ವಿಚ್ಛೇದನ ನಂತರ 60 ಕೋಟಿ ಕೊಟ್ಟೆ, ಆದ್ರೂ ಬೀದಿಗೆಳೆಯುತ್ತಿದ್ದಾಳೆ ಎಂದ ನಟ

ಕೋರ್ಟ್ ಮೊರೆ ಹೋದ ಏಂಜಲೀನಾ

ವಿಚ್ಛೇದನ ನಂತರ ಮಾಜಿ ಪತಿ ಬ್ರಾಡ್ ಪಿಟ್ ತಮ್ಮ ಮಕ್ಕಳ ಪೋಷಣೆಗಾಗಿ ಅಗತ್ಯವಿರುವ ಪರಿಹಾರ ಧನ ನೀಡಿಲ್ಲ ಎಂದು ನಟಿ ಏಂಜಲೀನಾ ಜೋಲಿ ಕೋರ್ಟ್ ಮೊರೆ ಹೋಗಿದ್ದು, ಪ್ರಕರಣ ದಾಖಲು ಮಾಡಿದ್ದಾಳೆ.

ಪ್ರಚಾರಕ್ಕೆಂದ ನಟ

ಏಂಜಲೀನಾ ಜೋಲಿ ಅವರ ಲಾಯರ್ ಬ್ರಾಡ್ ಪಿಟ್ ವಿರುದ್ಧ ಪ್ರಕರಣ ದಾಖಲಿಸಿರುವುದಾಗಿ ಮಾಧ್ಯಮಕ್ಕೆ ತಿಳಿಸಿದ್ದಾರೆ. ಈ ವಿಷ್ಯಕ್ಕೆ ಸಂಬಂಧಪಟ್ಟಂತೆ ಪ್ರತಿಕ್ರಿಯಿಸಿರುವ ಬ್ರಾಡ್ ಪಿಟ್ ''ಇದೆಲ್ಲ ಪ್ರಚಾರಕ್ಕೆಂದು ಮಾಡುತ್ತಿರುವ ಆರೋಪವಷ್ಟೇ ಎಂದು ಕಿಡಿಕಾರಿದ್ದಾರೆ.

60 ಕೋಟಿ ಕೊಟ್ಟಿದ್ದೇನೆ

ಇಲ್ಲಿಯವರೆಗೂ ಆಕೆ ಮತ್ತು ಮಕ್ಕಳ ಪೋಷಣೆಗೆಂದು ಸುಮಾರು 60 ಕೋಟಿಯವರೆಗೂ ನೀಡಿದ್ದೇನೆ ಎಂದು ಬ್ರಾಡ್ ಪಿಟ್ ಹೇಳುತ್ತಿದ್ದಾರೆ. ಹೀಗಿದ್ದರೂ ನನ್ನನ್ನು ಬೀದಿಗೆ ತರುತ್ತಿದ್ದಾಳೆ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.

ಮನೆ ಖರೀದಿಸಿರುವ ದುಡ್ಡ ನನ್ನದೇ

ಏಂಜಲೀನಾ ಜೋಲಿ ಇತ್ತೀಚಿಗೆ 54-60 ಕೋಟಿ ಬೆಲೆಯ ವಿಲ್ಲಾ ಖರೀದಿಸಿದ್ದಾರೆ. ಆ ದುಡ್ಡು ನಾನು ಕೊಟ್ಟಿದ್ದೆ. ಬೇರೆಯವರಿಂದ ಕೊಡಿಸಿದ್ದೇನೆ ಎಂದು ಬ್ರಾಡ್ ಪ್ರತ್ಯಾರೋಪ ಮಾಡುತ್ತಿದ್ದಾರೆ.

ಆರು ಮಕ್ಕಳ ತಾಯಿ

ಅಂದ್ಹಾಗೆ, ಏಂಜಲೀನಾ ಜೋಲಿ ಮತ್ತು ಬ್ರಾಡ್ ಪಿಟ್ ದಂಪತಿಗೆ ಒಂದು ಮಗುವಿದೆ. ಅದಲ್ಲದೇ ಏಂಜಲೀನಾ ಜೋಲಿಗೆ ಮೂರು ವಿವಾಹವಾಗಿದ್ದು, ಒಟ್ಟು ಆರು ಮಕ್ಕಳಿದ್ದಾರೆ. ಎಲ್ಲ ಪತಿಯರಿಂದ ದೂರವಿರುವ ಏಂಜಲೀನಾ ಜೋಲಿ ಆರು ಮಕ್ಕಳನ್ನ ಪೋಷಿಸುತ್ತಿದ್ದಾರೆ.