Don't Miss!
- Lifestyle ದುಬೈ ಪ್ರವಾಹದ ವೈರಲ್ ವೀಡಿಯೋಗಳು: ಒಂದೊಂದು ದೃಶ್ಯವೂ ಬದುಕಿನ ಪಾಠ ಹೇಳುತ್ತೆ
- News ರಾಜ್ಯದಲ್ಲಿ ಮೊದಲ ಬಾರಿಗೆ ಲೈಂಗಿಕ ದೌರ್ಜನ್ಯಕ್ಕೊಳಗಾದ ಬಾಲಕನಿಗೆ ₹1 ಲಕ್ಷ ಪರಿಹಾರ-ಯಾವ ಜಿಲ್ಲೆಯಲ್ಲಿ?
- Finance Binance: ಫೈನ್ ಕಟ್ಟಿ ಭಾರತಕ್ಕೆ ಮರಳಿ ಬರಲಿದೆ ಕ್ರಿಫ್ಟೋಕರೆನ್ಸಿ ವಿನಿಮಯ ಕೇಂದ್ರ!
- Automobiles Tata: ಮಧ್ಯಮ ವರ್ಗದವರಿಗೆ ಸಿಹಿಸುದ್ದಿ.. ಮುಂಬರಲಿರುವ ಟಾಟಾ ಕಾರುಗಳಿವು, ಒಂದಕ್ಕಿಂತ ಒಂದು ಭರ್ಜರಿಯಾಗಿವೆ!
- Technology Realme: ರಿಯಲ್ಮಿ C65 5G ಸ್ಮಾರ್ಟ್ಫೋನ್ ಫೀಚರ್ಸ್ ಲೀಕ್! 6.67″ 120Hz ಡಿಸ್ಪ್ಲೆ...
- Sports ಟಿ20 ವಿಶ್ವಕಪ್ ಬಗ್ಗೆ ಸ್ಪಷ್ಟನೆ ಕೇಳಿದ ವಿರಾಟ್ ಕೊಹ್ಲಿ; ಕಹಾನಿ ಮೇ ಟ್ವಿಸ್ಟ್ ನೀಡಿದ ಬಿಸಿಸಿಐ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ದೆವ್ವದ ಸಿನಿಮಾ ನೋಡುವ ಕೆಲಸ ಖಾಲಿ ಇದೆ, 90 ಸಾವಿರ ಸಂಬಳ: ಯಾರಿಗಿದೆ ಧೈರ್ಯ?
ಹಣ ಕೊಟ್ಟು ಸಿನಿಮಾ ನೋಡುವುದು ಸಾಮಾನ್ಯ ಆದರೆ ಸಿನಿಮಾ ನೋಡಿದರೆ ಹಣ ಕೊಡುವ ಆಫರ್ ಕೇಳಿದ್ದೀರ? ಇಲ್ಲಿದೆ ನೋಡಿ.
ಸಿನಿಮಾ ನೋಡಿದರೆ ಸುಮಾರು ಲಕ್ಷ ರೂಪಾಯಿ ಹಣ ಕೊಡಲಾಗುತ್ತದೆ. ಆದರೆ ನೋಡಬೇಕಾಗಿರುವುದು ಸಾಮಾನ್ಯ ಸಿನಿಮಾಗಳಲ್ಲ ಬದಲಿಗೆ ಹಾರರ್ ಸಿನಿಮಾಗಳು.
ಹತ್ತು ದಿನದಲ್ಲಿ 13 ಹಾರರ್ ಸಿನಿಮಾ ನೋಡಿದವರಿಗೆ 90,000 ಸಂಬಳವಾಗಿ ನೀಡಲಾಗುತ್ತದೆ. ಜೊತೆಗೆ ಕೆಲವು ಗಿಫ್ಟ್ ಕಾರ್ಡ್ಗಳನ್ನು ಸಹ ನೀಡಲಾಗುತ್ತದೆ. ಹೀಗೆಂದು ಅಮೆರಿಕ ದೇಶದ ಫೈನ್ಯಾನ್ಸ್ ಬಜ್ ಹೆಸರಿನ ಸಂಸ್ಥೆ ಘೋಷಣೆ ಹೊರಡಿಸಿದೆ.
