮಾಡಿದ್ದಾರೆ.
ದುಬೈನ ಬಿಯಾನ್ಸೆಯ ಈ ಇವೆಂಟ್ಗೆ ದುಬೈನ ಗಣ್ಯರು ಹಾಗೂ ದುಬೈನ ಕೆಲವು ಐಶಾರಾಮಿ ಅಪಾರ್ಟ್ಮೆಂಟ್ಗಳಲ್ಲಿ ವಾಸಿಸುತ್ತಿರುವವರು ಹಾಗೂ ಹೋಟೆಲ್ಗಳ ಐಶಾರಾಮಿ ಸೂಟ್ಗಳಲ್ಲಿ ಸ್ಟೇ ಆಗಿರುವವರನ್ನು ಮಾತ್ರವೇ ಆಹ್ವಾನಿಸಲಾಗಿದೆ. ಕೇವಲ ಎ ಲಿಸ್ಟೆಡ್ ಅತಿಥಿಗಳು ಮಾತ್ರವೇ ಬಿಯಾನ್ಸೆಯ ಶೋ ನೋಡಲಿದ್ದಾರೆ. ಜನಪ್ರಿಯ ಬ್ರಿಟೀಷ್ ರ್ಯಾಪರ್ ಬೀ ರನ್ವೇ ಸಹ ಬಿಯಾನ್ಸೆಯ ಶೋ ಗೆ ವಿಶೇಷ ಆಹ್ವಾನಿತರಾಗಿದ್ದು, ಈ ವಿಷಯವನ್ನು ಇನ್ಸ್ಟಾಗ್ರಾಂನಲ್ಲಿ ಹಂಚಿಕೊಂಡಿದ್ದಾರೆ.
ಬಿಯಾನ್ಸೆ ಹೀಗೊಂದು ಲೈವ್ ಶೋ ನೀಡಿ ಐದು ವರ್ಷಗಳಾಗಿದ್ದವು. ಹಲವು ಕಾರಣಗಳಿಂದ ಬಿಯಾನ್ಸೆ ಲೈವ್ ಶೋ ನೀಡಿರಲಿಲ್ಲ. ಇದೀಗ ಬಿಯಾನ್ಸೆ ತಮ್ಮ 'ರಿನಾಯ್ಸೆನ್ಸ್ ಟೂರ್' ಅನ್ನು ಘೋಷಿಸಿದ್ದು, ಈ ಶೋ ಕೆಲವು ಪ್ರಮುಖ ನಗರಗಳಲ್ಲಿ ನಡೆಯಲಿದೆ. ಶೋನ ಟಿಕೆಟ್ಗಳು ಈಗಾಗಲೇ ಮಾರಾಟವಾಗಿವೆ. ತಮ್ಮ 'ರಿನಾಯ್ಸೆನ್ಸ್ ಟೂರ್' ಗೆ ಮುಂಚಿತವಾಗಿ ಬಿಯಾನ್ಸೆ ದುಬೈನ ಶೋ ಮಾಡುತ್ತಿದ್ದಾರೆ.