ಹೆಚ್ಚು ಬಜೆಟ್ನ ಹಾರರ್ ಸಿನಿಮಾಗಳು ಜನರಿಗೆ ಹೆಚ್ಚು ಭೀತಿಯ ಭಾವ ಹುಟ್ಟಿಸುತ್ತವೆಯೇ ಅಥವಾ ಕಡಿಮೆ ಬಜೆಟ್ನ ಸಿನಿಮಾಗಳು ಜನರಲ್ಲಿ ಹೆಚ್ಚಿನ ಭಯದ ಭಾವ ಹುಟ್ಟುಹಾಕುತ್ತವೆಯೋ ಪರೀಕ್ಷಿಸಲು ಫೈನ್ಯಾನ್ಸ್ ಬಜ್ ಈಥರಹದ್ದೊಂದು ಪ್ರಯೋಗಕ್ಕೆ ಮುಂದಾಗಿದೆ. 'ಹಾರರ್ ಮೂವಿ ಹಾರ್ಟ್ ರೇಟ್ ಅನಾಲಿಸ್ಟ್' ಹೆಸರಿನ ಹುದ್ದೆಯನ್ನು ಸ್ಥಾಪಿಸಿದ್ದು, ಈ ಉದ್ಯೋಗಕ್ಕೆ ಅರ್ಜಿ ಹಾಕಿ ಉದ್ಯೋಗ ಸಂಪಾದಿಸಬೇಕಿದೆ.
ಆಯ್ಕೆ ಆದ ವ್ಯಕ್ತಿಗೆ ಫಿಟ್ಬಿಟ್ (ಹೃದಯ ಬಡಿತ ಅಳೆಯುವ ಗೆಜೆಟ್) ಅನ್ನು ಕಟ್ಟಿ ಆತನಿಗೆ ಹಾರರ್ ಸಿನಿಮಾಗಳನ್ನು ತೋರಿಸಲಾಗುತ್ತದೆ. ಹೃದಯದ ಬಡಿತ ಆಧರಿಸಿ ಹಾರರ್ ಸಿನಿಮಾಗಳ ಗುಣಮಟ್ಟವನ್ನು ಸಂಸ್ಥೆಯು ನಿರ್ಧರಿಸುತ್ತದೆ.
ಆದರೆ ಈ ಉದ್ಯೋಗಕ್ಕೆ ಅರ್ಜಿಯನ್ನು ಅಮೆರಿಕದ ನಾಗರೀಕರಷ್ಟೆ ಹಾಕಬೇಕು, ಆನ್ಲೈನ್ ಮೂಲಕ ಅಪ್ಲಿಕೇಶನ್ ಹಾಕಿದವರಲ್ಲಿ ಒಬ್ಬರನ್ನು ಆಯ್ಕೆ ಮಾಡಿ ಅವರಿಗೆ ಫಿಟ್ಬಿಟ್ ಕಳಿಸಲಾಗುತ್ತದೆ. ಆಯ್ಕೆ ಆದ ವ್ಯಕ್ತಿಯು ಫೈನ್ಯಾನ್ಸ್ ಬಜ್ ಸಂಸ್ಥೆಯು ಹೇಳುವ ಹದಿಮೂರು ಹಾರರ್ ಸಿನಿಮಾಗಳನ್ನು ಹತ್ತು ದಿನದಲ್ಲಿ ನೋಡಬೇಕು. ಸಂಸ್ಥೆಯು ಈಗಾಗಲೇ ಹದಿಮೂರು ಹಾರರ್ ಸಿನಿಮಾಗಳ ಪಟ್ಟಿಯನ್ನು ಬಿಡುಗಡೆ ಮಾಡಿದೆ.
'ಸಾ', 'ಅಮ್ಟಿವಿಲ್ಲೆ ಹಾರರ್', 'ಎ ಕ್ವೈಟ್ ಪ್ಲೇಸ್', 'ಎ ಕ್ವೈಟ್ ಪ್ಲೇಸ್ 2', 'ಕ್ಯಾಂಡಿಮ್ಯಾನ್', 'ಇನ್ಸಿಡಿಯಸ್', 'ದಿ ಬ್ಲೇರ್ ವಿಚ್ ಪ್ರಾಜೆಕ್ಟ್', 'ಸಿನಿಸ್ಟರ್', 'ಗೆಟ್ ಔಟ್', 'ದಿ ಪರ್ಗ್', 'ಹಾಲೊವೀನ್ (2018)', 'ಪ್ಯಾರಾನಾರ್ಮಲ್ ಆಕ್ಟಿವಿಟಿ', 'ಅನ್ನಾಬೆಲ್' ಇಷ್ಟು ಹಾರರ್ ಸಿನಿಮಾಗಳನ್ನು ಆಯ್ಕೆ ಆದ ವ್ಯಕ್ತಿ ನೋಡಬೇಕಾಗಿದೆ.